Mataafa Otoowwa a paayyota 27 - Mataafa Qulqulloota

Kitadda a xela oranna

¹ Isira'eeli karaayye sene maxxada a mattada toolla; ka a shaalaqadda ka a motoloqadda isho a saarrassoti a wa kita xela oranna mina tooynaatin para mina leya leya oppa kitamma ka nuqusa kela koda koona. Ishootta kita takkan takkan karaayye nama kuma kunda lakki afuri kayni.

² A leya paayyota oppa a kita paayyota qara ajajampayta kodde, Yaashopi'aami inna Sapiti'eeli; kitaadi kelaayye nama kuma kunda lakki afuri ca.

³ Isha nefo sanynyeeta Faaresi ka saarra a kita leya paayyota qara ajajampayta kutta.

⁴ A kita leya lammatta qara ajajampayta kutta kodde Ahohittase Dodaay; kitaadi kelaayye nama kuma kunda lakki afuri ca; Miiqiloti ka isha kela saarummi.

⁵ A leya sessattatiiyyi a kita xela oranna a sessatta qara ajajampayta kutta kodde, Pannaya inna Qeesittase a Yodaahe; isha kelaayye nama kuma kunda lakki afuri ca.

⁶ Ini tooy Pannayaase nama kunda sessa oppaayye kokkoka ka saaraaysho kodde; innaadi Amiisapati ka kita xeloose a oranna qara ajajampayta kodde.

⁷ Leya afratta oppaayye ajajampayta afratta a kutta kodde Asaheeli inna opa Iyyo'aapi; innaadi Sepaadiyya ka pakkaadippa ajajampayta kodde. Isha kelaayye nama kuma kunda lakki afuri ca.

⁸ Leyaa a kenatta oppaayyeew a ajajampayta a kenatta a kutta kodde Yijihaarittase Shaamihuuti; isha kelaayye nama kuma kunda lakki afuri ca.

⁹ Leya alehatta oppaayyeew a ajajampayta a lehatta a kutta kodde Iira inna Qiishi a Teqo'itta; isha kelaayye nama kuma kunda lakki afuri ca.

¹⁰ Leya tappatta oppaayyeew a ajajampayta a tappatta a kutta kodde sanynyeeta Efreemi oppa Helesi Piloonetta; isha kelaayye nama kuma kunda lakki afuri ca.

¹¹ Leya settatta oppaayyeew a ajajampayta a settatta a kutta kodde; Sipekaayi Hushitta; isha kelaayye nama kuma kunda lakki afuri ca.

¹² A leya sakalatta oppaayye ajajampayta a sakalatta a kutta kodde sanynyeeta Piniyaami oppa Api'eseri Anatootitta; isha kelaayye nama kuma kunda lakki afuri ca.

¹³ A leya kundatta oppaayye ajajampayta a kundatta a kutta kodde sanynyeeta Saarahi oppa Maahirayi Netofitta; isha kelaayye nama kuma kunda lakki afuri ca.

¹⁴ A leya kudanka takkatta oppaayye a ajajampayta a kudanka takkatta a kutta kodde sanynyeeta Efreemi oppa Pennaya Piirotoonitta; isha kelaayye nama kuma kunda lakki afuri ca.

¹⁵ A leya kudanka lammatta oppaayye a ajajampayta a kudanka lammatta a kutta kodde sanynyeeta Otini'eeli oppa Heldaayi Netofitta; isha kelaayye nama kuma kunda lakki afuri ca.

Saarra kaffa Isira'eeli

¹⁶ Sene saarra kaffa Isira'eeli: a kafa Roopeeli qara saarummo Eli'eseri inna Siikiri; a kafa Simooni qara saarummo Shefaatiya inna Maa'ika;

¹⁷ a kafa Lewi qara saarummo Hashaapi'a inna Qemu'eeli; a kafa Arooni qara saarummo Sadooqi;

¹⁸ a kafa Yihuta qara saarummo inna opa Taawwiti Ellihu; a kafa Yisaakoori qara saarummo Omiri inna Mika'eeli;

¹⁹ a kafa Saapilooni qara saarummo Yushimaa'iya inna Aptiyu; a kafa Niftaalemi qara saarummo Yaarimooti inna Asiri'eeli;

²⁰ a kafa Efreemi qara saarummo Hoose'i inna Asaasiya; a kafa Minaase quda paka takka qara saarummo Iyyu'eeli inna Petaaya;

²¹ a Kele'aadi kara kafa Minaase quda paka takka qara saarummo Yuudo inna Sakkariyaasi; a kafa Piniyaami qara saarummo Ya'isi'eeli inna Apeneeri;

²² a kafa Taani qara saarummo Asaari'eeli inna Yirohaami. sene piisa saarrasene a kaffa Isira'eeli.

²³ Waaqa akkima Isira'eeleta akka hiikka moonta mina leksho qoota kippeeta daashe malla, Taawwiti a para kunda lakki kaye ka kelopaxata ca in dikne.

²⁴ Iyyo'aapi inna Seruyya ka dikoota paayye umma in dikkinne. Dikootose nefo qoota samayta Isira'eeli qara miira Waaqa qeette malla, dikotaaysho maskapa torra a mankisteeta Taawwiti karopa in kalle.

Orra mehadda tika mankisteeta qara tooyno

²⁵ Inna Ati'eeli Asimaaweti tika meeha a mankisteeta qaraayye saara. Inna Usiiya Yonataani tikkasene a meeha awrajjadda ka katamadda ka palewwa isho waartiyadda oppaayye ca qara saara.

²⁶ Esiiri inna Keluupi orra dulla qotanno qaraayye saara.

²⁷ Raamaatittase Shiimi'i porra a dishma wayneeta qara saara; Shefaamittase Saapiti tika meeha a taadeta wayneeta qaraayye saara.

²⁸ Kederittase Pa'alhanaani qorasene a wayneeta isho a hiltewwa kunkunnawwasene qinda dumaatati qata kelaayye ca qaraayye saara. Iyyo'aasi tikka sayteeta ekerta qaraayye saara.

²⁹ Saaroonittase Shiitiraayi sikmampaya lo'alla a koommayta Sharooniti ca qaraayye saara. Inna Etilaayi Shaafati'iw, sikmaya lo'alla a naabba kara ca qaraayye saara.

³⁰ Isma'eelittase Opiili sikmaya kaalla qaraayye saara; Meronotittase Yehidiiya sikmaya harrewwa qaraayye saara.

³¹ Hakarittase Yaasiisi sikmaya kahirra isho a telalla qaraayye saara. Sene piisa wa nuqusase Taawwiti qapa qaraayye saarra.

Dehaamampaya Taawwiti

³² Yonataani apuyyaata opa Taawwiti, dehaamampayta ka hayyoota ka nama upna qapo; Yihi'eeli inna Haakimooni kollissampayta hellaa nuqusa.

³³ Akiitofeli dehaamampayta a nuqusa, Hushaayi Arkittaaw mootta a nuqusa.

³⁴ A Akiitofeli to'e kammaayye, Yoodaahe inna Pennaya isho Apiyataari ka pakkaadi oppa dehaamampaya a nuqusa kodden. Iyo'aapi'iw saara xela oranna'e kodde.