Mataafa Dikoota 7 - Mataafa Qulqulloota

Eta a tukkanase a Waaqa eeppisammooyye kalissota a dehaatte

¹ Kuyyaatasee a oppa Muuse tukkanase a Waaqa daape ka tukkanase isho mehaddaadi piisa daate ka xawwi reexxeeyye ka porase a kalisoota isho mehaddaadi piisa daate ka xawwi reexxeeyye,

² saarra samayta Isira'eeli isasene mattiyya toolla kodde ka a samayta dikammooyye qara saarume ka dehaaden.

³ Ka fuula Yaahiwwe tura kalisowwaasso dehayshen; ka saarra lakki lakki kodden ka oltura sarakella takka takka daashen; ka matta mina'e, xorma takka takka daashen; ka olloppa'e, sarakella lehi isho xorma kudanka lakki tukkanase a Waaqati fuula Yaahiwwe turopa dehaayshen.

⁴ Yaahiwwe ka Muuse kide,

⁵ “Akka koda tukkaniyyootin kodamane'e, ishootta qara teyyado ka Lawaata'e akka kodaaysho mina'e, matta mattan ishootta' daasha.”

⁶ Muuse ka sarakeelladdasene isho xormadasene qeede ka Lawaata' daashe.

⁷ Ka sarakeelladda lakki isho xorma afuri hellaa a Kershooni a diiraati' daashe.

⁸ Ka sarakeelladda afuri isho xorma sette qeedeew ka akka kodaayshoti mina'e, hellaa a Meraari a diiraati' daashe; ishootta nefo saaruma a Itamaari a inna Arooni a qeesitta kela koda kooni.

⁹ Ma xoori hellaa Qa'ati a diiraati we takka nefo in daanne; sede nefo qoota mehaddasene qulqullaawe a qara tooynaane xashshittan haada kitamen malla.

¹⁰ Kuyyaase a oppa pora kalisoota daatameeyye, saarra ka porase a kalisoota eppisa'e, kalisowwaassotin de'en ka pora kalisoota tura' xaayen.

¹¹ Yaahiwwe ka Muuse kide, “Poroose a kalisoota eeppisa'e, saarra takka takka kuyyaata kuyyaatan a kalisootaaysho kalshen.”

¹² Kuyyaata a paayyotati a kalisootaadi kalshe kafa Yihuta oppaayye Ne'asooni inna Aminataapi.

¹³ Kalisootaadi a kalshe nefo, saahina a palda a dakara pirreeta oppa kodame, hiila a tukkana Waaqatin dakara pirreeta a sheqileeta dippa ka kunda sessa kayno; ka qoreeta saahina a dakara pirreeta oppa kodame hiila a tukkana Waaqatin dakara pirreeta a sheqileeta kunda tappa kayno; isho saahinnoosen piisa daamma paxaara a sayteetan lahame oppa immake ka kalisoota untati kode ka kalshe.

¹⁴ Ka saahina a warqeeta takka a sheqileeta kudani kayno a karaa tankarta immaken,

¹⁵ ka kalisoota a kupnnitto'ew xorma takka, ka laha takka, ka haaritta laha a para takka pire,

¹⁶ ka kalisoota a haseenta juppootati'iw qolpayta takka,

¹⁷ ka kalisoota takkumtati'i xorma lakki ka laha keni ka qolpayta keni ka haara laahadda a para takka takka pire keni. Sene tooy kalisowwasene a Na'asooni inna Apinataapi kalshe.

¹⁸ Kuyyaata a lammattatiiyyiiw Natina'eli inna Su'ari isase saara kafa Yisaakoori kodde ka kalisootaadi dehaayshe.

¹⁹ Kalisootaadi a kalshe nefo, saahina palda a dakara pirreeta oppa kodame takka hiila tukkana Waaqatinni, sheqileeta dippa ka kunda sessa kayni; ka qoreeta saahina takka a dakara pirreeta oppa kodame hiila tukkana Waaqatinni, a sheqileeta kunda tappa kayno; isha saahinnoosen piisa daamma paxaara a sayteetan lahame oppa immake ka kalisoota untati kode ka kalshe.

²⁰ Ka saahina warqeeta takka a sheqileeta kudani kayno a kara tankarta immaken.

²¹ Ka kalisoota a kupannitto'ew xorma takka ka laha takka ka haaritta laha a para takka pire takka,

²² ka kalisoota a haseeta juppootati'iw qolpayta takka,

²³ ka kalisoota a takkumtati'i xorma lakki ka laha keni ka qolpayta keni ka haara laahadda a para takka takka pire keni. Sene tooy kalisowwasene a Natina'eli inna Su'ari kalshe.

²⁴ Kuyyaata sessattatiiyyi Eli'api inna Helooni isase samayta kafa Saaplooni qara saara kodde ka kalisootaadi dehaayshe.

²⁵ Kalisootaadi a kalshe nefo, saahina a palda a dakara pirreeta oppa kodame takka, hiila tukkana Waaqatinni, sheqileeta dippa ka kunda sessa kayni; ka qoreeta saahina takka a dakara pirreeta oppa kodame hiila tukkana Waaqatinni, sheqileeta kunda tappa kayni; isha saahinnoosen piisa daamma paxaara a sayteetan lahame oppa immake, ka kalisoota untati kode ka kalshe.

²⁶ Ka saahina warqeeta takka a sheqileeta kudani kayno a karaa tankarta immaken;

²⁷ ka kalisoota kupannitto'ew xorma takka ka laha takka ka haaritta laha a para takka pire takka;

²⁸ ka kalisoota haseenta juppootaati'iw qolpayta takka;

²⁹ ka kalisoota takkumtati'i xorma lakki ka laha keni ka qolpayta keni ka haara laahadda a para takka takka pire keni. Sene tooy kalisowwasene a Eli'api inna Helooni kalshe.

³⁰ Kuyyaata afrattatiiyyi Elisuuri inna Sede'uri isase saara samayta kafa Roopeeli kodde ka kalisootaadi dehaaysheew.

³¹ Kalisootaadi a kalshe nefo, saahina a palda a dakara pirreeta oppa kodame hiila a tukkana Waaqatinni, dakara pirreeta shaqileeta dippa ka kunda sessa kayni; ka qoreeta saahina takka a dakara pirreeta oppa kodame hiila a tukkana Waaqan dakara pirreeta a shaqileeta kunda tappa kayno; isha saahinnoosen piisa daamma paxaara a sayteetan lahame kara immake ka kalisoota untati kode ka kalshe.

³² Ka saahina a warqeeta takka a sheqileeta kudani kayno a karaa tankarta immaken,

³³ ka kalisoota a kupnnitto'ew xorma takka ka laha takka ka haaritta laha a para takka pire takka,

³⁴ ka kalisoota a haseenta juppootati'iw qolpayta takka,

³⁵ ka kalisoota takkumtati'i xorma lakki ka laha keni ka qolpayta keni ka haara laahadda a para takka takka pire keni. Sene tooy kalisowwasene a Elsuuri inna Sede'uri kalshe.

³⁶ Kuyyaata kenattatiiyyi Shelumi'eli inna Surisadaayi isase samayta kafa Simooni qara saara kodde ka kalisootaadi dehaaysheew.

³⁷ Kalisootaadi a kalshe nefo, saahina a palda a dakara pirreeta oppa kodame hiila a tukkana Waaqatin dakara pirreeta dippa ka kunda sessa kayno; ka qoreeta saahina a dakara pirreeta oppa kodame hiila a tukkana Waaqatin dakara pirreeta kunda tappa kayno; isho saahinnoosen piisa daamma paxaara a sayteetan lahame kara immake ka kalisoota untati kode ka kalshe.

³⁸ Ka saahina a warqeeta takka a sheqileeta kudani kayno a kara tankarta immaken,

³⁹ ka kalisoota a kupnaane'ew xorma takka ka laha takka ka haaritta laha a para takka pire,

⁴⁰ ka kalisoota haseenta juppootati'i qolpayta takka,

⁴¹ ka kalisoota takkumtati'i xorma lakki ka laha keni ka qolpayta keni ka haara laahadda a para takka takka pire keni. Sene tooy kalisowwa a Shelumi'eli inna Surisadaayi kalshe.

⁴² Kuyyaata lehattati Eliyasaafi inna Te'u'eli isase samayta kafa Kaati qara saara kodde ka kalisootaadi dehaayshew.

⁴³ Kalisootaadi a kalshe nefo, saahina a palda a dakara pirreeta oppa kodame hiila a tukkana Waaqatin dakara pirreeta dippa ka kunda sessa kayno; ka qoreeta saahina a dakara pirreeta oppa kodame hiila a tukkana Waaqatin dakara pirreeta kunda tappa kayno; saahinnoosen piisa daamma paxaara a sayteetan lahame kara immake ka kalisoota untati kode ka kalshe.

⁴⁴ Ka saahina a warqeeta takka a sheqileeta kudani kayno a kara tankarta immake,

⁴⁵ ka kalisoota a kupnaane'ew xorma takka ka laha takka ka haaritta laha a para takka pire,

⁴⁶ ka kalisoota haseenta juppootati'i qolpayta takka,

⁴⁷ ka kalisoota takkumtati'i xorma lakki ka laha keni ka qolpayta keni ka haara laahadda a para takka takka pire keni. Sene tooy kalisowwa a Eliyasaafi inna Te'u'eli kalshe.

⁴⁸ Kuyyaata tappattatiiyyi Elishama'i inna Amihuuti isase samayta kafa Efreemi qara saara kodde ka kalisootaadi dehaayshe.

⁴⁹ Kalisootaadi a kalshe nefo, saahina a palda a dakara pirreeta oppa kodame hiila a tukkana Waaqatin dakara pirreeta dippa ka kunda sessa kayno; ka qoreeta saahina a dakara pirreeta oppa kodame hiila a tukkana Waaqatin dakara pirreeta kunda tappa kayno; saahinnoosen piisa daamma paxaara a sayteetan lahame kara immake ka kalisoota untati kode ka kalshe.

⁵⁰ Ka saahina a warqeeta takka a sheqileeta kudani kayno a kara tankarta immake,

⁵¹ ka kalisoota a kupnaane'ew xorma takka ka laha takka ka haaritta laha a para takka pire,

⁵² ka kalisoota haseenta juppootati'i qolpayta takka,

⁵³ ka kalisoota takkumtati'i xormada lakki ka laha keni ka qolpayta keni ka haara laahadda a para takka takka pire keni. Sene tooy kalisowwa Elishama'i inna Amihuuti kalshe.

⁵⁴ kuyyaata settattatiiyyi Kemaali'eli inna Petasuuri isase samayta kafa Minaase qara saara kodde ka kalisootaadi dehaayshew.

⁵⁵ Kalisootaadi a kalshe nefo, saahina a palda a dakara pirreeta oppa kodame hiila a tukkana Waaqatin dakara pirreeta dippa ka kunda sessa kayno; ka qoreeta saahina a dakara pirreeta oppa kodame hiila a tukkana Waaqatin dakara pirreeta kunda tappa kayno; saahinnoosen piisa daamma paxaara a sayteetan lahame kara immake ka kalisoota untati kode ka kalshe.

⁵⁶ Ka saahina a warqeeta takka a sheqileeta kudani kayno a karaa tankarta immake,

⁵⁷ ka kalisoota a kupnaane'ew xorma takka ka laha takka ka haaritta laha a para takka pire,

⁵⁸ ka kalisoota haseenta juppootati'i qolpayta takka,

⁵⁹ ka kalisoota takkumtati'i xormada lakki ka laha keni ka qolpayta keni ka haara laahadda a para takka takka pire keni. Sene tooy kalisowwa a Kemali'eli inna Petasuuri kalshe.

⁶⁰ Kuyyaata sakalattatiiyyi isase kafa Piiniyaami qara saara kodde Apitaani inna Kidi'oni ka kalisootaadi dehaayshew.

⁶¹ Kalisootaadi a kalshe nefo, saahina a palda a dakara pirreeta oppa kodame hiila a tukkana Waaqatin dakara pirreeta dippa ka kunda sessa kayno; ka qoreeta saahina a dakara pirreeta oppa kodame hiila a tukkana Waaqatin dakara pirreeta kunda tappa kayno; saahinnoosen piisa daamma paxaara a sayteetan lahame kara immake ka kalisoota untati kode ka kalshe.

⁶² Ka saahina a warqeeta takka a sheqileeta kudani kayno a kara tankarta immake,

⁶³ ka kalisoota a kupnaane'ew xorma takka ka laha takka ka haaritta laha a para takka pire,

⁶⁴ ka kalisoota haseenta juppootati'i qolpayta takka,

⁶⁵ ka kalisoota takkumtati'i xorma lakki ka laha keni ka qolpayta keni ka haara laahadda a para takka takka pire keni. Sene tooy kalisowwa a Apitaani a inna Kidi'oni kalshe.

⁶⁶ Kuyyaata kundattatiiyyi Akieseeri inna Amishataayi isase samayta kafa Taani qara saara kodde ka kalisootaadi dehaayshew.

⁶⁷ Kalisootaadi a kalshe nefo, saahina a palda a dakara pirreeta oppa kodame hiila a tukkana Waaqatin dakara pirreeta dippa ka kunda sessa kayno; ka qoreeta saahina a dakara pirreeta oppa kodame hiila a tukkana Waaqatin dakara pirreeta kunda tappa kayno; saahinnoosen piisa daamma paxaara a sayteetan lahame kara immake ka kalisoota untati kode ka kalshe.

⁶⁸ Ka saahina a warqeeta takka a sheqileeta kudani kayno a karaa tankarta immake,

⁶⁹ ka kalisoota a kupnaane'ew xorma takka ka laha takka ka haaritta laha a para takka pire,

⁷⁰ ka kalisoota haseenta juppootati'i qolpayta takka,

⁷¹ ka kalisoota takkumtati'i xormada lakki ka laahadda ken ka qolpayta keni ka haara laahadda a para takka takka pire keni. Sene tooy kalisowwa a Ki'eseeri inna Amishataayi kalshe.

⁷² Kuyyaata kudanka takkattatiiyyi Faki'eli inna Ekraani isase samayta kafa Aseeri qara saara kodde ka kalisowwaadi dehaayshew.

⁷³ Kalisootaadi a kalshe nefo, saahina a palda a dakara pirreeta oppa kodame hiila a tukkana Waaqatin dakara pirreeta dippa ka kunda sessa kayno; ka qoreeta saahina a dakara pirreeta oppa kodame hiila a tukkana Waaqatin dakara pirreeta kunda tappa kayno; saahinnoosen piisa daamma paxaara a sayteetan lahame kara immake ka kalisoota untati kode ka kalshe.

⁷⁴ Ka saahina a warqeeta takka a sheqileeta kudani kayno a kara tankarta immake,

⁷⁵ ka kalisoota a kupnaane'ew xorma takka ka laha takka ka haaritta laha a para takka pire,

⁷⁶ ka kalisoota haseenta juppootati'i qolpayta takka,

⁷⁷ ka kalisoota takkumtati'i xorma lakki ka laha keni ka qolpaya keni ka haara laahadda a para takka takka pire keni. Sene tooy kalisowwa a Faki'eli inna Ekraani kalshe.

⁷⁸ Kuyyaata kudanka lammattatiiyyi Ahira'i inna Enaani isase samayta kafa Niftaleemi qara saara kodde ka kalisowwaadi dehaayshew.

⁷⁹ Kalisootaadi a kalshe nefo, saahina a palda a dakara pirreeta oppa kodame hiila a tukkana Waaqatin dakara pirreeta dippa ka kunda sessa kayno; ka qoreeta saahina a dakara pirreeta oppa kodame hiila a tukkana Waaqatin dakara pirreeta kunda tappa kayno; saahinnoosen piisa daamma paxaara a sayteetan lahame kara immake ka kalisoota untati kode ka kalshe.

⁸⁰ Ka saahina a warqeeta takka a sheqileeta kudani kayno a kara tankarta immake,

⁸¹ ka kalisoota a kupnaane'ew xorma takka ka laha takka ka haaritta laha a para takka pire,

⁸² ka kalisoota haseenta juppootati'i qolpayta takka,

⁸³ ka kalisoota takkumtati'i xorma lakki ka laha keni ka qolpaya keni ka haara laahadda a para takka takka pire keni. Sene tooy kalisowwa Ahira'i inna Enaani kalshe.

⁸⁴ Kuyyaata oppa porase a kalisoota daatamooyye qoota porase a kalisoota xawwi reexxame malla, saarra Isira'eeli saahinna pappallda a dakara pirreeta oppa kodame kudanka lakki, ka qorewwa saahinna a dakara pirreeta oppa kodame kudanka lakki, ka saahinna warqeeta kudanka lakki, kalisoota' kalshen.

⁸⁵ Hiila tukkana Waaqatinni, saahinna pappallda a dakara pirreeta oppa kodame matta mina'e sheqileeta dippa ka kunda sessa kayni; qorewwa saahinna a dakara pirreeta oppa kodame ka matta mina'e, sheqileeta kunda tappa kayni; saahinnoosen dakara pirreeta oppa kodame piisa ka olloppa'e, sheqileeta kuma lakki ka dippa afuri kayni.

⁸⁶ Saahinnasene a warqeeta oppa tankarta immakene kudanka lakki hilla tukkana Waaqatinni, matta mina'e sheqileeta kudani kayni; ishootta piisa ollopa'e sheqileeta dippa ka kunda lakki kayni.

⁸⁷ Horeeta a kalisoota kupannitto dehaatte, xorma kudanka lakki, ka laha kudanka lakki ka haariyya laahadda a para takka takka pire kudanka lakki ka kalisoota unta ollinni, isho kalisoota juppootati'i qolpayta kudanka lakki.

⁸⁸ Horeeta a kalisoota takkumtati dehaattew, xorma kunda lakki afuri ka laha kunda lehi, ka qolpayta kunda lehi, ka haariyya laahadda a para takka takka pire kunda lehi. a poroose a kalisoota daatame kammaayye, poroose a kalisoota xawwi reexxa'e, kalisoota a dehaatte tooy sede.

⁸⁹ Muuse ete Yaahiwwe olli haasawatta'e tukkanase a Waaqa kelopa kulleeyye, porase a diissata, taapotase a maakkuma qara co oppeela, otanta kirupeelewwasene lakki karadesa, nessa ishi haasawanni ikka dakaye ka olli haasawade.