Mataafa Masmuureta 8 - Mataafa Qulqulloota

Waaqa uumataadi qaraayye ikutti (Masmuureta a Taawwiti saara a orra masmuureta dawnooti a luuttotan dawe)

¹ Oo Waaqqo Poqallaanno! Maxxaayti oo atta piita piisa qara' kuttade! Ulfeenaayti moontada qaropeela' qapnaysatte.

² Paarkaaladdaatti qaran xaate'e, paarkaala isho xomayyolaya jaw ki'issa malla, afaa hellaa isho a hellaa ama luukna oppa'e kalata harmisse.

³ Oton moontadasene a' harkaattin koote, ka isasene a' poraaysho oppa' xaayte, leya isho hiikka a' koote tooynooyye,

⁴ nama maana, akka ishaaw dikanni; inna nama maana? Akka ishootta qaraaw tooyni.

⁵ Erkampattowwa kelopaxata shakkayteeta shakkisse ka isha uumte; ka kulleeta ulfeena ka a kuttuma' qara' kalisse.

⁶ Kodaayti a harka' piisa qara'e, isha shuumte; ka we' piisa akka muksho' koote.

⁷ Kaharra ka okkaya piisa ka pinaana koommayta kuli,

⁸ ka xampira moonta ka murkuja pisha kela, ka wa pisha kelan xata lelleehina' piisa qaropeela isha kinnasse.

⁹ Oo Waaqqo Poqallaanno! maxxaayti oo atta piita piisa qara' kuttade.