Mataafa Masmuureta 54 - Mataafa Qulqulloota

Qinseeta a paarkaala kela paha malla qinsatamte (A orra Seefata de'e ka Sa'oli' kide, “Ha Taawwiti ino kapa'e dekade” Ka leleeyye, lela a Taawwiti kehayta dawaan saara a orra masmuureta sammarroti' dehayshe)

¹ Oo Waaqqo, maxxaaytin anan pahe; ka hupnaaytin dukaata ana' mure.

² Oo Waaqqo, qinseetiyyo dakaye; ka lela afaayyo' dakkaysado.

³ Karpampaya orra'e ana qara' xa'e; nyiramaya ka ana ishshaata faani; umma Waaqa wetinni in upan.

⁴ Tin areeyye, ha Waaqan qaarqaarsiyyo; Poqalla isha ana kammeela qapni.

⁵ Neequmta a paarkaaladdaayyo koonaan, ishootta qaropaaw tiitayshe; atti' qoota amanammitto malla, alle ishootta pashshe.

⁶ Anti jaalalaayyonnen kalisoota ke' kalsha; oo Waaqqo, kalatan maxxaayti' kalsha, sede wa paxaara'ey.

⁷ rakkootiyyo piisa kela anan pahateey; anka pi'itta paarkaalaayyo akke.