Xo̱jo̱n Salmoo̱ 54 - Xo̱jo̱n eén Néná

Ndabii̱ tsíꞌaá Néná nga ko̱síko̱jo

Ndabii̱ katsꞌénda kui soó kjiꞌanga xota̱a̱ Sii̱f kijíkoón Sauu̱l nga bi̱ katsoó: «Ta̱sara̱ ti̱ kꞌi̱e̱e̱ tikónꞌmá Ndabii̱ ngi̱jinná».

¹ Ji Ne, ta̱ngatꞌanii̱ nga yandikón jaꞌée̱n, ꞌna̱xiéꞌéní, kó ta̱ngatꞌanii̱ ngaꞌniúu̱ nga kixi̱ nga niꞌánsénna,

² Ji Ne, ndaꞌyéní nga tsꞌénchji̱a̱a̱, tasínijìi̱n én xí tsꞌénchji̱a̱ ndso̱ꞌba án.

³ Ngatꞌa̱ xota̱ xi nde yàjín ꞌyá kuií bo̱a̱ ndyi̱kjánjo̱na, kó xota̱ xi ndajiín mejeén sa̱ꞌínkꞌiénna. ¡Kui xotaa̱ ndasénjiín ji Ne!

⁴ Tsitsíjenjnú nga Néná boá xi bosikójona, Néná boá xi tsꞌéntsjána kjo̱a̱mindyion.

⁵ Te̱ꞌéꞌoyé nginíi̱ ni xi ndajín xi tsꞌénjo̱na kondra̱na, kó ta̱ngatꞌanii̱ kjo̱a̱kixìi̱ nga ti̱ꞌinkjie ji.

⁶ Kó ngayejení ini̱ma̱na nga sa̱ꞌínkꞌasꞌiee̱n kjo̱a̱tjó, ji Ne, tsjaa ndokꞌóchji̱ì ngatꞌa̱ achichí nda ji xota̱,

⁷ ngatꞌa̱ jí boá xi kachjeꞌéxín ji ni nda̱ kjimana, kó ndyikón án má xi je kamábe nga je kiniꞌánchaja kondra̱na.