Xo̱jo̱n Salmoo̱ 146 - Xo̱jo̱n eén Néná

Néná tsꞌénchíkonñé xota̱ xi maꞌniátakón kuí

^1-2 ¡Si̱ꞌantsjàa̱ Néná! An mejénna sa̱ꞌintsjáa̱, kó tji̱e̱nga tikón an nga̱sondie, sièe̱ só Néna.

³ Ngata̱ ta̱ꞌyajín xi maꞌniátakónjnú, ngatꞌa̱ nde kui xota̱ xi ꞌniú yandikoón, ka̱májiín kꞌo̱xiéꞌájnú.

⁴ Kjiꞌanga ꞌme kui xotaa̱ chojo má nginí, kó kui ni̱xtjii̱n nijan fesón kui ko̱jo ngayeje ni xi índa.

⁵ ¡Nee̱ xota̱ Israee̱l, tsꞌénchíkonñé xota̱ xi Néná kjimaꞌniátakón!

^6-7 Néná boá xi katsꞌénda nkꞌa jàn ko̱jo nga̱sondiee̱, ko̱jo ndáchíkoón, ko̱jo ngayeje ni xi tjiín. Néná ngatsjéni̱xtjin nga tsꞌénkjátjosón ni xi katsóyàtjón: kixi̱ tsꞌenseén xota̱ xi ndajín tjíniꞌánjo̱o̱, tsjaá nichinie xota̱ xi ndyi̱foaꞌatio kjindiaá, kó ꞌbíndondé xota̱ xi ndyi̱a̱ ndo̱bo̱a̱ya̱à.

⁸ Néná boá xi tsꞌentsíjen nginií xota̱ xi ti̱ka̱a̱, kó tsꞌénkjastjíe̱n nginí xi ngindie jàn kjiyojotꞌa, kó tsꞌéntjó xota̱ xi kixi̱i̱.

⁹ Néná boá xi koo̱n xota̱ xi xín nangi chji̱a̱ni, kó tsꞌénxki̱ xota̱ xi xꞌi̱a̱n, ko̱jo ínchjín kꞌán xi je kꞌien xi̱ꞌii̱n. Néná boá xi tsꞌenkjié kjo̱a̱ ni xi mejeén sa̱ꞌín xota̱ xi ꞌniú ndajiín.

¹⁰ Na̱xi̱ńdá Jerusalee̱n, ¡ngatsjéni̱xtjin ngatatixómaá Nèe̱, ta̱ kjiꞌání ngatatixómaá! ¡Si̱ꞌantsjàa̱ Néná!