Mataafa Masmuureta 70 - Mataafa QulqullootaQinseeta a qaarqaarsa Masmuureta a Taawwiti saara dawampayaati' dehayshe 1 Oo Waaqqo, anan pahe! Oo Waaqqo, jarjare ka ana qaarqaare! 2 A ana ikassa faana a tura' lulto, ikka jeeren; a ana miidda heena' piisa a isikamman desa ooren ka jeeren. 3 A hashshu! Hashshu! Kiina ka ana qara seesina' piisa, a jeeren ka isikamman desa ooren. 4 A ke faana' piisa xoori a xasooden ka harmo' xasooden; a dinissaayti jaalanna' piisa a awta piisa kidene, “Waaqa a kuttado.” 5 Anti an teekolayta ka an rakkatampaytaay, Waaqqo, jarjartan ana' awle; Oo Waaqqo, ken qaarqaarsiyyo ka anan pahanniiy, ana qara in jaran! |