Mataafa Otoowwa a paayyota 4 - Mataafa Qulqulloota

Meera Yihuta

¹ Hellaa Yihuta a diira Faaresi ka Hesrooni ka Kaarimi ka Huuri isho Shopaali kidammi.

² Inna Shopaali Re'aayya, Yahaati xaaye; Yahaati ka Ahumaayni isho Lahaati xaaye. sene kaffaa Soori'aata.

³ Hellaa Etaami a diira, Eeyisiri'eli ka Ishaama isho Etipaashi kidammi. alawtaaysho'ew, Hasilelipooni kidammi.

⁴ Fanu'eeli Ketoori xaaye; Eseeri ka Hushaani xaaye; sene sanynyeeta Huuri a qaarta Efraata isase Peteleheemi qupe.

⁵ Aappa opa Teqo'a Ashihuuri iskatta lakki Aheela isho Na'ira kidamma'e qapa.

⁶ Na'ira ka Ahusaami ka Heferi ka Temini isho Ahaashitaari ishi xaayte. Sene kan hellaa Na'ira.

⁷ Hellaa Aheela xaayte a diirae, Sereti ka Yisihaari ka Etinaani isho Qoosi kidammi.

⁸ Hellaa Qoosi a diira'ew, Anuupi isho Soopepa kidammi; Qoosi kaffa Ahariheli a inna Haarumi turaayye aappa.

⁹ Yaapeesi hellaasso oppa nama ulfeessame; aayyaasso ka kiite, “Yetetta kokkokannen isha xaayeey, maxxaadi Yaapeesi.”

¹⁰ Yaapeesi ka Waaqa Isira'eeli opa qinsade ka kide, “Oo Waaqqo! Ana sake; ka xeeliyyo paldishe; harkaayti ka ana olli caado ka neequmta isho nyarrahata kela ana tooyte.” Waaqa ka wa qinsade ishi daashe.

Toolla a pila

¹¹ Inna opa Shuha Keluupi Mehiiri xaaye; Mehiiri ka Eshtooni xaaye.

¹² Eshtooni ka Petiraafa ka Faaseha isho Tehiina xaaye. Tehiinakkan aappa opa Irnaahashi; sene orra katama Reeka kara kalo.

¹³ Hellaa Qenaasi a diira, Otini'eeli isho Seraaya kidammi. Hellaa Otini'eeli a diira ka Hataati isho Me'onotaayi kidammi.

¹⁴ Me'onotaayi Ofra xaaye. Seraaya ka Iyyo'aapi xaaye; Iyyo'aapi kan aappa opa Keharaashimi ishootta qoota harmoota kodden malla, maxxosetin halaamen.

¹⁵ Hellaa Kaaleepi a inna Yifuuni a diira, Iiru ka Eela isho Na'aami kidammi. Eela ka Qenaasi xaaye.

¹⁶ Hellaa Yihalelim a diira, Sifi ka Siifa ka tireeya isho Asaari'eeli kidammi.

¹⁷ Hellaa Esiira a diira, Yeteri ka Mereeti ka Eferi isho Yaaloni kidammi. Iskatta Mereeti oppa takka enenta Maariyaami kidammitto ka hellaa a diira Shamaayi isho Aappa opa Eshtaamo'a Yushipaahi ishi xaayte.

¹⁸ Iskatteetaadi a kafa Yihuta oppa dalatte ka Yaaredi aappa a opa Kedoori ka Heperi aappa opa Sokooni isho Qili'eeli aappa opa Saanowa ishi xaayte. Maariyaami ka Shamaayi isho Yushipaahi, sene hellaa Piitiya a enentase a nuqusa a Kipsi a Mereeti hemeeti.

¹⁹ Hellaa diira a iskatteeta Hotiiya a alawta Nahaami, aappa opa Qe'ila Kaaramitta isho aappa opa Eshitemo'a Ma'ikitta.

²⁰ Hellaa simooni a diira, Amnooni ka Riina ka Penihaana isho Tiiloni kidammi. Hellaa Yushi'i a diira'ew, Sooheti isho Penisooheti kidammi.

Meera Sheela

²¹ Hellaa Sheela a diira a inna Yihuta, Eeri aappa opa Leeka ka La'ita aappa opa Maaresha isho katama a Peeteshepa'atiiyyi kaffasene ohawwa papaxxaara dawnaati.

²² Ka Yoqiimi, Koosepaata ka isasene Mo'aapi mukinna ka kuli Peetelehemipa tiitaawe Iyyo'aasi isho Saraafi (toorra meeroseti xattaya).

²³ Ishootta harmoota oktowwa ka katamadda Anataayimi isho a Ketera kara kallaanni; ka eyye desa nuqusa okkotowwa kooni.

Sanynyeeta simooni

²⁴ Hellaa Simooni a diira, Nemu'eeli ka Yamiini ka Yariipi ka Seraahi isho Sha'uli kidammi.

²⁵ Sha'uli ka Shaalumi xaaye; Shaalumi ka Mipisaami xaaye; Mipisaami ka Mishimaa'i xaaye.

²⁶ Mishimaa'i ka Hemu'eeli xaaye; Hemu'eeli ka Saakuri xaaye; Saakuri ka Shimi'i xaaye.

²⁷ Shimi'i hellaa a diira kudanka lehi ka tuparra lehi qapa. Hellaasso xoori qoota hellaa lekaya in xaaynin malla, kaffaasso akka samayta Yihuta mina in lekan.

²⁸ Ishootta haka Taawwiti alka nuqusuma qaropa fayyanno kara'e, piitadda oppa kallaadene: Persaapehi ka Molaada ka Hasaarshu'aali

²⁹ ka Piiliha ka Esemi ka Tolaadi

³⁰ ka Petu'eeli ka Horma ka Sikilaaki

³¹ ka Petimarkapooti ka Hosaarisusiimi ka Petipiiri isho Sha'iraaymi.

³² Katamadda ishootta kapandesa caa'ew, Etaami ka Ayini ka Rimooni ka Tokeni isho Ashaani. Olloppa katama ken.

³³ Ka haka katamadda Paa'ilaatiti'i, kantada a katamaddoosen kapandesa ca piisa kara kallaanni. Ka porra a oppa kallaadene isho maskapa a qara dalootaaysho taafamte nefo qapan.

³⁴ Maxxada saarra a kaffassoti sene; Meshopaapi ka Yaamleki ka Yoosha inna Amesiyaasi

³⁵ ka Yo'eli isho Iyyu inna Yoshiipiya inna Seraaya Seraaya kan inna a Asa'eeli.

³⁶ Eliyo'enaayi ka Yayqoopi ka Yeshoohaya ka Asaaya ka Ati'eeli ka Shimi'eeli ka Penaaya ka

³⁷ Siisa inna Shifi'a ka inna Yetaaya ka inna Shiimiri ka inna Shemaa'iyya isho inna Alooni.

³⁸ Orroose a maxxadaasso are qaropeela lelame kaffaasso qaraayye saarra. Sanynyeetaaysho ka koopaan ante.

³⁹ Ishootta ka pora oppopa xelloota horeetaaysho dawwadan faddatta'e, naaba a qinda piirtotati paayyatte haka kullaysuma Ketooriti aanen.

⁴⁰ Ka pora oppa siksadan piita akata palda ka ilaawa ka paxaara, nakayta ka oppa co teyen; turanne sanynyeeta Kaami poroose oppa kallaade.

⁴¹ Orroose a maxxadaasso are qaropeela dikame, xelta nuqusa Yihuta a Hisqiyaasiiyyi Keraaripa de'en ka sanynyeeta a Kaami isho a Me'unaata a tukkanna kara kala qara oranna qishshen ka pashshen; qoota xelloota horeetaayshoti pora deetta teyen malla, poroose'e qapaden ka haka awweti eyye kallaanni.

⁴² Sanynyeeta Simooni oppa nama dippa ken ka hellaa Yushi'i Pelaatiya ka Ne'ariya ka Refaaya isho Usi'eeli ka kamma qaten ka kunkunnaata Etoomi opa tuulen;

⁴³ ka Amaaleqeeta kela hasse alle piren; ka haka awweti porose oppa kallaaden.