Mataafa Masmuureta 146 - Mataafa Qulqulloota

Kalata a Waaqa dinshampayta' dehaanno

¹ Haalle luuyya! Napseetiyyo Waaqa kalataysado!

² Hakan piisse' qara' kallaanno'en Waaqa kalataysada; ka hakan co'e, Poqallaayyo' sammara.

³ Mukissampaya qara' xasa in xaayadan; inna nama nefo dinissa ettaninni in caaneey, qara' xasa in xaayadan.

⁴ Napseeta ishootta kara sookni, ikka piitoppopa oorri sitiiyyi wa dikadene piisa ka paatapatta' oorri.

⁵ Nama a Waaqa Yayqoopi qaarqaarsaadi kodde, ikka Waaqa Poqallaadi kippanno i'oloode.

⁶ Waaqa, isha piita ka moonta ka pakateeta ka wa a kara ca' piisa uume; ka amanumaadi haka paraparati' tooytaanni.

⁷ Waaqa a miidameeti'i dukaata murri; a doxe idaminni; ka a hidame hidaappa furri.

⁸ Waaqa joolada'e, ilda panni; ka a jeere ela qapni; ka hanqeellaya jaalanni.

⁹ Waaqa, kalayta tooytini, ka he'aya isho hiyyeettewwa ela qapni; ka saanta ukkuttowwa alle' patinni.

¹⁰ Waaqa haka paraparati'i nuqusuma; oo Siyyooni, ha Waaqaayti xeltada piisa'en' nuqusa. Haalle luuyya!