Mataafa Masmuureta 110 - Mataafa Qulqulloota

Nuqusase a Waaqa reexade

¹ Ha Waaqa ipoqallaayyo' kide, “Hakan' nyaapaayti hupnaayti a ukkumeeta' kelopa ke' oorinno kara'e, harkiyyo a akkittati' kuti'e.”

² Waaqa Siyyooni desa uleeta kokkonnumaatti erka; ka kida, “Nyaapaayti pidde.”

³ Parra ukkumeetaaytitiiyyi, orraayti issinni ke quda' xa'a; akka qulqulluma siratta ka hupnaayti a xayyatinni, para qinno olli piirta.

⁴ Waaqa ixaxade umma in mararfado ka kide, “Akka taanteta qeesuma a Melkesedeqi mina'e atti haka paraparati'i, a' qeesitta.”

⁵ Poqalla akkittaaytinni ca; ka kuyyaata miiraaditi nuqussa leysha.

⁶ Ka samayta piitadda' qara'e, dapa mura; ka saarra piitadda leka alle' pira ka pukkadaan piita immaka.

⁷ Ka paada pora kapa co oppa pisha ika; hupnaadi ka kokkonnaada.