Mataafa a Nehimya 7 - Mataafa Qulqulloota

¹ Kodase a kawwatta oxinta ka dikkade xarrada kuli ka tura' kodamen; orra tika qulqulloota tooytino ka a masmuureta dawna isho Lewaata ka kodaaysho qara' kitamte.

² Anti ka innaanno Anaani isho Hanaaniyase orra a katama tooytino qara ajajampayta kodde akka katama Yursaalami' mukshane ishootta shuume. Hanaaniya nefo nama dukaata ka a orra piisa qara qapto'e, Waaqa fuurro.

³ Anka ishootta' kide, “Haka letta awdinitto'e xarrada a Yursaalami in panammin. Ka oto letta dumtooyye tooytampaya kapa desaaw a fayya' dufamen ka qulfamen. Ka orra Yursaalami kara kalo oppaayye oto a deemo pora a oppa kittan oppa tooytinaaneeyye a demo a tikkaasso kapan desa tooyten.

Orra poojama kela kale

⁴ Yursaalami oori katama a kutta ka a palda'e koddite. Ma orra kara kalo shakkaytaaw, tikka nefo umma kara in harmisamme ka in qupamme.

⁵ Waaqa ka akkan samayta ka taanynyada isho saarra a ishootta mukinna olopa halo ka toolla toollaan diko'e, ana kara dikatta xaashe. Anka maskapa qara orra a turan poojama kela kale meera dalootaayshotin teye. Wa a kara' taafame nefo sene are kamopa xata ca.

⁶ Ishootta orra Naapukedenasoori nuqusase a Paapilooni pooje oppa piitadda Paapilooniti xa'en ka Yursaalami isho piita Yihutaatiiyyi katamaddasene xaaysho karopa kalen.

⁷ A tiitaawnaaneeyye, orra ishoottan kale, Serupaapeli ka Iyyaasu ka Nehemiyya ka Asaariya ka Ra'aamiya ka Naahamaani ka Mardakkiyoosi ka Piilshaani ka Miispereti ka Piikiwaay ka Nahumi isho Pa'aana.

⁸ Lekumta samayta Isira'eeli a taafame, sanynyeeta Pariyooshi oppa nama kuma lakki ka dippa ka kunda tappa' lakki.

⁹ Sanynyeeta Shafaatiya oppa nama dippa sessa ka kunda tappa' lakki.

¹⁰ Sanynyeeta Araahi oppa nama dippa lehi ka kunda keni lakki.

¹¹ Daloota Iyyaasu isho a Iyo'aapi kara sanynyeeta Pohatmo'aapi oppa nama kuma lakki ka dippa sette ka kudanka sette.

¹² Sanynyeeta Elaami oppa nama kuma ka dippa lakki ka kunda keni afuri.

¹³ Sanynyeeta Satu oppa nama dippa setteeti kunda afuri keni.

¹⁴ Sanynyeeta Sakaayi oppa nama dippa tappa ka kunda lehi.

¹⁵ Sanynyeeta Piinuuyi oppa nama dippa lehi ka kunda afuri sette.

¹⁶ Sanynyeeta Pepaayi oppa nama dippa lehi ka kunda lakki sette.

¹⁷ Sanynyeeta Sikaati oppa nama kuma lakki ka dippa sessa ka kunda lakki lakki.

¹⁸ Sanynyeeta Atoniqaami oppa nama dippa lehi ka kunda lehi tappa.

¹⁹ Sanynyeeta Pikulaayi oppa nama kuma lakki ka kunda lehi tappa.

²⁰ Sanynyeeta Atini oppa nama dippa lehi ka kunda keni' keni.

²¹ Daloota Hisqiyaasi kara sanynyeeta Ateri oppa nama kunda sakali sette.

²² Sanynyeeta Hashumi oppa nama dippa sessa ka kunda lakki sette.

²³ Sanynyeeta Pesaayi oppa nama dippa sessa ka kunda lakki afuri.

²⁴ Sanynyeeta Harifi oppa nama dippa ka kudanka lakki.

²⁵ Sanynyeeta Kepa'ooni oppa nama kunda sakali' keni.

²⁶ Orra Peteleheemi isho a Netofa oppa nama dippa ka kunda setteeti sette.

²⁷ Orra Anatooti oppa nama dippa ka kunda lakki' sette.

²⁸ Orra Peti asimaaweti oppa nama kunda afuri lakki.

²⁹ Orra Qiiriyaatiyi'aarimi ka a Kafiira isho a Pa'erooti oppa nama dippa tappa ka kunda afuri sessa.

³⁰ Orra Raama isho a Kepaa'i oppa nama dippa lehi ka kunda lakki takka.

³¹ Orra Miimaasi oppa nama dippa ka kunda lakki lakki.

³² Orra Peti'eeli isho a Kaayi oppa nama dippa ka kunda lakki sessa.

³³ Orra Neepo a lammatta oppa nama kunda keni lakki.

³⁴ Orra Eelaami a lammatta oppa nama kuma ka dippa lakki ka kunda keni afuri.

³⁵ Orra Haarimi oppa nama dippa sessa ka kunda lakki.

³⁶ Orra Iyyaariko oppa nama dippa sessa ka kunda afuri' keni.

³⁷ Orra Loodi ka a Hatiiti isho a Ono oppa nama dippa tappa ka kunda lakki takka.

³⁸ Orra Sena'a oppa nama kuma sessa ka dippa sakali kunda sessa.

³⁹ Qeesewwa oppaayyeew, orra poojama kela kale, daloota Iyyaasu kara sanynyeeta Yita'iyya oppa nama dippa sakali ka kunda tappa sessa.

⁴⁰ Sanynyeeta Imeeri oppa nama kuma ka kunda keni lakki.

⁴¹ Sanynyeeta Pashihuuri oppa nama kuma ka dippa lakki ka kunda afuri tappa.

⁴² Sanynyeeta Haarimi oppa nama kuma ka kudanka tappa.

⁴³ Lewaata a poojama kela kalte oppa, a sanynyeeta Hodaawiyya kodde kafa Iyyaasu isho a Qadimi'eeli oppa nama kunda tappa afuri.

⁴⁴ Sanynyeeta Asaafi a tika qulqulloota kara masmuureta dawna oppa nama dippa ka kunda afuri sette.

⁴⁵ Sanynyeeta Shaalumi ka a Ateeri ka a Talmooni ka a Aaqupi ka a Hatiita isho a Shopaayi a tika qulqulloota' tooytina oppa nama dippa ka kunda sessa sette.

⁴⁶ Orra tika qulqulloota kela koda koono oppa a poojama kela kale, Sanynyeeta Siha ka a Hasuufa ka a Tapi'ooti

⁴⁷ ka a Qeroosi ka a Sii'a ka a Fatooni

⁴⁸ ka a Lipaana ka a Akaapa ka Shalimaayi;

⁴⁹ ka a Hanaani ka a Kiteeli ka a Kahaari

⁵⁰ ka a Re'aya ka a Resiini ka a Naqoda

⁵¹ ka a Kasaami ka a Uusa ka a Paaseha

⁵² ka a Pesaay ka a Ma'uniimi ka a Nafushasiimi

⁵³ ka a Paqpuuqi ka a Haqufa ka a Harhuri

⁵⁴ ka a Paasiliti ka a Mahiita ka a Harsha

⁵⁵ ka a Paarqoosi ka Siisira ka a Temahi

⁵⁶ ka a Nasiha isho a Hatiifa.

⁵⁷ Sanynyeeta a orxaya a Selemooni oppa a poojama kela kale, sanynyeeta Sootaayi ka a Sofereti ka a Perida

⁵⁸ ka a Ya'ila ka a Tarqooni ka a Kiteeli

⁵⁹ ka a Shafaatiya ka a Hatiili ka a Pakereti ka a Haspaaymi isho a Amooni.

⁶⁰ Orra tika qulqulloota kela koda koono isho orxaya a Selemooni oppa a poojama kela kale, nama dippa sessa ka kunda sakali lakki kayen.

^61-62 Orra poojama kela kale oppa palewwa a Telmelaahi ka Telharsha ka a Keruupi ka a Tooni isho a Imeri kidamma kara kala sanynyeeta Telaaya ka a Toobbiya isho a Naqota oppa nama dippa lehi ka kunda afuri lakki poojama kela kale; ma xoori sene piisa akka sanynyeeta Isira'eeli kodden wa ishin upnaadane in caan.

⁶³ Qeesewwa oppaayye sanynyeeta Hopaayya ka a Haqoosi isho a namase enenta a Kele'aaditta a Persiili heme ka maxxa sottohotatin Persiili kidameti'i poojama kela kale.

⁶⁴ Ma xoori ishootta' qoota sanynyeeta a oppa de'en maskapa qara faden ka dapen malla, koda qeesuma kodeeta idawramen.

⁶⁵ Semmalla namase piita Yihuta mukinno ka ishootta' kide, “Haka qeesitta a mehaddasene a qeesuma uriimi isho tuumimi kidamma oppa paata tooyno caanno'e, damta a qulqullaawte a' damtan.”

^66-67 Orxayaasso a diira ka a iskatta kuma tappa ka dippa sessa ka kunda sessa tappa maliiyyi samayta a poojama kela kale, nama kuma kunda afuri lakki ka dippa sessa kunda lehi kaye. Ka diira isho iskatta a masmuureta dawno dippa lakki kunda afuri keni qapan.

⁶⁸ Ka fartada dippa tappa ka kunda sessa' lehi. Ka kaankewwa dippa lakki kunda afuri keni.

⁶⁹ Ka kaalla dippa afuri ka kunda sessa keni ka harrewwa kuma lehi ka dippa tappa kunda lakki qapan.

⁷⁰ Mattiyya toolla takkan takkan ka akka tikase a qulqulloota ishin qupamto'e, poha pohen. Ishootta oppaayye, mukissampayta a piita warqeeta a kiilota sette' kayto ka qorewwa tisteeta kunda keni isho mehadda a qeesewwa dippa keni kunda sessa daashen.

⁷¹ Mattiyya toolla demo ka warqeeta a kiilota dippa ka kunda lehi sette a kunda keni daashen.

⁷² Samayta a ata hase ka warqeeta a kiilota dippa ka kunda lehi sette' kayto ka sipla dakara kiilota kuma ka dippa kayto ka mehadda a qeesewwa kunda lehi tappa daasheew.

⁷³ Qeesewwa ka Lewaata ka orra a xarra tika qulqulloota' tooytino ka orra masmuureta dawno ka a tika qulqulloota kela koda koono isho samayta Isira'eeli piisa ka oori katamaddaasso oppopa kalen ka kuti'en.