Mataafa Otoowwa a paayyota 5 - Mataafa Qulqulloota

Sanynyeeta Roopeeli

¹ Sene sanynyeeta Roopeeli a inna Yayqoopi a kuuta; Roopeeli kadi punu qaarta koddeeyye, qoota iskatteeta aappaayshoti olli muke malla, qaartumaadi hellaa a innaasso a Yoosefi a inna Yayqoopi'i daasame. Sanynyeetaadi ka semmallaaw qaartumaadin meera oppa in dikammin.

² Yihuta ka hellaasso qaropeela kokkonnuma jaale; kadi punu mukissampayta ishoppa sooke nefooyye, qaartuma xoori Yoosefi'i daasame.

³ Hellaa a diira a Roopeeli a qaarta Yayqoopi, Haanoki ka Faalu ka Hesrooni isho Kaarimi kidammi.

⁴ Sanynyeeta Yu'eeli sene: Shemaa'iyya inna Yu'eeli, Kooki inna Shemaa'iyya, Shimi'i inna Kooki

⁵ ka Miikka inna Shimi'i, ka Re'aayya inna Miikka ka Pe'aali inna Re'aayya isho

⁶ isase saara kafa Roopeeli kodde Tikilaatpeleeseri nuqusa Asoori ka isha pooje Pe'era inna Pe'aali.

⁷ Meeraaysho oto kafa kafan dikammo asse taafame; isase saara kafa kodde Iyyu'eeli ka Sakkaariyaasi,

⁸ isho sanynyeeta Iyyu'eeli oppaayye Peelaa'i innasene a Saasi oopaase a Shemaa'i. Sene kaffasene piita Ero'eeriti paayyatte haka Nepo isho haka Pa'aalme'ooni kallaade.

⁹ Horeetaaysho qoota piita Kele'aadi kara horte malla, qinda piirtotatinni haka xeela koommaytase kirra Efraatisi quda kaynooti'i piita qapaden ka eeyye kallaaden.

¹⁰ Xelta a nuqusase a Sa'ooliiyyi, sanynyeeta Roopeeli Hakaraata torpite ka pirte; ka Kele'aadiiyyi qinda piirtotatin piitaaysho teyyatte ka oppa kutiite.

Sanynyeeta Kaati

¹¹ Kafa Kaatiw kafa Ropeeli kamma'e piita Pasaaniti kuti'e ka haka Saalkaati kallaade.

¹² Saara kafa a kutta Iyyu'eeli, a lammatta Shafaami, a kamma qanna Ya'inaayi isho Shafaati ka Paasaani kara kallaanni.

¹³ Kaffa a sanynyewwassoti, Mika'eeli ka Meshulaami ka Shepaa'i ka Yoraayi ka Ya'ikaani ka Si'a isho Epeeri kidammi; ishootta olloppa tappa kayni.

¹⁴ Sene'ew sanynyeeta Apihaayli a inna Huuri: Huuri inna Yaaroha, Yaaroha kan inna Kele'aati, Kele'aati kan inna Mika'eeli, Mika'eeli kan inna Shishaayi, Shishaayi kan inna Yaahito, Yaahito kan inna Puusi.

¹⁵ Saara kaffoseneti Ahi, oopa Kuuni inna Apiti'eeli.

¹⁶ Kaateta ka piita Kele'aati isho a Paasaanitiiyyi katamaddasene shashakka ka Saarooniiyyi porase deetta qapo piisa oppa kallaanni.

¹⁷ Sene maskapase a meera qara taafame piisa, xelta a Yo'ataami a nuqusa Yihuta isho xelta a Iyyoorpi'aami a nuqusa Isira'eelitiiyyi dikamen.

Xela oranna a kaffa a qinda piirtota

¹⁸ Kafa Roopeeli ka a Kaati isho a Minaase quda paka takka, xela oranna a kokkoka ka kontaleeta isho koraateta qapanno ka paantaan pokno ka oranna torpeeta kollade nama kuma kunda afuri afuri ka dippa tappa ka kunda lehi qapan.

¹⁹ Ishootta ka kaffasene a Hakaraata Yetuuri ka Naafiishi isho Notaapi torpa tuulen.

²⁰ Ishootta akka orannoosen oppaayye ishootta qaarqaaro'e qoota Waaqa qinsaden ka ishi amanamen malla, Waaqa ka qinseetaaysho dakaye ka Hakaraata isho orrase ishootta quda co piisa ishootta turopa tuukke.

²¹ Ikka horeetaaysho oppa kaala kuma kunda ken ka kahirra kuma dippa lakki ka kunda ken ka harrewwa kuma lakki isho nama kuma dippa poojen.

²² Orannoosen qoota oranna a Waaqa kodden malla, nyaapaaysho oppa orra a kutta pirame. Ishootta ka haka etasene a poojamittaaysho kaynaan kara'e, piitose oppa kallaaden.

Kafa Minaase a qinda piirtotatin co

²³ Kafa a Minaase quda paka takka, samaytaadi akata leki ka piita Pasaaniti paayyatte haka Pa'alhermooniti ka Seniiri paayyatte haka irroota Hermooniti safare.

²⁴ Saarra kaffaassoti Eferi ka Yushi'i ka Eli'eeli ka Asiri'eeli ka Ermiyaasi ka Hotaawiya isho Yahiti'eeli kidammi. Sene piisa saarra kaffa isho xormeeta oranna a upnaatame.

²⁵ A koddito ma ishootta Waaqase a aappadaassoti'i amanama diishen ka killowwasene a samaytase a Waaqa alle ishootta tura pashsheeti sakataden.

²⁶ Semmalla Waaqase a Isira'eeli ka akka Puuli nuqusa Asoori isase Tiklaatipeleseeri kidammo ishootta qara xa'o kode; ikka kafase a Roopeeli ka a Kaati isho a Minaase quda paka takka poojacciise ka piita Halaahi ka Hapoori ka Haara isho kirra Koosaani kapopa ishootta kotaanshe; ikka haka awweti eyye kallaanni.