Mataafa Otoowwa a paayyota 24 - Mataafa Qulqulloota

Akka qeesewwa koda kitamen

¹ Sene kita hellaa Arooni: Arooni hellaa a diira afuri qapa. Ishootta nefo Nataapi ka Appihu ka Ali'asaari isho Itaamaari kidammi.

² Nataapi isho Appihu a hella in xaaynin mali aappaaysho turan le'en. Ali'asaari isho Itaamaari xoori qeesewwa kodden.

³ Taawwiti ka sanynyeeta Ali'asaari oppa Saatooqi qeede ka sanynyeeta a Itaamaari oppa Apemeleki qeede ka qaarqaarsayshotinni sanynyeeta Arooni koda qara kite.

⁴ Sanynyeeta Itaamaari kapaayye, qoota sanynyeeta Ali'asaari oppaayye saarra lekaya akkaaden malla, sanynyeeta Ali'asaari oppaayye saarra toolla kudanka lehi ka a Itaamaari oppaayye saarra toolla sette'e kitame.

⁵ Sanynyeeta Ali'asaari isho a Itaamaari paayye qoota ishootta saarra a tika qulqulloota isho a Waaqa kodden malla, qatayma mali piisa qara qoyritta katen ka ishootta kiten.

⁶ Sanynyeeta Lewi oppaayye taafittase inna Natina'eeli Shema'iya ka fuula nuqusa ka a saaraadi tura'e ka fuula qeesewwasene a Satooqi isho inna Apiyataari Apemeleki tura'e ka fuula qeesewwa isho Lewaata oppaayye saarrasene a toolla tura'e ishootta taafe ka ete taafnooyye, qinda toola Ali'asaari desa takka taafen ka qinda toola Itaamaari desa takka taafen.

⁷ Qoyritta a paayyota Yihoyariipi qa'e, a lammatta ka Yitaa'iyya qa'e.

⁸ A sessatta ka Hariimi qa'e, a afratta ka Se'oraami qa'e

⁹ a kenatta ka Malikiiya qa'e, a lehatta ka Miyaamini qa'e

¹⁰ a tappatta ka Haqoosi qa'e, a settatta ka Apiya qa'e

¹¹ a sakalatta ka Iyyaasu qa'e, a kundatta ka Shekaaniya qa'e

¹² a kudanka takkatta ka Eliyashiipi qa'e, a kudanka lakkatta ka Yaqiimi qa'e

¹³ a kudanka sessatta ka Huupa qa'e, a kudanka afratta ka Yushepi'aapi qa'e

¹⁴ a kudanka kenatta ka Piilika qa'e, a kudanka lehatta ka Imeeri qa'e

¹⁵ a kudanka tappatta ka Hesiiri qa'e, a kudanka settatta ka Hapisise qa'e

¹⁶ a kudanka sakalatta ka Pataahiyya qa'e, a kunda lakkatta ka Yihesiqeeli qa'e

¹⁷ a kunda lakki takkatta ka Yakiini qa'e, a kunda lakki lakkatta ka kamuuli qa'e

¹⁸ a kunda lakki sessatta ka Telaaya qa'e, a kunda lakki afratta ka Masiya qa'e.

¹⁹ Akkima Waaqa Poqalla a Isira'eeli aappaaysho a xatta Arooni ajaje qara'e akka tika qulqulloota a Waaqa opa aanan ka taantetase a koda ishootta daasamte qootadan sede.

Maxxada a Lewaata a ata hasse

²⁰ Sanynyeeta Lawaata a ata hasse, sene arepaxata ca. Hellaa Amiraami a diira oppa Shepu'eeli; hellaa Shepu'eeli oppa Yehiteya.

²¹ Hellaa Rehapiya a diira qara saaraaysho Yushiiya;

²² Yisihaarota oppa Shelomiiti ka hellaa Shelomiiti a diira oppa Yahaati;

²³ hellaa Keprooni a diira, qaarta Yiriiya ka kussitta Amariiya ka a sessatta Yahisi'eeli isho a afratta Yiqaami'aami.

²⁴ Inna Usi'eeli Miikka ka hellaa a Miikka a diira oppa Shamiiri;

²⁵ inna opa Miikka Yushiiya, hellaa a Yushiiya a diira oppa Sekaariyaasi;

²⁶ hellaa Meraari a diira, Maahili ka Muushi isho Yaa'isiyya.

²⁷ Hellaa Meraari a diira Yaasiiyaami oppaayye, Shohaami ka Saakuri isho Ipiri.

²⁸ Amahiliimi inna Ali'asaari kidamma'e qapa; Ali'asaari xoori hellaa a diira takkan nefo in qapo.

²⁹ Qiishi inna a diirta a Ayirahime'eli kidamma'e qapa.

³⁰ Hellaa Muushiimi a diira, Maahili ka Eteeri isho Yarimooti kidammi. Sene tooy Lawaata a toollaassotin dikamte.

³¹ Akkima hellaasene xaaysho sanynyeeta a Arooni koden mina'e, ishootta nefoow fuula a nuqusase a Taawwiti ka a Satooqi ka a Apemeleki ka saarrasene a toolla a qeesewwa isho a Lewaata tura'e ishootta qoyritta katen.