Mataafa Masmuureta 1 - Mataafa QulqullootaMaqinta a paayyota ( mas 1—41 ) Anta nama fayya isho a neeqa 1 Nama dehaama ukkuttowwaatin anni in kinnin, ka saanta juppoolaya oppa' qa'anni in kinnin, ka pora jeejjolaya oppa' kutiini in kinnin, oo atta oloode! 2 xaadi, seera Waaqatinni xasoonni; ka halkeette ka kuyyaate seerose oppaaw dikanni. 3 Isha, qoyra kirra a pisha kapa' dishame, ka eta etaan dalta dallo, haashshaadi ka oli'onni in kinnin mina. Wa koona' piisa ka ishi olkela teyni. 4 Ukkuttowwa xoori, xaaysho assen; ishootta ukkashshase a xayxayta qeenno ka ishin tawno mina. 5 Semmalla ukkuttowwa firteeta tura' qa'atta in ettanshan; umma juppoolaya xora hanqeelaya oppopa in de'an. 6 Maana malla, Waaqa saanta hanqeellaya qara tooyniiy; saanta orra neeqa' xoori ipatta. |