Mataafa Masmuureta 6 - Mataafa Qulqulloota

Qinseeta eta a rakkoota (Masmuureta a Taawwiti saara orra masmuureta dawnooti a kehayta riba sette' qapon dawe)

¹ Oo Waaqqo! Miiraaytin anan fukkan; ka aaraatin anan qatta'an.

² Oo Waaqqo! Anti an makkeelaytaay, ana suraysado; Oo Waaqqo dakintiyyo imiiddammiiy, ana dinshe.

³ Napseetiyyo a kuttati rakkanniiy, ata Waaqqo! Haka aytamiti'i?

⁴ Oo Waaqqo! Tiitaawe ka anan pahe; ka xoonaatti malla ana dinshe.

⁵ Ha, orra le'e oppaayye a matte ke oorsanno in co ayno hawla kareela ke kalataysanni?

⁶ Pora quujattiyyo minan in kafade; halkeetta piisan pooytan loshshaayyo japinni; ka pora an oppa mukno, ilmaamaan affanni.

⁷ Nyarrahata minan ildaayyo ilulen; ka paarkaaladdaayyo piisa minan, paata akka malaalen.

⁸ Waaqa nessa pooytiyyo idakayeey, ishina nequmta koona' piisa, alle ana kapa sekaada.

⁹ Waaqa kaassumaayyo idakaye; ha isha qinseetiyyo iteyyada.

¹⁰ Paarkaaladdaayyo piisa jeera ka akata tammaqa; ka a isiqara in upnin mali jeera ka iskammandesa tiitawa.