Mataafa Dikoota 2 - Mataafa Qulqulloota

Kitadda safara a kaffa Isira'eeli

¹ Yaahiwwe iMuuse isho Arooni' haasawade ka kide,

² “Samayta Isira'eeli a paantira kitaassoti isho milikkita kaffaassoti kela' safaro; ka tukkaniyyo kapaadesa shakkayta heeqqen ka kapandesa safaren.

³ Samayta a kafa Yihuta kela kitaame a qinda piirtotatin pora letta piirrittonne a milikkitaadi kela kita kitaan safaro; a samayta kafa Yihuta qara saarummo nefo Ne'asooni inna Aminataapi.

⁴ Kitaadi kara orra co lekumaasso, nama kuma kunda tappa afuri ka dippa lehi kayni.

⁵ A kafa Yihuta'e safaraaw, kafa Yisaakoori; a samayta kafa Yisaakoori qara saarummo, nefo Natina'eli inna So'ari.

⁶ Akkima dikamen qara'e lekuma a nama kitaadi kara cooti, nama kuma kunda keni afuri ka dippa afuri kayni.

⁷ Kapaadesaw kafa Saapilooni safara; a saara kafa Saapilooni kodde, Eliyaapi inna Helooni.

⁸ Akkima dikamen qara'e lekuma a nama kitaadi kara cooti, nama kuma kunda keni tappa ka dippa afuri.

⁹ A kitaassotin safara a kafa Yihuta kara dikame piisa lekumaasso, namaa kuma dippa ka kunda setteeti lehi ka dippa afuri kayni. A paayyota tuula paayya ishootta.

¹⁰ Xela kafa Roopeeli a qinda tupattatin milikkitaaysho kela'e kita kitan safaro; a samayta kafa Ropeeli qara saarummo nefo Elissuuri inna Shede'uri.

¹¹ Akkima dikamen qara'e, lekuma a nama kitaadi kara cooti, kuma kunda afuri lehi ka dippa keni kayni.

¹² A kafa Roopeeli kammadesa safara'ew kafa Simooni; saaraaysho nefo Shelumi'eeli inna Surishadaayi.

¹³ Akkima dikamen qara'e lekuma a nama kitaadi kara cooti, kuma kunda keni sakali ka dippa sessa.

¹⁴ Kapadesaaw kafa Kaati safara; saara a samayta kafa Kaati Eliyasaafi inna Te'u'eli.

¹⁵ Akka dikamen qara'e lekuma a nama kitaadi kara cooti; kuma kunda afuri keni ka dippa lehi kunda keni.

¹⁶ A safara Ropeelippa kitaassotin dikame piisa lekumaasso, kuma dippa kunda keni takka ka dippa afuri kunda keni. A lammattati tuula xa'a ishootta.

¹⁷ Kammadesa tukkanase a Yaahiwwe safaroose a Lewaata olliiyyi xa'a; ka safaraddaayye otantoppa' qata; ishootta ka akka safaren qara'e paantira paantiranne olkamma qatan ka aanan.

¹⁸ xela kafa Efreemi a qinda dumaatatin milikkitaaysho kela'e kita kitan safaro, a samayta kafa Efreemi qara saarummo nefo, Elishama'i inna Amihuuti.

¹⁹ Akkima dikamen qara'e lekuma nama a kitaadi kara cooti, nama kuma kunda afuri ka dippa keni kayni.

²⁰ A isha kamma qato kafa Minaase; a samayta kafa Minaase qara saarummo, Kemaali'eli inna Petassuuri.

²¹ Akkima dikamen qara'e lekuma nama a kitaadi kara cooti, nama kuma kunda sessa lakki ka dippa lakki.

²² A isha kamma qato kafa Piiniyaami; a samayta kafa Piiniyaami qara saarummo, Apitaani inna Kidi'oni.

²³ Akkima dikamen qara'e lekuma nama a kitaadi kara cooti, nama kuma kunda sessa keni ka dippa afuri kayni.

²⁴ A safara Efreemi kara kitaassotin dikame piisa lekumaasso, nama kuma dippa ka sette ka dippa takka kayni; a sessattati tuula ishootta.

²⁵ Xela safara Taani a qinda qutattatin paantiraaysho kela'e kita kitaan safaro; a samayta kafa Taani qara saarummo nefo Ahi'eseri inna Amishataayi.

²⁶ Akkima dikamen qara'e lekuma nama a kitaadi kara cooti, nama kuma kunda lehi lakki ka dippa tappa kayni.

²⁷ A kafa Taani kammadesa safara'ew kafa Aseeri. a samayta kafa Aseeri qara saarummo, Faki'eli inna Okiraani.

²⁸ Akkima dikamen qara'e lekuma nama a kitaadi kara cooti, nama kuma kunda afuri takka ka dippa keni kayni.

²⁹ Kamma desaaw kafa Niftaalemi qataaw; a samayta kafa Niftaalemi qara saarummo nefo Ahira'i inna Enaani.

³⁰ Akkima dikamen qara'e lekuma nama a kitaadi kara cooti, nama kuma kunda keni sessa ka dippa afuri kayni.

³¹ A safara Taani kara dikame lekumaasso, nama kuma dippa kunda keni tappa ka dippa lehi kayni. A paantiraddaasso qapada ka piraampira qaraayye tuula ishootta.

³² Sede tooy samayta lekuma Isira'eeli a toollaassotin ka safara karaayye kitaddaassootin dikame piisa; lekumaasso kuma dippa lehi sessa ka dippa keni kunda keni.

³³ Ma xoori akka Yaahiwwe Muuse ajaje qara'e Lawaata samayta Isira'eeli oppa'en dikamme.

³⁴ Samayta Isira'eeli ka akka Yaahiwwe Muuse ajaje qara'e kode; ka saantosetinni paantiraddaasso kela safare; ka matta mattaanne, kaffaasso ka toollaasso kela kitaame ka aane.