Mataafa Iyyaasu 12 - Mataafa Qulqulloota

Nuqussa a Muuse torpe ka pute

¹ Piitadda a hellaa Isira'eeli torpene ka putene, naaba Arnoniti paayyatte haka irroota Armoni'emiti'i ka qinda piirtotatin piita Arapa piisa haka kirra Yurtaanoosi tulandesa oorta. Nuqussa a piitadooseneti nefo,

² Takka nuqusa Amoorata isase katama Haseponi kara kalo ka Sihooni kidammo, piita a mukinno nefo, piita Kele'aadi quda paka takka ka Aro'eerise naaba Arnoni kara kittooyye paayyatte haka kirra Yaapoqi isase xeela Amoonata mina kaynittooti.

³ Ka akkimose mina'ew, qinda piirtotatin naaba Yurtaanoositi paayyatte haka pakateeta Kelila kayni ka qinda Pete shimootitinni, pakateeta a sookittati kayni ka qinda tupattatinni haka irroota Piska kayni.

⁴ Nuqusa Paasaani isase Ooki kidammo isha sanynyeeta Rafaayippa peela hase ka Astaarooti isho Ediraayiiyyi kala.

⁵ Xeelaadi irroota Hermooni ka a Salakka, ka haka piisse a paasaani Keshuuri ka Maa'ikka oorto piisa, ka piisse a Sihooni a nuqusa Hesponi mukinnooti oorto'e piita Kele'aadi quda paka takka.

⁶ Muuse orxaytase a Waaqa isho samayta Isira'eeli ka nuqussoosen lakki torpen ka puten. Muuse orxaytase a Waaqa ka piisse a nuqussooseneti koddayyaata oppa qoote ka kafa Roopeeli ka a Kaadi isho a Minaase quda paka takka daashe.

Nuqussa a Iyyaasu torpe ka pute

⁷ Iyyaasu isho samayta Isira'eeli nuqussa a kirra Yurtaanoositi qinda dumaateta opa kala piisa torpen ka puten. Piisse nefo Pa'alikaatise naaba Lipaanoosi kara kitto paayyatte qinda tupattatinni, haka piita Seyriti ka haka irroota Halaaki isase Etoomi kapa kitto oorta. Iyyaasu ka piisse piisa hellaa Isira'eeliti oppa qoote ka kafa kafa koddayyaata kode.

⁸ Piitaddoosen nefo, piisse a kunkunnawwa qinda dumaatetatinni, kunkunnawwa kelan xata ka naaba Yurtaanoosi isho kunkunnawwa a kelan xata ca. Ka qinda piirtotatinniiw, pora yeella isho qinda tupatatinni haka piita koommayta'e oorta. Piisse xattaayye, Hittaata ka Amoorata ka Kene'aaneta ka Fersaata ka Hiwwaata isho Iyyapuusata oppa kala.

⁹ Katamadda a samayta Isira'eeli torpe ka pute, Iyyaarko ka Aayise Peteli kapa kitto

¹⁰ ka Yursaalami ka Keprooni

¹¹ ka Yaarmuuti ka Laakiishi

¹² ka Eklooni ka Keseeri

¹³ ka Deepiri ka Kederi

¹⁴ ka Horma ka Araadi

¹⁵ ka Liipina ka Adulaami

¹⁶ ka Maqeeta ka Peti'eeli

¹⁷ ka Taapuha ka Hefeeri

¹⁸ ka Afeeqi ka Leshaarooni

¹⁹ ka Madooni ka Hasoori

²⁰ ka Shimroonmirooni ka Akshaafi

²¹ ka Ta'inaaki ka Makiido

²² ka Qeedeshi ka Yoqna'amise irroota Qermeloosi qara kitto

²³ ka Doorise pakateeta kappa kitto ka Koyemise Kelkelaayye kitto isho,

²⁴ Tirsa; dikoota a nuqussa a katamaddooseneti piisa kunda sessa takka kayni.