Mataafa Masmuureta 141 - Mataafa Qulqulloota

Qinseeta kalaakala

Masmuureta Taawwiti

¹ Waaqqo! Kepan ullupniiy, jarjartan ana' awle ka oton keepa ullupnooyye, ullupittiyyo dakaye.

² Qinseetiyyo akkima tankareeta' mina, a ke turopa dehaatto; harkaayyo an opeela xa'inna ka akkima kalisoota kalaakala' mina' kodden.

³ Oo Waaqqo, afaayyo tura' tooytampayta kode; ka xarra hibbaayyo' tooyte.

⁴ Akkan a neequmta koona olli neequmta an koonini'i ka jankaasso ishootta olli an loqnini'i, wa neeqa opa karittiyyo in tiitayshan.

⁵ Hanqeellayta a shooraan ana qido ipaxaariiy ka ana fuko ini sayteeta mattoppa' minaay, mattiyyo sede in tiinnin; anti ammikki neequmtaaysho hattissa'en Waaqa qinsanni.

⁶ Awta saarraasso takeela kelopa dakkammaaneeyye, ishootta awse qaaletiyyo dukaysadan.

⁷ Akkima nama piita ayyapno ka dompola dakkino mina'e, lafaanno hawla qare dakkamen.

⁸ Oo Waaqqo Poqallaayyo, anti' xoori keepan tooyanni, ka ke kelopa qahaniiy, alle anan diishan.

⁹ Turuura a ukkuttowwa ana tura' qaasene kela ana tooyte; ka naataasso kela anan pahe.

¹⁰ Ukkuttowwa a turuuraaysho oppa'ew qapamen, anti ka nakaytan kela paho.