Mataafa Uumata 10 - Mataafa Qulqulloota

Daloota hellaa Noohe

¹ A pisha piita qara pire ku'en kammaayye, hellaa Noohe Seemi ka Kaami ka Yaafeeti, hellaa diira'e xaayadeneew. Are kammopa xata qoota sanynyeetaayshoti desa torrini.

Sanyeeta Yafeti

² Sanynyeeta Yaafeeti, Komeri ka Maakooki ka Yawaani ka Tupaali ka Mosheki isho Teeraasi kidammi.

³ Sanynyeeta Komeri, orra Ashkanaasi ka a Ari'ati isho a Tokarma.

⁴ Sanynyeeta Yawaani, orra Aliisa ka a Terseesi ka a Kiitimi ihso a Rodaniimi.

⁵ Ishootta ka afaa a haasawannaaneetin kaffa kaffa'e ka toolla toolla'e pakatewwa kapan desa piita qapnaaden ka kallaanni.

Sanynyeeta kaami

⁶ Sanynyeeta Kaami, Kushi ka Misraayimi ka Fuuti ka Kene'aani kidammi.

⁷ Sanynyeeta Kushi, Saapa ka Hawiila ka Sapita ka Ra'imma ka Sapaqaatasi. Sanynyeeta Ra'imma, Saapa ka dadaani.

⁸ Kuushi inna Namruudi kidamma kuli qapa. Namruudi, paayyota isha piita qara xorma oranna' kodde.

⁹ Qoota Yaahiwwe isha qaarqaarro malla, xemampayta kokkoka kodde. Semmalla ikka olli' sakni ka kiini, “A Yaahiwwe a Naamruudi mina xemampayta kokkoka ke kodo.”

¹⁰ Piitadda a Naamruudi paayyota mukinna, Paapilooni ka Ereki ka Akaadi kidammi. Palewwosen sessa piisa piita sena'ori kara caan.

¹¹ Naamruudi eyyeeyye xa'e ka piita Asoori opa aane ka kantada Nenewwe ka Rehopooti isho Kalaahi kidamma' qupe.

¹² Ka akkimoose mina'eew, otanta Nenewwe isho a Kalahi kara'e, Reeseni qupeew, isheetta nefo paleeta a kutta.

¹³ Sanynyeeta Misraayimi Ludiimeta ka a Anamiimeeta ka Alahapiimeta ka Niftaalemeta.

¹⁴ Ka Fetrusiimeta ka orrase a oppa orra Filisteemi sooke, a orra Kasluhiimi ka a Qeftoriimi.

¹⁵ Kene'aani paayyota'e, Sidooni xaayade. Ka kamma'ew, aappada a orra keeti

¹⁶ ka a Iyyapuusi ka a Amoora ka a Kerkaasi' xaaye.

¹⁷ A pila'ew, Kene'aani aappa opa orra a Eewi ka a Arqa ka a Siini

¹⁸ ka a Ardawooni ka a Samaarinna ka a Amaatiya. Sekammaayye sanynyeetase a Kene'aani ka piita qara' paste.

¹⁹ Xeela Kene'aani, Sidooni xaate qinda Keraaraatinni haka Kaasa'e kayni. Ka qinda Sodoomitinniiw, Kamoora ka Adaama ka Sapooymi qapanni ka haka Laasha' kayni.

²⁰ Sene piisa sanynyeeta Kaami. Ishootta kaffa kaffaanne ka afaa a haasawannaanetinni, paleeta paleetanne isho toolla toollaanne kallaanni.

Sanynyeeta Seemi

²¹ Qaarta opa Yaafeeti, Seemi'i hellaa daladeneew. Isha sanynyeeta a hellaa Epeeri piisa'e aakka.

²² Hellaa Seemi, Elaami ka Asoori ka Arfakisidi ka Luudi isho Araami.

²³ Hellaa Araami, Kuusi ka Huli ka Keeteri isho Mosohi.

²⁴ Arfakisidi, Shaala xaaye. Shaala ka Epeeri xaaye.

²⁵ Epeeri hellaa lakki xaayade. Inna takkan qoota sitiiyyi piita olkela qootamte malla, Fileeqo kidamen. Innaasso'ew, Yooqtaani kidamen.

²⁶ Yooqtaami'iw, aappa opa Elmosaadi ka a Saalefi ka a Hasramooti ka a Yaarahi

²⁷ ka a Hadoraami ka a Usaali ka a Diqila.

²⁸ Ka akkamoose' mina'ew, aappa opa Opaali ka a Usa'eli ka a Apima'eli ka a Saapa.

²⁹ Ka a Ofiri ka a Ewlaati ihso a Yopaali. Sene piisa hellaa Yoqtaaniiw.

³⁰ Porra a oppa' kallaaden nefo, Mesha payyanni ka Sefaari irrowwa qinda piirtotatin ca kayni.

³¹ Sene piisa sanynyeeta Seemi. Ishootta afaa haasawannaanetinni kaffa kaffa ka paleeta paleeta kodden ka piita piita oppa oli qooten.

³² Sanynyeeta hellaa Noohe akka dalootaaysho isho a kaffaassotinni, sene. A pisha piita qara piren kammaayye, orra piita qara co piisa ishottoppaaw sooke.