Mataafa Masmuureta 9 - Mataafa Qulqulloota

Kalata Waaqa a hanqeetan faranno' dehaade (Masmuureta a Taawwiti saara orra a masmuureta dawnooti akka kirpase “Toota a inna” kidamte ka upnaysamten dawade)

¹ Oo Waaqqo! Karittiyyo piisannen ke kalataysanni; ka kodaayti a orra qawwanno piisa torrini.

² Kennen xasoonni ka xasa qapnaanni; oo ke a piisa qara qapo! Maxxaayti'in kalata dawanni.

³ Paarakaaladdaayyo iskammandesa ooran, ka kekkehadan ka fuulaayti turaayye alle' patan.

⁴ atti alkaatti qara'e' kutiite ka hanqeetan faranni. Rakkootiyyo ka dukaatiyyo ka harkaaytippaaw caan.

⁵ Atti issamayta peeqte; ka ukkuttowwa pirte; ka haka paraparati maxxaaysho alle' haaqte.

⁶ Paarkaala haka paraparati piramen; katamaddaasso alle' pootte; maxxaaysho kuli ka dapade.

⁷ Waaqa xoori, haka paraparati kallaada; ka firteeta farata'e, alkaadi nefo qaatisade.

⁸ Isha hanqeetanne kaaskella qara' firteeta farata; ka dukaatan samayta muksha.

⁹ Waaqa a miiddameeti pora xelsuma'e koddini; ka eta rakkootati pora a kara' pahanaan koddini.

¹⁰ A maxxaayti upa' piisa ke qara'e xasa xaayanni; oo Waaqqo! A ke faana atti alle a' diinni a' kitto.

¹¹ Waaqase Siyyooni qara kalo'e, masmuureta a kalata' dawada; ka samayta tura' kodaadi salisha.

¹² Isase haalota pooyyino, ishootta dikanni; ullupitta orra miidammo' nefo teymini in co.

¹³ Oo Waaqqo! Ke a xarra toota' tura opeela ana qapno; ana suraysado! Ka rakkoota a paarkaaladdaayyo ana qara' qeennaan ana' akke.

¹⁴ Oton sede ana' kootaayye, xarrada enenta Siyyooni karaayye, kalataayti piisan torra; ka dinaaytin xasooda.

¹⁵ Ha samayta piita, qaawa qote karopaaw seehe; loqqaasso ka turuurase a ishootta' qaasen oppa'ew qapamen.

¹⁶ Ha Waaqa dukaata mureetanne upnaysammi; ukkuttowwa ka wa harkaayshotin kodene oppa'ew qapammi.

¹⁷ Ukkuttowwa Si'oolippopa tuqaman; orra Waaqa teymino kuli, asseew tuqama.

¹⁸ Rakkatampaya xoori awta piisa in teymaman; umma kippeeta teekolaya haka paraparati assen hasto.

¹⁹ Oo Waaqqo! xa'e nama ka in jaallin; fuulaayti tura'e samayta piita' qara faratta.

²⁰ Oo Waaqqo! Ishootta tammaqishe; samayta ka akka namumayteeta qaropa in qapnin upnaado.