Xo̱jo̱n Salmoo̱ 125 - Xo̱jo̱n eén Néná

Néná koón xota̱ na̱xi̱ńdaá

¹ Xota̱ xi maꞌniátakón Néná, xikónií na̱xi̱ Sioo̱n, nga jmíjín xi maa̱ tsꞌéntíyaà. ¡Ngatsjéni̱xtjin nga kꞌuíndo!

² Na̱xi̱i̱ boá xi koo̱n na̱xi̱ńdáꞌniú Jerusale̱n, kó Néná boá xi koo̱n xota̱ Israee̱l ngotꞌe̱ ko̱jo ngatsjéni̱xtjin.

³ Jmí tsi ngatsjéni̱xtjin nga xota̱ xi ꞌniú ndajiín ko̱tíxomaa̱ xota̱ na̱xi̱ńdaá Néná, tsi̱ꞌe̱ nga xota̱ xi ndaa̱, sa̱ꞌínjín ni xi ndajiín.

^4-5 Ji Ne, nda ti̱ꞌinje̱ ji xota̱ xi nda ini̱ma̱a̱, ta̱nga te̱ꞌéndiè ji nga si̱ꞌankjie kui xota̱ xi ndajiín, ko̱jo kui xi xota̱ xi ta̱sá ni xi ndajiín xi mejeén sa̱ꞌín. ¡Ngatꞌieé kjo̱a̱xió xota̱ Israee̱l!