ipro 8 - Mataafa Qulqulloota

Yesuusi akka saara qeesewwa a kodayteeta haaraya' kodde

¹ Se malla, waan haasawanninna oppaayye wa kokkoka sede; Saara qeesewwa, a asse paho sufaana a Waaqase we piisa, ettaninnooti akkitta kute'en qapna.

² Isha porase qulqullaawe, tukkanase a dukaata kara koda kooni. Tukkanoose' nefo, poqalla daape diisheey, harka namatin in daapamme.

³ Saarra qeesewwa' piisa daassata isho kalisoota kalissa malla shuumammi. Se malla qeesittose' nefoow, wa kalsha takkan qapnaatta isha faani.

⁴ Akka seera qara kiinitto mina'e, qoota qeesewwa daassawwa dehanna caan malla, kadin isha piita qara ca kiiteeyye, qeesitta koddini in heenne.

⁵ Tukkana a qeesewwosen kela koda koonaan tukkana moonte co'e akka pahana ka a kaatta' mina. Sede nefo wa malla asse koddite, a Muuse tukkanase qupnooyye akka Waaqa isha ajaje ka kide “Akka irroota qara akkite mina'e, we' piisa qanqannissa kode.” qara' qoota koddite malla.

⁶ Amma xoori, kodayteetase a Yesuusi oppaayye otantitta a ollopa deexno kodde, qoota kodayteeta a xatta' qara jaallitto ka kippeeta a wayyitto qara' qa'atte malla, koda Yesuusi' daasame kuli asseew xaaysho' qara jaalli.

⁷ Kodayteeta paayyota kadin qaja in qapnini kiiteeyye, kodayteeta lammatta parpaaccisni in heenne.

⁸ Ma Waaqa, akka orraadi qara dapa co akke ka kiini, “Ha poqalla ikiini, tin eta an oppaayye samayta Isira'eeli isho a Yihuta olliiyyi kodayteeta haaraya kodado de'a.”

⁹ Poqalla ikiini, Kodayteetose nefo, an anti harka ishootta tupa qape ka piita Kipsi kara ishootta sooksheeyye, kodayteetase an aappadaasso olli kodade in, pahanaatto. ishootta' qoota kodayteetiyyon in qa'annin malla anti nefo in ishootta tuffade.

¹⁰ Poqalla ikiini, Kodayteeta an arepa desa samayta Isira'eeli olli kodado sede. Anti, seeriyyon mattoppa ishootta' xaaya, Ka karittaaysho kara' taafa ka Waaqaaysho' kodda, ishootta ka samaytiiyyo koddan.

¹¹ Umma nama takka nefo ‘Poqalla upnaado’ in kido, ka kantittaadi taaki innaasso in kollisho. Nama shakkaayye paayyatte haka nama a kuttati'i, nama piisa ana upnaada.

¹² Ishin dapaytaaysho in ishootta' diisha, umma arepa desa juppootaaysho an ishootta qara matte an oorsado.”

¹³ Se malla sede a kiino “Kodayteeta haaraya” a turan kitto a kerite kode kideeta. Wa parpaaccisni in kinnini ikka kerene' piisa eta oppa patane idehaatte.