PAMMUJI 82 - KITTA' MATANGKASA'

Allata'ala Karaeng Malompo

¹ Pammujina Asaf. Allata'ala ampimpingi sidang kakaraenganga ri suruga, nampa assare kaputusang angkana,

² “Tea' mako angngadeli pole siagang jekkong, tea' mako agangngangi pole tau ja'dalaka.

³ Alleangangi ana' kukanga siagang tau lammaya, sarei kaadelang tu kasi-asia siagang tau ballasaka.

⁴ Pakabebasaki tau lammaya siagang tenaya pakkullena, lappassangi ke'nanga battu ri limanna tau ja'dalaka.

⁵ Ikau ngaseng tena apa-apa nuasseng, dongokko, siagang linguko, passabakkang ikau napanra' atorang katallassanna tau jaia.

⁶ Kukana ikau ana'-ana'na ngasengko karaenga ana'-ana'na ngasengko Allata'ala Kaminang Tinggia.

⁷ Mingka lamate ngasengko sangkamma rupataua, sangkamma sikontu tumalompoa, ikau lamate ngasengko.”

⁸ Battu maKi' o Allata'ala, adelimi linoa, saba' sikontu bansaya iKatte ngaseng pata.