Xo̱jo̱n Salmoo̱ 3 - Xo̱jo̱n eén Néná

Si̱ꞌanꞌniátakón Néná

Ndabii̱ katsꞌénda kui soó kjiꞌanga tsangandikoón Absalo̱n ndií.

¹ Ji Ne, achichí je kamá kjín kondra̱na, achichí je kjín má xi ndyi̱kjánjo̱na,

² achichí kjín má xi bo̱a̱ ndyi̱tsóna nga ko̱ꞌna̱xiéꞌéjín xóní jí.

³ Ta̱nga ji Ne, ta̱ jí tsí xi tichínní xikoó ngo ni xi ꞌbíchjaá ni xi ndajín, jí boá xi kjo̱a̱jena ji, kó jí boá xi chjaninkꞌe ji tokó án.

⁴ Nda̱na katsꞌénkjién án nga tsíchji̱a̱a̱ Néná, kó ndeskande na̱ngo̱xi̱ tsjièe̱ katsꞌénsénna.

⁵ An jajña an, kó kisꞌifé an, kó ti̱ jaꞌá nginína, ngatꞌa̱ ta̱ngatꞌanii̱ kui nga tikón an.

⁶ Tsakjonjín má an ndatsi tie mi̱ xota̱ kondra̱ xi je íchjáꞌyána.

⁷ ¡Ti̱sítji̱n ji, kó ꞌna̱xiéꞌéní Ne tsa̱ꞌa̱n! Ngatꞌa̱ jí boá xi fotꞌe ji tꞌanijon ngayeje kondra̱na, kó jí boá xi chjátꞌé jí ṉꞌni̱u̱ xota̱ xi ꞌniú ndajiín.

⁸ Néná boá xi ꞌboxiéꞌáná, ¡ti̱ꞌinchikonñí ji xota̱ na̱xi̱ńdáa̱!