Jenesii̱s 36 - Xo̱jo̱n eén Néná

Xota̱ tji̱e̱e̱ Esauu̱

^1-5 Kuí bí xi̱ꞌbi̱ xi xota̱ tji̱e̱e̱ Esauu̱, kui nda̱ xi ján ínchjín xi chji̱a̱ni Kanaa̱n kisꞌijñajo̱: Na̱ Andaa̱, na̱ Oolibamaa̱ ko̱jo na̱ Basemaa̱t. Na̱ Andaa̱ kuí boá xi tsa̱kji̱ín ngo nda̱ itita̱ xi ꞌmí Eloo̱n, kó na̱ Oolibamaa̱ kuí boá xi tsa̱kji̱ín Anaa̱, ndíndee̱ ngo nda̱ Ee̱b xi ꞌmí Siboo̱n, kó na̱ Basemaa̱t kuí boá xi tsa̱kji̱ín Ismaee̱l xi ndichja Nebayoo̱t. Kuí bí xi̱ꞌbi̱ xi ndií Esauu̱, ngayejee̱ nga nangi Kanaa̱n katsen: Elifaa̱ ndií na̱ Andaa̱ kamá, Reuee̱l ndií na̱ Basemaa̱t kamá, kó Jeuu̱, ko̱jo Jaalaa̱n, ko̱jo Koree̱ ndií na̱ Oolibamaa̱ kamá.

⁶ Kó Esauu̱ xín nangi kijíkꞌíjñá, kjinnii̱ nínga tikón Jakoo̱b ntsꞌi̱e̱. Kó kijíjo̱ ínchjiín ko̱jo ndí xíꞌiín, ko̱jo ndí ínchjiín ko̱jo ngayeje xota̱ xi nijan kisꞌińdo ndiꞌaa̱, kó ti̱ kijíjo̱ ngayeje cho̱ ko̱jo ngayeje ni xi kisꞌiee̱ ki̱a̱ nangi Kanaa̱n.

⁷ Achichí ni xi kisꞌiee̱ Esauu̱ ko̱jo Jakoo̱b, kjín cho̱ kisꞌiee̱ kó nde ngiti̱ kamájín nga nijan kisꞌińdo, ngatꞌa̱ tꞌanangii̱ ngiti̱ kichikjo̱a̱jiín cho̱ xi kisꞌiee̱ nga joó.

⁸ Kó bo̱a̱ tsꞌén Esauu̱ ki̱a̱ kisꞌijñatꞌa na̱xi̱ Endoo̱n.

^9-19 Kuí bí ni xi kamaá Esauu̱ ki̱a̱ ngi̱jin na̱xi̱i̱, kó kuí bí xi̱ꞌbi̱ xi xota̱ tji̱e̱e̱ xi ngito̱ko̱o̱ xota̱ Endoo̱n kamá. Kuí bí xi̱ꞌbi̱ xi ndií Esauu̱: Elifaa̱, Reuee̱l, Jeuu̱, Jalaa̱n, ko̱jo Koree̱. Kuí bí xi̱ꞌbi̱ xi ndií Elifaa̱ ko̱jo ndíndee̱ na̱ Andaa̱: Temaa̱n, Omaa̱r, Sefoo̱, Ngataa̱n, Kenaa̱, Koree̱, Amalee̱k, ndií Elifaa̱ ko̱jo na̱ Timnaa̱. Kuí bí xi̱ꞌbi̱ xi ndií Reuee̱l ko̱jo ndíndee̱ na̱ Basemaa̱t: Naa̱t, Seraa̱, Samaa̱, ko̱jo Misaa̱.

^20-30 Kuí bí xi̱ꞌbi̱ xi já ngito̱ko̱o̱ xtín xota̱ oreoo̱, kui xi ki̱a̱ kjindibáni xota̱ tji̱e̱ Esauu̱, xi kisꞌińdo nangi Endoo̱n: Lotaa̱n, Sobaa̱l, Siboo̱n, Anaa̱, Ndisoo̱n, Esee̱r, ko̱jo Ndisaa̱n. Kuí bí xi̱ꞌbi̱ xi ndií Lotaa̱n: Orii̱, ko̱jo Emaa̱n. Na̱ Timnaa̱ ndichja Lotaa̱n kamá. Kuí bí xi̱ꞌbi̱ xi ndií Sobaa̱l: Albaa̱n, Manaa̱t, Ebaa̱l, Sefoo̱, ko̱jo Onaa̱n. Kuí bí xi̱ꞌbi̱ xi ndií Siboo̱n: Ayiaa̱, ko̱jo Anaa̱. Kuí bí xi̱ꞌbi̱ xi ndií Anaa̱: Ndisoo̱n, ko̱jo Oolibamaa̱. Kuí bí xi̱ꞌbi̱ xi ndií Ndisoo̱n: Emndaa̱n, Esbaa̱n, Itraa̱n, ko̱jo Keraa̱n. Kuí bí xi̱ꞌbi̱ xi ndií Esee̱r: Bilaán, Saabaa̱n, ko̱jo Akaa̱n. Kuí bí xi̱ꞌbi̱ xi ndií Ndisaa̱n: Uu̱, ko̱jo Araa̱n. Anaa̱ boá kui xi kasakoo̱ kjín ndáńchꞌi̱ xi tjitjó má ndáfoaa̱ ki̱a̱ nangi kixií, tji̱e̱nga tsꞌénkoón bórroó Siboo̱n na̱ꞌmii̱.

Já re xi chji̱a̱ni Endoo̱n

^31-39 Ngindiee̱ nga kꞌuié já re xi ko̱tíxoma Israee̱l, xota̱ tji̱e̱e̱ Esauu̱ xi kisꞌińdo nangi Endoo̱n jatjojinni kjín já re. Nga ngo nga ngo kui já ree̱ atíxoma ngaskande nga jesón, kó ngaskande kjiꞌá boá nga kje̱ꞌe xí kisꞌińdo ngajoo̱. Kuí bí xi̱ꞌbi̱ já re xi atíxoma nangi Endoo̱n: Belaa̱, ndií Beoo̱r kui xi chji̱a̱ni na̱xi̱ńdá Ndinaba̱. Jobaa̱b, ndií Seraa̱ xi chji̱a̱ni nangi Bosra̱. Usaa̱n xi chji̱a̱ni nangi Temaa̱n. Andaa̱nd, ndií Bendaa̱nd xi chji̱a̱ni na̱xi̱ńdá Abii̱t. Samlaa̱ xi chji̱a̱ni nangi Masreka̱. Sauu̱l xi chji̱a̱ni nangi Reoboo̱t ki̱a̱ tꞌa ndejèꞌ Éufratee̱. Baa̱l-Anaa̱n, ndií Akboo̱r. Andaa̱nd xi chji̱a̱ni na̱xi̱ńdá Pau̱. Chjo̱ón Andaa̱nd xi chji̱a̱ni na̱xi̱ńdá Pau̱ na̱ Meetabee̱l kiꞌmí kó ndií Matree̱nd boá, ko̱jo ndíndee̱ Mesaa̱b kamá.

^40-43 Kuí bí xi̱ꞌbi̱ jaꞌeén já ngito̱ko̱o̱ Esauu̱ xikó kjiꞌi xota̱ tji̱e̱e̱, ko̱jo ngi̱ndie nínga atíxoma, ko̱jo xikó ꞌmí jaꞌeén: Timnaa̱, Albaa̱, Jetee̱t, Oolibamaa̱, Elaa̱, Pinoo̱n, Kenaa̱, Temaa̱n, Mibsaa̱r, Mangndiee̱l, ko̱jo Iraa̱n.