Mataafa Uumata 5 - Mataafa Qulqulloota

Sanynyeeta Attaami

¹ Are kammopa xata maxxada a saynnyeeta Attaami ca. Waaqa awta nama uummooyye pahanaadinni uume.

² Ka diirta ka iskatteeta' kode ka uume. Ka ishootta' sake ka maxxa ishootta' kode ka kide, ‘Nama’.

³ Attaami ete paraadi dippa ka kunda sessa kayeeyye, inna isha paha'e xaaye ka ‘Seeti’ kide ka maxxa ishi' kode.

⁴ Attaami a Seeti xaaye kammaayye, para dippa sette kallaade ka parroosen kara hellaa a diira isho a tuparra' xaayeew.

⁵ Attaami para dippa sakal ka kunda sessa kallaade ka to'e.

⁶ Seeti ete paraadi dippa ka ken kayeeyye, Henoosi xaaye.

⁷ Seeti a Henoosi xaaye kammaayye, para dippa sette ka tappa kallaade ka parroosen kara hellaa a diira isho a tuparra' xaayeew.

⁸ Seeti para dippa sakal ka kudanka lakki kallaade ka to'e.

⁹ Henoosi ete paraadi kunda sakal kayeeyye, Qaynaani xaaye.

¹⁰ Henoosi a Qaynaani xaaye kammaayye, para dippa sette ka kudanka keni kallaade ka parroosen kara'e, hellaa a diira isho a tuparra' xaayeew.

¹¹ Henoosi para dippa sakali ka keni kallaade ka to'e.

¹² Qaynaani ete paraadi kunda tappa kayeeyye, Melaali'eli xaaye.

¹³ Qaynaani a Melaali'eli xaaye kammaayye, para dippa sette ka kunda afuri kallaade ka parroosen kara hellaa a diira isho a tuparra' xaayeew.

¹⁴ Qaynaani para dippa sakali ka kudani kallaade ka to'e.

¹⁵ Melaali'eli ete paraadi kunda lehi ken kayeeyye, Yaaredi xaaye.

¹⁶ Melaali'eli a Yaaredi xaaye kammaayye, para dippa sette ka kunda sessa kallaade ka parroosen kara hellaa a diira isho a tuparra' xaayeew.

¹⁷ Melaali'eli para dippa sette ka kunda sakali keni kallaade ka to'e.

¹⁸ Yaaredi ete paraadi dippa ka kunda lehi lakki kayeeyye, Henooki xaaye.

¹⁹ Yaaredi a Henooki xaaye kammaayye, para dippa sette kallaade ka parroosen kara hellaa a diira ka a tuparra' xaayeew.

²⁰ Yaaredi para dippa sakal ka kunda lehi lakki kallaade ka to'e.

²¹ Henooki ete paraadi kunda lehi' ken kayeeyye, Maatusaala xaaye.

²² Henooki pora Waaqatinni kallaade ka a Maatusaala xaaye kammaayye, para dippa sessa kallaade ka parroosen kara hellaa a diira isho a tuparra' xaayeew.

²³ Henooki para dippa sessa ka kunda lehi' keni kallaade.

²⁴ Henooki qoota pora Waaqatin kallaade malla, Waaqa isha teyyade ikka in akkaannin.

²⁵ Maatusaala ete paraadi dippa ka kunda setteeti tappa kayeeyye, Laamehi xaaye.

²⁶ Matusaala a Laamehi xaaye kammaayye, para dippa tappa ka kunda setteeti lakki kallaade ka parroosen kara hellaa a diira isho a tuparra' xaayeew.

²⁷ Matusaala para dippa sakali ka kunda lehi' sakali kallaade ka to'e.

²⁸ Laamehi ete paraadi dippa ka kunda setteeti lakki kayeeyye, inna xaaye.

²⁹ Ka kide, “Innoosen yaala piisse a Waaqa Poqalla jiije kela ino nessisha” ka “Noohe” kide ka maxxa ishi' kode.

³⁰ Laamehi a Noohe xaaye kammaayye, para dippa keni ka kunda sakali' keni kallaade ka parroosen kara hellaa a diira isho a tuparra' xaayeew.

³¹ Laamehi para dippa tappa ka kunda tappa' tappa kallaade ka to'e.

³² Noohe ete paraadi dippa ken kayeeyye, Seemi ka Kaami isho Yaafeeti xaaye.