PAMMUJI 13 - KITTA' MATANGKASA'

Pappala' doanna tu nijallakkanga

¹ Untu' pamimping pakelong. Pammujina Daud.

² Sa'genna kere wattu Kikaluppaia', o, Batara? Sa'genna kere wattu Kipaccokkoanga'?

³ Sa'genna kere wattu musti kukasia' susaya, siagang si'na pa'maikku sila'busu' allo? Sa'genna kere wattu kunikoasai ri musua?

⁴ Kicinikima' o, Batara Allata'alaku, Kipilangngerimi pappala' doangku. Kipammollei kagassingangku, siagang teaKi' lappassangia' mate.

⁵ TeaKi' lappassangi musungku angkana angkanaya nabetama' ke'nanga. TeaKi' lappassangi ke'nanga anggoraia'.

⁶ Nasaba' pangngamaseanTa kupattoang, jari larannua' lanri iKatte ampasalamaka'. Erokka' makkelong untu' Batara, nasaba' le'ba'na a'gau' baji' mae ri nakke!