Utandiko 36 - Amazwi Yakwe Leza 2013

Ana yakwe Esau

¹ Yaa ali ana amu mupanda wakwe Esau nanti Edomu.

² Esau watwite anaci amu Kenani. Pali Ada umwana wakwe Eloni mwina Hiti. Oolibama umwana umwanaci wakwe Anaa wali umwana wakwe Zibeoni mwina Hivi.

³ Nga na Basemati umwana umwanaci wakwe Isumeli nupya kaci wakwe Nebayoti.

⁴ Ada wavyalile Esau Elifazi, Basemati waviile Leweli.

⁵ Oolibama waviile Yeusyi, Yalamu, na Kola. Yaa ali ana aonsi yakwe Esau yano yamuvyalile mu mpanga ya Kenani.

⁶ Lyene Esau atoola aci yakwe pamwi na ana aonsi na anaci na antu yonsi amu ng'anda yakwe, pamwi ni viteekwa vyakwe, ni vyuma vyonsi vino walonsile mu Kenani, nga apita afumapo aya ku cifulo cuze ataluka Yakobo mwina wakwe.

⁷ Pano waweni ukuti incende ino yalipo pamwi na Yakobo yacepa mulandu uno oili yali ni viteekwa vivule cuze.

⁸ Acino lyene Esau (kuli kuti Edomu) aya aikala mu Seili impanga ya myamba.

⁹ Yaa ali amu mupanda wakwe Esau, cikolwe ca ina Edomu mu mpanga ya myamba ya Seili.

¹⁰ Na ya ali mazina ya ana aonsi yakwe Esau. Elifazi uwavilwe muli Ada, na Leweli uwavilwe muli Basemati.

¹¹ Ana aonsi yakwe Elifazi a Temani, Omali, Zefo, Gatamu na Kenazi.

¹² Timinaa, uwali umuci namuze wakwe Elifazi, nawe waviile Amaleke. Yao ali izikulu yakwe Ada umuci wakwe Esau.

¹³ Ana aonsi yakwe Leweli a Naati, Zela, Syama na Miza. Yao ali aizikulu yakwe Basemati umuci wakwe Esau.

¹⁴ Ana aonsi yakwe Esau yano waviile muli Oolibama umwana umwanaci wakwe Anaa, umwana umonsi wakwe Zibeoni, a Yeusyi, Yalamu, na Kola.

¹⁵ Yaa ali amu panda wakwe Esau aizile yaya intunguluzi: Amwi yeli lyakwe Elifazi ali ntunguluzi yali a Temani, Omali, Zefo, Kenazi,

¹⁶ Kola, Gatamu, na Amaleke. Yao ali intunguluzi izyafumile mu mupanda wakwe Elifazi mu mpanga ya Edomu. Yali aizikulu yakwe Ada, umuci wakwe Esau.

¹⁷ Yaa ali ana aonsi yakwe Leweli umwana wakwe Esau. Ali intunguluzi aya: Naati, Zela, Syama na Miza. Yali ali ntunguluzi mu ana yakwe Leweli mu mpanga ya Edomu. Yali aizikulu yakwe Basemati umuci wakwe Esau.

¹⁸ Yaa ali ana aonsi nupya intunguluzi yano Esau waviile muli Oolibama: Yeusyi, Yalamu, na Kola. Yaa ali ntunguluzi zino Esau yamuvyalile kuli Oolibama umuci wakwe nupya umwana wakwe Anaa.

¹⁹ Yaa onsi, yali ana yakwe Esau (nanti Edomu) nupya yali intunguluzi.

Amu mupanda wakwe Seili

²⁰ Yaa ali ana aonsi yakwe Seili, mwina Holi, aikazi ya mpanga ilya: Lotani, Syobali, Zibeoni, Anaa

²¹ Disyoni, Ezeli na Disyani. Ana yaa aonsi yakwe Seili yali intunguluzi zya ina Holi mu mpanga ya Edomu.

²² Ana aonsi yakwe Lotani yali a Holi na Hemamu. Timinaa wali a kaci wakwe Lotani.

²³ Yaa ali ana aonsi yakwe Syobali, Alivani, Manaati, Ebali, Syefo na Onamu.

²⁴ Yaa ali ana aonsi yakwe Zibeoni: Aiya na Anaa. Anaa uwalengwile tufukoka twa manzi yakaye mu lwanga lino wacemanga yapunda yakwe isi Zibeoni.

²⁵ Yaa ali ana aonsi yakwe Anaa: Disyoni na Oolibama umwana umwanaci wakwe Anaa.

²⁶ Yaa ali ana aonsi yakwe Disyoni: Hemudani, Esyibani, Itilani na Kelani.

²⁷ Yaa ali ana aonsi yakwe Ezeli: Bilani, Zaavani, na Akani.

²⁸ Yaa ali ana aonsi yakwe Disyani: Uzi na Halani.

²⁹ Ya yali ali ntunguluzi mu ina Holi: Lotani, Syobali Zibeoni na Anaa,

³⁰ Disyoni, Ezeli, na Disyani. Yaa yali ntunguluzi ya ina Holi, ukulinga ni miko yao mu mpanga ya Seili.

Yamwene amu Edomu

³¹ Yamwene atesile impanga ya Edomu lino yamwene ya ina Izlaeli yatali yatandike ukuteeka yali aya:

³² Bela umwana umonsi wakwe Beoli wali umwene waku Edomu, ni zina lya musumba wakwe a Diniaba.

³³ Lino Bela wafwa, Yobabu umwana umonsi wakwe Zela ukufuma ku Bozila amupyana apa wene.

³⁴ Lino Yobabu wafwa, Husyamu ukufuma ku mpanga ya ina Temani amupyana apa wene.

³⁵ Lino Husyamu wafwa, Hadadi umwana umonsi wakwe Bedadi amupyana apa wene. Hadadi wacimvizye aina Midyani umu nkondo mu mpanga ya Moabu. Ni zina lya musumba wakwe a Aviti.

³⁶ Lino Hadadi wafwa, Samula ukufuma ku Masileka amupyana apa wene.

³⁷ Lino Samula wafwa, Syauli ukufuma ku Leoboti, lwaku Luzi Yufulate amupyana apa wene.

³⁸ Lino Syauli wafwa, Baali Hanani umwana umonsi wakwe Akiboli amupyana apa wene.

³⁹ Lino Baali Hanani umwana umonsi wakwe Akiboli wafwa, Hadali amupyana apa wene. Ni zina lya musumba wakwe a Pau. Ni zina lya muci wakwe wali a Meetabeli, umwana umwanaci wakwe Matuledi, nyinakulu nawe a Mezaabu.

⁴⁰ Yaa ali mazina ya ntunguluzi zyamu mupanda wakwe Esau kulingana ni mitundu ni vifulo vino yatenzimo: Timinaa, Aliva, Yeteti,

⁴¹ Oolibama, Elaa, Pinoni,

⁴² Kenazi, Temani, Mibizala,

⁴³ Magidyeli na Ilamu. Yaa yonsi yali intunguluzi zyamu Edomu. Ciputulwa ca cila mpanga camanyike kulinga ni zina lya mutundu uwatenzimo. Esau uwali ali cikolwe ca ina Edomu.