Masmuureta a masmuurewwa piisa qara jaallitto 7 - Mataafa Qulqulloota

Inna haasawanni

¹ Atti enenta nuqusa! Loqaatti xopa karaaye oo atta paxaari taffaatti sira takkan a harmitta harkan kode'e pahan.

² Kusumtaayti kiwwa paxaara a oppaayye taadeta wayneeta kellaawni in kinnini pahata surraayti marranta kappa a piisan quda tiitayshene paha.

³ Amaddaatti lakki nyalqa a kuumanta a sallahama dalade'e pahan.

⁴ xolmaatti kawwatta tooya a hirta arpatin dawene pahan. Ildaatti nefo ella takkan a Heseepooni xarra oxinta kapa ca'e pahan. Siinaatti, kawwatta takka a tooya a katama Lipaanoosi katama Temaasqo mina tooynitto pahan.

⁵ Mattaayti akkima irroota Qermeloosi' mina'e ke qaraayye kulleeta ulfeena' paha. Nyirfaatti damatta poora pahan nuqusa ka nyirfaattippa' qapame ka hidame.

⁶ Ke an jaalanno enenta, oo atta a' xarjaallitteeta, ka atta paxaari paxaari?

Jaalala takkumtinno

⁷ Qa'attaayti akka qoyra sampaapa' mina paha. Amaddaatti nefo dalta luukkata'e pappahan

⁸ anka issi' kide, “Qoyroose a sanpaapa qaropan fayyada ka daltose' xaadi pohada.” Amaddaatti, xela a dalta wayneeta kodden. Aluma nessaayti nefo xela a dalta kutatta' pahanaaden

⁹ hibbaatti nefo xela a taadeta wayneeta mina' me'aawen. Ishase an jaalanno, taadese a wayneeta a lokko isha karopa anto ka hibbaadi ka ilkaadi karanxata urqito.

enenta haasawanni

¹⁰ Anti an ishase ana jaalannoti. Isha nefo anaaw xajeelli

¹¹ ke an jaalanno, xooye ka kantadaappopa anna ka paleetoppopa kalla ka eeyye mukna.

¹² Ka teykantan xaana ka dulase a wayneeta oppopa keena ka akkima wayneeta piste roomaani ka dalte tooyna. Eeyye'en jaalalaayyo ke akkishaay.

¹³ Turunkoota i'alaawni. Luukkawwasene memme'aawna' piisa are xarrinno oppa caan. Ke an jaalanno, an ka ke xaaye.