Mataafa Otoowwa a paayyota 7 - Mataafa Qulqulloota

Sanynyeeta Yisaakori

¹ Hellaa Yisaakori a diira, Toola'i ka Fuuwa ka Yaashupi isho Shimrooni kidammi. Ishootta olloppa afuri.

² Tola'i hellaa a diira lehi qapa. Ishootta nefo Uusi ka Refaaya ka Yiri'eeli ka Yahimaayi ka Yupisaami isho Shemu'eeli kidammi. Ishootta kaffaasso turaayye poqalladda; a Taawwiti nuqusummooyye, kafa Tolaa'ippaayye xormeeta aoranna nama kuma kunda lakki lakki ka dippa lehi kayni.

³ Inna Uusi Yusiraahiya kidammi. Hellaa Yusiraahiya a diira, Mika'eeli ka Aptiyu ka Yu'eeli isho Yushiiya kidammi. Ishootta aappaaysho olloppa nama ken; ishootta pisani saarraaw.

⁴ Ishootta qoota iskatta lekayta ka hellaa lekaya qapan malla, meera toolaayshoti oppa xela oranna torpa kaye nama kuma kunda sessa lehi qapan.

⁵ Kaffa a Yisakoori oppaayye xormeeta a oranna a maskapa meeraaysho oppa taafame nama kuma kunda setteeti tappa kayni.

Sanynyeeta Piniyaami

⁶ Hellaa Piniyaami a diira sessa Pelaa'i ka Pekeri isho Yidi'i'eeli kidammi.

⁷ Hellaa Pelaa'i a diira ken; ishootta nefo Espooni ka Uusi ka Usi'eeli ka Yariimoti isho Iiri kidammi. Ishootta toollaasso qaraayye saarra. A oranna torpina ka a maskapa meeraaysho oppa taafame nama kuma kunda lakki lakki ka kunda sessa afuri kayni.

⁸ Hellaa Pekeri a diira, Semiira ka Yo'aashi ka Eli'eseri ka Eliyo'enaayi ka Omiri ka Yiremooti ka Apiya ka Anaatoti isho Alemeti kidammi. Sene piisa hellaa Pekeriiw.

⁹ Maskapa meeraaysho oppa'e saarra a toollaassoti isho xela oranna a taafame nama kuma kunda lakki ka dippa lakki kayni.

¹⁰ Inna Yiti'eeli Pilhaani kidammi. Hellaa Pilhaani a diira, Yaa'ushi ka Piniyaami ka Ehuuti ka Kena'inna ka Setaani ka Tarshiishi isho Ahishaari kidammi.

¹¹ Hellosen a Yiti'eeli piisa saarra toollaassoti. Ishootta xormeeta a oranna torpa kayte nama kuma kudanka tappa ka dippa lakki qapan.

¹² Hellaa Ahiiri Shufiimi isho Hufiimi; Hushiimi kan inna Aheri.

Sanynyeeta Niftaalemi

¹³ Hellaa Niftaalemi a diira, Yaahasi'eeli ka Kuni ka Yeseeri isho Shaalumi kidammi. Ishootta sanynyeeta Piliha.

Sanynyeeta Minaase

¹⁴ Hellaa Minaase a lammitteetase Sooritteeta koddite oppa xaayade, Asiri'eeli isho Maakiiri kidammi. Maakiiri kan aappa opa Kele'aadi.

¹⁵ Maakiiri kafa Hufiimi isho a Shifiimi oppa heme. Alawtaadi maxxaadi Maa'ika. Inna Maakiiri a lammatta Selofihaadi isha tuparra patta xaayade.

¹⁶ Iskatteeta a Mikiri Maa'ika inna diirta'e xaayte ka maxxa ishi koote ka kiite, “Pereeshi.” Maxxa innaassoti nefo, Shereshi. Hellaa Pereshi a diira, Ulaami isho Raaqimi kidammi.

¹⁷ Inna Ulaami Pataani kidammi. Sene sanynyeeta Kele'aadi a inna Maakiiri a oopa Minaase.

¹⁸ Alawta Kele'aadi Hamolekeeti hellaa a diira sessa xaayte; maxxadaasso nefo Ishoodi ka Api'eseri isho Mahila kidammi.

¹⁹ Hellaa Shemiita'imi a diira, Ahiyaani ka Shekemi ka Liiqihi isho Ani'aami kidammi.

Sanynyeeta Efreemi

²⁰ Efreemi Shutelaahi xaaye; Shutelaahi ka pereti xaaye; Pereti ka Tahaati xaaye; Tahaati ka Eli'aata xaaye; Eli'aata ka Tahaati xaaye;

²¹ Tahaati ka Sapaati xaaye; Sapaati ka Shutelaahi xaaye; hellaa Efreemi a pila Eseri isho Eli'aati kidammi. Ete horeeta hatanta haminta Kaati opa xata lekkadeneeyye orra piitooseti ka ishootta leyshe.

²² Aappaaysho Efreemi ka kuyyawwa lekaya ishootta pooyade; daltayaadi ka paanitta ishi de'en.

²³ Sekkammaayye ikka iskatteetaadi olli muke; isheetta ka hitte ka inna diirta xaayte; rakkootose tikaadippa deete malla ikka innaseneti maxxa kode ka kide, “Peri'a.”

²⁴ Enenta Efreemi She'ira kidammi. Isheetta katamadda Petihorooni a illi quta isho a xati kamma ka katama Usineshe'ira kidamma'e qupsiisse.

²⁵ Inna Efreemi a pila Refaahi kidammi. Refaahi ka Resheefi xaaye; Resheefi ka Telaahi xaaye; Telaahi ka Tahaani xaaye;

²⁶ Tahaani ka La'itaani xaaye; La'itaani ka Amihuuti xaaye; Amihuuti ka Eliishaama'i xaaye;

²⁷ Eliishaama'i ka Newe xaaye; Newe ka Iyyaasu xaaye.

²⁸ Piitaaysho isho pora oppa kallaadene, Peti'eeli isho palewwa a kapandesa ca ka qinda piirtotatinni Na'iraani ka qinda dumaatatinni Keseeri isho palewwaadi ka Sekeemi isho palewwaadi ka eyye tarpini ka Ayaani isho palewwaadi piisa karopaaw qapanni.

²⁹ Xeela Minaase qudanne Petishaani ka Ta'inaaki ka Mekidooni isho Doorini ka palewwaasso ollinni, sanynyeeta Yoosefi a inna Yayqoopi palewwoosen oppa'e kallaanni.

Sanynyeeta Aseeri

³⁰ Hellaa Aseeri a diira, Yimina ka Yishiwa ka Yishiiwi isho Peri'a kidammi. Alawtaaysho ka Seraahi kidammi.

³¹ Hellaa Peri'a a diira, Heperi isho Malki'eeli aappa opa Pirsaawi.

³² Heperi ka yaafileti ka Shomeri ka Hotaami isho alawtaaysho Shu'a xaaye.

³³ Hellaa Yaafileti a diira, Pasaaki ka Piimihaali isho Ashiwaati kidammi.

³⁴ Hellaa Shomeri a diira, Ahi ka Rohika ka Yehupa isho Araami kidammi.

³⁵ Hellaa innaassoti a Hotaami a diira, Sofaahi ka Yuminaa'i ka Sheleshi isho Amaali kidammi.

³⁶ Hellaa Sofaahi a diira, Suuha ka Harnefeeri ka Shu'aali ka Peri ka Yumiira

³⁷ ka Peseeri ka Hooti ka Shaama ka Shiilisha ka Yutiraani isho Pe'era kidammi.

³⁸ Hellaa Yeteeri a diira, Yifuuni ka Piispa isho Ara kidammi.

³⁹ Hellaa Ula a diira, Araahi ka Hani'eli isho Riisiyya kidammi.

⁴⁰ Sene piisa sanynyeeta Aseeriiw. Ishootta nefo kaffaasso tura poqalladda. Ishootta nefo orra matta qate ka xormeeta oranna ka saarra kukutta. Maskapa meeraaysho oppa'e diira oranna torpa kaye nama kuma kunda lakki lehi taafame.