Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Mataafa Asteeri 3 - Mataafa Qulqulloota


Haama akka Yihutaata patissa sule

1 Sekkammaayye, nuqusase Arteksiisi nama takka sanynyeeta Akaaki kodde Haama inna Hamadaati kiinaane mukissampaya a isha olli koda koona' piisa qaropeela jaalshe. Ka hupna ukkumeeta a mukissa ishi' daashe.

2 Nuqusa ka orra tika nuqusa kara koda mukissa koono piisa akka Haama ulfeessan ka ishi' sakatadane ajaje, piisa ka ishi' sakatanni; ma xoori Mardekiyoosi patta ishi sakatanni in kinnin.

3 Orrase tika nuqusa kara koda mukissa koono ka Mardekiyoosi' kiini, “Ata atti maana malla nuqusa a ajajammi a' kinnin?”

4 Ka awta piisa isha' lelli; ma isha ishootta qara teyyanni in co; qoota isha akka nama a Yihuta kodde ishootta' lele malla, Haama atta akka isha kodo tooya'e Haama kapa isha lelen.

5 Haama akkima Mardekiyoosi ishi' sakatanni in kinnin ete dakayeeyye, akata miirode.

6 Xawwi' desaaw akka Mardekiyoosi sanynyeeta Yihutaata' kodde upnaadeeyye, isha patta ikassa in faane ma, Yihutaata a piitase Arteksiisi mukinno oppa kalto piisa alle' pira fade.

7 Haama, a Artekisiisi nuqusumeeyye para kudanka lakkataatiiyyi leyase a paayyota niisaani kidammo oppaayye, kuyyaata oppaayye Yihutaata piran upnaatta'e, qoyrita a Puurim kidammo akka katamo ajaje. Ete qoyrittase kateneeyye, leyase a kudanka lammatta Ataari kidammo oppaayye kuyyaata kudanka sessatta oppa'e de'e.

8 Sekkammaayye, Haama ka nuqusase Arteksiisi' kide, “Orra takka piitaddasene a' mukinnitta qara pase ca; ishootta aataasso orroppaayye xawwaya umma ajaja nuqusa teyyanni in caan sede malla, oton orrose asse paho eeyye' diisanniiyyi, ke in ettanto.

9 Ha nuquso, kadin oppa'e salli ka akka orrose piramo' kooniiyyi, anti akka koda tika nuqusa qara nakayto'e, dakara pirreeta kiilota kuma dippa sessa ka kunda afurin tika nuqusa opa kalsha.”

10 Nuqusa ka oori jifeese a kobbeeta qupitaadi quda sookshe ka Haama isase paarkaala Yihutaata kodde sanynyeetase a Akaaki inna Hamadaata' daashe.

11 Nuqusa ka ishi' kide, “Orrose ka wa qapane' piisa harkaaytippaaw caaneey, wa a ke aaka ishootta qara' kode.”

12 Semmalla leya a paayyota oppa kuyyaata kudanka sessattaatiiyyi, ikka orrase nuqusa paata taafno ollopa hale ka saleese' dawamto, akka afadda orra ika lekayta opa oorsamto ka taafamto ka piitaddasene a nuqusa mukinna opa mukissampaya isho orra isha olli koda koono piisa erkamto kode. Saleese nefo maxxa nuqusase a Artekisiisinni taafamte ka kobbeetaadi ka kamma toommamte.

13 Leya a kudanka lakkatta oppa kuyyaata kudanka sessattati akka Yihutaata piisa, xayyoolayse isho qimoota ka diirta ka iskatta ka hellaasso kuli leyshan ka piran ka alle' qishshan ka wa a qapane piisa tura sarane'e ajaja ka sooke. Erkanoosen ka orra akata jarjarro qara piita piisa opa erkamen.

14 Piita erkanoosen qara kayen pisa oppaayye, nama piisa akka kuyyaase mina Yihutaata lessata' harmisado'e saleeta ka salisamte.

15 Akkima nuqusa ajaje mina'e, orrase akata jarjarro, erkanasene a nuqusa'e piita piisa qaran kayen saleese ka katama Suusa oppa' salisamte, katamasene ka akata tammaqen. Ikka tura ollin patte. Sitiiyyi, nuqusa isho Haama ikkaytoppa'e ollin qaa'en.

ကြှနျုပျတို့နောကျလိုကျပါ:



ကြော်ငြာတွေ