Mataafa Masmuureta 124 - Mataafa Qulqulloota

Waaqa akkima kaffaadi tooytino

Masmuureta Taawwiti a poroppa anta

¹ Isira'eeli a kiito, “Kadi Waaqa ino olli in kinnaannin kiite,

² a orra ino qara' xa'eyye, kadi Waaqa ino olli in kinnaannin kiite,

³ a miiraaysho ino qara' opayeeyye, helani ino a caa'e kumme loqni heenen;

⁴ pisha ka ino pirri heenen, malxa ka ino qaran anni heene;

⁵ pisha kutta ka ino haani heenen.”

⁶ Waaqase ilkaasso' turopa ino in kannin, a kalataysamo.

⁷ Akkima xampirteeta ereera qaasampaya qara passannitto mina'e, ereera ifire; ino ka passanne.

⁸ Qaarqaarsaanno maxxa a Waaqase' piita ka moonta uumeti.