Mataafa Otoowwa a paayyota 25 - Mataafa Qulqulloota

Sammarewwa a tika Waaqa

¹ Taawwiti isho saarra xelaadi a oranna ka akka pekena ka kehayta isho sokojkojaan wa Waaqa ishootta daashe dawane'e, opanka kelaayye hawsishane'e hellaa Asaafi ka a Hemaani isho a Yidutu oppaayye orra reexe ka kite. Orra kodoose kodo nefo maxxadaasso sene:

² Hellaa Asaafi a diira Saakuri ka Yoosefi ka Netaaniya isho Asaari'eela. A ishootta qara saarummo nefo Asaafi. Saara Asaafiiw nuqusase Taawwiti.

³ Hellaa a Yidutu a diira, Ketaaliya ka Seeri ka Yashaaya ka Shiimi'i ka Hashaapiya isho Matiiti. Sene lehi qara saaraaysho nefo Yidutu. Isha nefo pekena dawni ka wa Waaqa ishi daashetin Waaqa kalataysanni ka saarinni.

⁴ Hellaa a Hemaani a diira'ew, Puqiiya ka Mataaniya ka Usi'eeli ka Shepu'eeli ka Yariimooti ka Hanaaniya ka Hanaani ka Eli'aata ka Kitaaliti ka Romaamiti'eseri ka Yoshipeqaasha ka Malooti ka Hotiiri isho Mahisi'aati.

⁵ Sene piisa tooy hellaasene a akkampaytase a nuqusase a Hemaaniiw. Waaqa nefo kippetase a ishi daashe qara'e Hemaani ulfeessaa'e hellaa a diira kudanka afur ka tuparra sessa ishi daashe.

⁶ Sene piisa tooy aappadaasso'e ishootta qara saarummi. Ikka tika qulqulloota a Waaqa karaayye pekena ka kehayta isho sokojkoja dawattaan koda kooni. Nuqusa ka Asaafi ka Yidutaani isho Hemaani qara saarummi.

⁷ Ishootta daltayaasso ollini meehose Waaqa dawammo a kuttati sahaden ka ooken; lekumaasso kan dippa lakki kunda setteeti sette.

⁸ Kita kodaayshooti upnaatta'e a opa kiini in kinnini ini qimayta taaki ini xayyoolaytan, taakki ini kollissampayta ini kan kollattampayta maliiyyi ilta takkan ishootta qoyritta katen.

⁹ Qoyritta a paayyota ka sanynyeeta Asaafippa hellaa Yoosefi a diira isho daltaytaaysho qa'e; ishootta nefo nama kudanka lakki. Qoyritta a lammatta ka Ketaaliya isho hellaadi a diira ka daltayaasso qa'ew; ishootta nama kudanka lakki.

¹⁰ Qoyritta a sessatta ka Saakuri isho hellaadi a diira ka daltayaasso qa'ew; ishootta nama kudanka lakki.

¹¹ Qoyritta a afratta ka Yisiiri isho hellaadi a diira ka daltayaasso qa'ew; ishootta nama kudanka lakki.

¹² Qoyritta a kenatta ka Netaaniya isho hellaadi a diira ka daltayaasso qa'ew; ishootta nama kudanka lakki.

¹³ Qoyritta a lehatta ka Puqiya isho hellaadi a diira ka daltayaasso qa'ew; ishootta nama kudanka lakki.

¹⁴ Qoyritta a tappatta ka Asaari'eela isho hellaadi a diira ka daltayaasso qa'ew; ishootta nama kudanka lakki.

¹⁵ Qoyritta a settatta ka Yashaa'iya isho hellaadi a diira ka daltayaasso qa'ew; ishootta nama kudanka lakki.

¹⁶ Qoyritta a sakalatta ka Mataaniya isho hellaadi a diira ka daltayaasso qa'ew; ishootta nama kudanka lakki.

¹⁷ Qoyritta a kundatta ka Shiimi'i isho hellaadi a diira ka daltayaasso qa'ew; ishootta nama kudanka lakki.

¹⁸ Qoyritta a kudanka takkatta ka Asaari'eeli isho hellaadi a diira ka daltayaasso qa'ew; ishootta nama kudanka lakki.

¹⁹ Qoyritta a kudanka lakkatta ka Hashaapiya isho hellaadi a diira ka daltayaasso qa'ew; ishootta nama kudanka lakki.

²⁰ Qoyritta a kudanka sessatta ka Shupaa'eli isho hellaadi a diira ka daltayaasso qa'ew; ishootta nama kudanka lakki.

²¹ Qoyritta a kudanka afratta ka Matiitiya isho hellaadi a diira ka daltayaasso qa'ew; ishootta nama kudanka lakki.

²² Qoyritta a kudanka kenatta ka Yarimooti isho hellaadi a diira ka daltayaasso qa'ew; ishootta nama kudanka lakki.

²³ Qoyritta a kudanka lehatta ka Hanaaniya isho hellaadi a diira ka daltayaasso qa'ew; ishootta nama kudanka lakki.

²⁴ Qoyritta a kudanka tappatta ka Yoshipeqaashi isho hellaadi a diira ka daltayaasso qa'ew; ishootta nama kudanka lakki.

²⁵ Qoyritta a kudanka settatta ka Hanaani isho hellaadi a diira ka daltayaasso qa'ew; ishootta nama kudanka lakki.

²⁶ Qoyritta a kudanka sakalatta ka Maalotiisho hellaadi a diira ka daltayaasso qa'ew; ishootta nama kudanka lakki.

²⁷ Qoyritta a kunda lakkatta ka Eli'aata isho hellaadi a diira ka daltayaasso qa'ew; ishootta nama kudanka lakki.

²⁸ Qoyritta a kunda lakki takkatta ka Hotiri isho hellaadi a diira ka daltayaasso qa'ew; ishootta nama kudanka lakki.

²⁹ Qoyritta a kunda lakki lakkatta ka Kiiteliti isho hellaadi a diira ka daltayaasso qa'ew; ishootta nama kudanka lakki.

³⁰ Qoyritta a kunda lakki sessatta ka Mahisi'aati isho hellaadi a diira ka daltayaasso qa'ew; ishootta nama kudanka lakki.

³¹ Qoyritta a kunda lakki afratta ka Romiimiti'eseri isho hellaadi a diira ka daltayaasso qa'ew; ishootta nama kudanka lakki.