Mataafa Masmuureta 3 - Mataafa Qulqulloota

Qinseeta a eta daanamitta (Masmuureta a Taawwiti a innaadi Apeseloomi tura qaheeyye dawade)

¹ Oo Waaqqo! Paarkalaayyo, oo atta lekaaden, a ana' xa'e, oo atta leki.

² Orra lekayta ana' kiini, “Waaqa ishinni in paho.”

³ Atti' xoori Waaqqo! Ken xelsumaayyo, a ulfeeniyyo kodde ka ana kukuttinno ke.

⁴ Anti nessiyyon moontopa xa'inni ka Waaqopa ullupni; ikka irrootase' xaadi qulqullaawte qaraxata ana dakayni.

⁵ Anti in mukni ka oppa tawni; ka qoota Waaqa ana tooytino malla, mukittoppa xaani.

⁶ Anti orra kumadda a ana kapa mura tura an fuuro.

⁷ Oo Waaqqo! Poqallaayyo! Xa'e ka anan pahado! Atti paarakaalaayyo tupa'e' poqowwa tottoomte; ka ukkuttowwa kara'e ilka qeqqepisse.

⁸ Ha dinissa, a Waaqa! Waaqqo! Sakaayti a' samaytaayti qara' koddo.