Mataafa Masmuureta 4 - Mataafa Qulqulloota

Qinseeta a Waaqa qara' xasa xaayatta (Saara a orra masmuureta sammarroti'i, masmuureta a Taawwiti kehaytan dawamte)

¹ Oo Waaqa dukaatiyyo akkino, oton ke haleeno, ana dakaye. An tura qaaddameeyye, i''ana furatte. Ana suraysado ka qinseetiyyo dakaye.

² Ata ishina orrayti, haka aytamiti'i, ulfeeniyyo jeerissan? Ka wa paata patta' jaalattan, ka darta kammaaw antan?

³ Ma xoori, Waaqa akkima orra ishi amanammo issi' xawwi' reexade upnaada; Waaqa, oton isha halaannooyye i'ana dakaya.

⁴ Miirooda ma juppoota in kodan; a' mukittaappa kittaneeyye, iskaranxata oppa dikada ka jaw kida.

⁵ Kalisoota a hanqeeta' kalsha; ka Waaqa qara' xasaayshin xaayada.

⁶ Orra lekayta ikiini, “Ata ayno wa paxaara ino' akkisha?” Waaqqo! La'ayta fuulaayti a ino qara' la'ayo.

⁷ Xasa oto orra unta isho taadeta wayneeta fayya palaysadooyye xasoonno qaran qapto'e xasase atti sataatiyyo kara' xaayte jaalli.

⁸ Oo Waaqqo! Qoota atti patta nakaytan ana kallaaccisnitto malla, nakaytannen mukni ka oppa tawni.