1 THÂTIHZYRONA 2 - Mara Bible RV (BSI)

Izarei pathlazy

¹ Hezy he Izarei sawchapawzy ama châ: Rubena, Simeôna, Livai, Zudâh, Iskâra, Zebulawna,

² Dânâ, Zawsi, Benzami, Nâthalai, Kâdâ nata Asera zy ama châ.

Zudâh chi

³ Hezy he Zudâh pathlazy ama châ: Zudâh ta Kâna zuah Bâsua chô liata sawchapaw pathôh, Erâ, Ônâ nata Selâh zy sa ta. Zudâh sawchapaw uhtheipa Erâ cha Abeipa mohmô liata moleipa châ ta, Abeipa ta a thie haw.

⁴ Zudâh cha a myuhnô Tâmâri liata Pereza nata Zerâ sa ta. Zudâh sawchapaw zydua cha papangawh ama châ.

⁵ Pereza sawchapawzy cha Hezrô nata Hâmu ama châ.

⁶ Zerâ sawcha­pawzy cha Zimri, Ethâ, Hemâ, Kâkaw nata Dârâ zy châ ei ta, ama zydua ta papangawh ama châ.

⁷ Kâmi sawchapawpa cha Âkhâ châ ta, Âkhâ cha Izarei sawzy a patypamâtuhpa, pahleipadia awpa hraona sôh a parutuhpa kha a châ.

⁸ Ethâ sawchapawpa cha Azariah a châ.

⁹ Hezrô sawchapawzy cha Zerame, Râmi nata Kelubai zy ama châ.

¹⁰ Râmi ta Aminadâ sa ta, Aminadâ ta Zudâh pathlazy chhituhpa Nâsô sa ta.

¹¹ Nâsô ta Salmô sa ta, Salmô ta Bôaza sa ta,

¹² Bôaza ta Ôbedâ sa ta, Ôbedâ ta Zese sa ta.

¹³ Zese ta sawchapaw uhtheipa Eliabâ sa ta, panona Abinadâ, pathôhna Simia,

¹⁴ papalihna Nethane, papangawhna Râdai,

¹⁵ pacharuna Ôze nata pasarina Dâvi zy sa ta.

¹⁶ Ama sietanôzy cha Zeru nata Abikai zy ama châ. Zeru sawchapawzy cha Abisai, Zôabâ nata Asahe zy châ ei ta, pathôh ama châ.

¹⁷ Abikai ta Amâsâ sa ta, Amâsâ paw cha Ismela chyhsa Zethe a châ.

¹⁸ Hezrô sawchapawpa Kâlebâ ta a lapinô Azubâ nata Zeriô chô liata sawzy sa ta, a sawchapawzy cha Zeserâ, Sôbâ nata Adô zy ama châ.

¹⁹ Azubâ a thi tawhta, Kâlebâ ta Epharâ hnei ta, ano ta Hurâ sapa ta.

²⁰ Hurâ ta Uri sa ta, Uri ta Bezale a sa.

²¹ Cha khai tawhta Hezrô cha Kilia paw Mâkhi sawchanô hnei ta. Kô sycharu a châ nota a hneipa a châ. Ano ta Seku sapa ta.

²² Seku ta Zairâ sa ta, ano cha Kilia râh liata khihpi miakih nata miathôh a hneipa a châ.

²³ Châhrasala Kesu nata Aramia ta Kilia râh liata Havôzairâ nata Kenathâ khihpizy nata ama khichapeihzy, khih sycharu cha âmo tawhta la ei ta. Ama zydua heta Kilia paw Mâkhi pathlazy ama châ.

²⁴ Hezrô a thi tawhta Kâlebâ cha a paw Hezrô lapinô Epharâthâ cha lapinô ta hnei ta, ano ta Asahu sapa ta, Asahu cha Tekô paw a châ.

²⁵ Hezrô sawchapaw uhtheipa cha Zerame châ ta, Zerame sawchapaw uhtheipa cha Râmi a châ. Hezrô sawchapaw hropazy cha Bunâ, Ôre, Ôze nata Ahiza zy ama châ.

²⁶ Zerame ta lapinô hropa hnei ta, a moh cha Atarâ châ ta, ano cha Ônami nô a châ.

²⁷ Zerame sawchapaw uhtheipa Râmi sawchapawzy cha Mâza, Zami nata Eke zy ama châ.

²⁸ Ônami sawchapawzy cha Sâmai nata Zadâ ama châ. Sâmai sawchapawzy cha Nâdâ nata Abisu ama châ.

²⁹ Abisu lapinô moh cha Abihai châ ta, ano ta Abisu châta Abâ nata Môli a sapa.

³⁰ Nâdâ sawchapawzy cha Sele nata Apai châ ei ta, Sele cha saw hnei leipa ta a thi haw.

³¹ Apai sawchapawpa cha Isi châ ta, Isi sawchapawpa cha Sesâ a châ. Sesâ sawchapawpa cha Ahlai a châ.

³² Sâmai unawhpa Zadâ sawchapawzy cha Zethe nata Zawnathâ zy châ ei ta, Zethe cha saw hnei leipa ta a thi haw.

³³ Zawnathâ sawchapawzy cha Pele nata Zaze ama châ. Âmo cha Zerame pathlazy ama châ.

³⁴ Sesâ cha sawchapaw hnei leipa ta, sawchanôzy dei hnei ta. Sesâ cha Izi chyhsa Zarahâ ama tahpa sei hnei ta.

³⁵ Sesâ ta a sawchanô cha a sei Zarahâ pahneisa ta, ano ta Atai sapa ta.

³⁶ Atai ta Nâthâ sa ta, Nâthâ ta Zabâdi sa ta.

³⁷ Zabâdi ta Ephalâ sa ta, Ephalâ ta Ôbedâ sa ta.

³⁸ Ôbedâ ta Zehu sa ta, Zehu ta Azariah sa ta.

³⁹ Azariah ta Helezi sa ta, Helezi ta Eliasâ sa ta.

⁴⁰ Eliasâ ta Sismai sa ta, Sismai ta Sâluh sa ta.

⁴¹ Sâluh ta Zekamiah sa ta, Zekamiah ta Elisâmâ a sa.

⁴² Zerame unawhpa Kâlebâ sawchapaw uhtheipa cha Mâresâ châ ta, ano cha Ziphi paw a châ. Mâresâ sawchapawpa cha Hebraw a châ.

⁴³ Hebraw sawchapawzy cha Kôrâ, Tâpuah, Reke nata Semâ zy ama châ.

⁴⁴ Semâ ta Zawkia paw Râha sa ta, Reke ta Sâmai a sa.

⁴⁵ Sâmai sawchapawpa cha Maô châ ta, Maô cha Bezu paw a châ.

⁴⁶ Kâlebâ nôtho Epha ta Harânâ, Môza nata Kaze zy sa ta, Harânâ ta Kaze a sa.

⁴⁷ Zadai sawchapawzy cha Reke, Zawthâ, Kesâ, Pele, Epha nata Sâpha zy ama châ.

⁴⁸ Kâlebâ nôtho Mâkâ ta Sebe nata Tihânâ sa ta.

⁴⁹ Mâmanâh paw Sâpha nata Mâbenâ nata Kibia paw Sevâ zy sa hra ta. Kâlebâ sawchanô cha Akasâ a châ.

⁵⁰ Âmo cha Kâlebâ pathlazy ama châ. Ephrâthâ sawchapaw uhtheipa Hurâ sawchapawzy cha Kiriaziari paw Sôbâ,

⁵¹ Bethlehe paw Salmâ nata Bekade paw Harepha zy ama châ.

⁵² Kiriaziari mo pathlatuhpa Sôbâ ta pathla hropazy hnei ta, âmo cha Hârôe mo nata Menuhô mo khophie zy ama châ.

⁵³ Kiriaziari phozy cha Ithari mo, Puthi mo, Sumathi mo nata Misrai mozy châ ei ta, âmo tawhna heta Zôrâ mo nata Estaw mozy ama vaw pua.

⁵⁴ Salmâ pathlazy cha Bethlehe mo, Netôpha mo, Atôbezôabâ mo, Mânahâ mo khophie nata Zôri mozy ama châ.

⁵⁵ Zabia liata chârohtuhpa phozy chhao âmo pathla châ ei ta, âmo cha Tirathi mo, Simiathi mo nata Sukuthi mozy ama châ. Âmo he Keni mo châ ei ta, Rekabâ pathlazy paw Hâmathi tawhta a vaw puapazy ama châ.