Hoose'i 3 - Mataafa Qulqulloota

Hoose'i akka iskatteetaadi olli araarame

¹ Waaqa i'ana' kide, “Isira'eeleta kadi punu killowwa heente kelopa ante ka qoomayta a dalta a wayneeta kalisoota' ishootta' dehasse nefooyye, anti sede qaran desan isheetta jaalanni. Atti aane ka amma nefo iskatteese' xaayti pora almalummitto jaaladoow.”

² Semmalla anka aane ka dakara pirreeta kudanka keni isho poorta kiilota dippa ka kunda kenin isheetta piddade.

³ Ka isheetta' kide, “Amma desa ana kapa kallaado ka aparipa in aanan ka in almaluman, anti' nefo ke olliiyyiiwwin kallaadaay.”

⁴ Hellaa Isira'eeli akkimoose' mina'e nuqusa ka saarra ka kalisoota dehassa ka waakka qaatisatta ka qeesewwa isho killoota mali parra lekaya kallaadan.

⁵ Ka sekkammaayye ooran ka Waaqa Waaqaaysho ka Taawwiti nuqusase' xaaysho kamma pora fadan ka parra a kammadesatiiyyi fuuraan qinda Waaqa opa ooran ka saka akkadan.