Mataafa Masmuureta 53 - Mataafa Qulqulloota

Orra a Waaqa in qapnin (Lela a Taawwiti saara a orra masmuureta sammarroti' dehayshe)

¹ Eepa iskaranxata dikanni ka kiini, “Waaqa in co.” Ishootta inyapalen; ka nyala heente koden. Umma a paxaarumta koono takka nefo in co.

² Waaqa akkima nama matte paata oorsanno ka isha fuurro co akka'e, moonte xata inna nama' tooye. Ikka

³ piisani kamma dapen ka takka' nyalen umma a paxaarumta koono takka nefo in co.

⁴ Waaqa ikiini, “Neequmta kodampayasene, a akkima dama dammaan mina orriyyo damma, ka Waaqa haleeni in kinnin, hela matte in oorsadane?”

⁵ Waaqa lafa a nyaapase ke kapa mureeti alle' fide; ikka pora a oppa fuura in kinnini oppa fuuraan piramen; qoota Waaqa ishootta jippe malla, akka ishootta jeerisse.

⁶ Oo kati dina Isira'eeli'i Siyyooni kara sooknima! Oto Waaqa poojeta orraadi oorshooyye, Yayqoopi a xasoodo; Isira'eeli kuli a xasootto.