Marc 11 - Mofa New Testament

¹ Aman ta ndikè ndul ndul a Jérusalem, Bethphagé a Béthanie, te man a za oliviers, Yèsu a nzlinde ta cèw te va golahi nenga'a, a ngaƋa ta:

² Vodo a kokwar a ma kinè. Aman kin da Ƌè a pa, kin da rka gol kƋèh langa, m'mana'a, ndo a n'nza a deɓ nenga'a di ɓai. VaprokoƋai, a kin ckoƋai!

³ Man ndo ngiƋè a gaƋa kinè: Kin gia kè? Kin gaƋa na: Bai a woya'a. A nasa nasa a da jèka kinè langa.

⁴ A golahi Yèsu to do, a ta ngots kƌèh, m'mana'a a dalmagai, a ma civèƌ, a ta prokoƌai.

⁵ Tengahi ngiƌè, man ta zlatsa a pa, ta gaƌa ta: Kin prokoƌi gol kƌèh haha èhèmè?

⁶ A ta menda ta ara ngèƌe Yèsu. A ta jèkeda, aman ta Ƌè'a.

⁷ A ta da gol kƌèh a sam Yèsu, a ta va na maslaka ta a deɓa, a Yèsu, a n'nza a pa.

⁸ Ndohi kumba ta wuzheda maslaka tenga'a a civèƌ, a tengahi ngiƌè ta berzlko vah, a ta wusheda a civèƌ.

⁹ Matrhia'a to do a ma, matrhia'a ta dzodzor Yèsu, a ta boho a wuƌai: Vanzala'a! Nga slébèrƋè nenga'a man a shkè haha, a nzlembaƌ Bi Zhiklè!

¹⁰ Nga slébèrƋè kokwarBai man a shkè, kokwar-Bi David, Bab nga! Vanzala'a te zhiklè te géƋè'a!

¹¹ A Yèsu a mdo a kokwar Jérusalem, a gi Zhiklè. Aman a war skwi tèlèba ma, dakwaƋ n'nga ma, a mdo Béthanie a nda tengahi 12.

¹² Te mangoslèma'a, aman ta jèkeda Béthanie, mi a nkeƌa Yèsu.

¹³ Dra a nrka wof kslor a vaha a va, a ndo aman a wèr nyi nenga'a. Aman a herda na va, a nrka sèi vah genè; tiƋè nyi nenga'a di ka ɓai.

¹⁴ A hüno a ngaƋa na: Ani haha, ndo da ndu nyi ngaya ɓai a mèƋèpl A golahi nenga'a ta tsena'a.

¹⁵ A ta ndikè Jérusalem, a Yèsu a n'ndo a gi Zhiklè. A hüno a ndzam ta ndohi ga­nai, tenga'a man ta shum skwai, a tenga'a man ta pre skwai, te gi Zhiklè. A nzukda table ndohi nhumbèƋè sulai, a sam n'nzi ndohi man ta pre nkuƋhom,

¹⁶ a mva na civèƋ a ndo ɓai, aman ta bizhè a ndev gi Zhiklè a skwi a gèƋ.

¹⁷ A Yèsu a nsenda ta, a ngaƋa ta: Ta windo te Ƌèlèwèr Zhiklè ɓi Ƌè, ta baba na gi ga, gi ntsi ri ndohi herkeda tèlèba. Aman kinè, kin ndeda a gi ndohi metsar.

¹⁸ A ndohi mvi skwi a Zhiklè mbibihia'a, a malamhai ta tsena'a, a ta woy maya, aman ta keƌa'a. Aman ta gu zlau nenga'a, te man ndohi rèƋèƋè'a ta rzl ta a géƌ njèma nenga'a.

¹⁹ A pats dakwaƌ, Yèsu a golahi nenga'a ta jèkeda kokwara'a.

²⁰ A prèk, aman ta beza a sam wof kslor, ta rka'a, ngwora, a zluzlora tèlèba.

²¹ A ngèƋè Yèsu man a goƋ aƋatsa, a nhaka na a gèƋ a Pierre, a ngaƋa na Yèsu: Na haha, Rabbi, wof kslor man ka phomda, ngwor na ma!

²² A Yèsu a m'mbeƋa na a ma, a ngaƋa ta: Voco Bi Zhiklè a ndav kinè!

²³ A vava i gaƋa kinè, aman ndo a gaƋa na za haha: Co va ngaya, a ka kalda a drav iyam, a pi gèƋ cèw azɓai, aman a nco a ndav ara man a gaƋa, a rka, a da gi arsa.

²⁴ Na sata man i gaƋa kinè, ko mèmè kin jhèƋè'a tèlè a ntsi ri kinè, voco a ndav ara man kin ngotso, a da gi arsa, a sam kinè.

²⁵ Aman kin zlatsahai, a kin tsi rai, a ma a zhè te ndev kinè a ndo ngiƌè, vapra na mali na, a Bab kinè ba, man a zhè te zhiklè te géƌè'a, a prè mali kinè lèmèlèmè.

²⁶ [Aman kin prè mali ndo ngiƋè azɓai, Bab kinè ba, man a zhè te zhiklè te géƋè'a, a da prè mali kinè azɓai, lèmèlèmè arsal.]

²⁷ A ta men ta a deɓa a kokwar Jérusalem. Aman Yèsu a mdo nshèwèlè a gi Zhiklè, ndohi mvi skwi a Zhiklè mbibihia'a, a malamhai, a ndohi nhala'a ta shkè a sam na, a ta gaƌa na:

²⁸ Ka gi skwi haha a wuƌi ngè, a mva ka wuƌi wa, aman ka gi skwi ar haha?

²⁹ A Yèsu a ngaƋa ta: I dzhaƋ kinè ma ngiƋè staƋ, vambeƋkay a pa! Te deɓa'a i da gaƋa kinè, a wuƋi ngè man i gi skwi haha.

³⁰ Jean a ngu baptême a wuƋi ngè: a Zhiklè te géƋè'a Ƌè, Ƌè a ndo Ƌè? VambeƋkay a pa!

³¹ Aman ta goƋ te ndav ta: Aman nga gaƋa na: a Zhiklè, nenga'a a da gaƋa nga: Kin co a ndav kinè ɓai èhèmè?

³² Aman nga gaƋa na: a ndo ... ta gi zlau ndohi rèƋèƋèa, te man tèlèba ta hur a vava, Jean ndo nhadka ma.

³³ A ta mbeƋa na ma a Yèsu: Nga sun ɓai. A Yèsu a ngaƋa ta: Gar haha i ba, i ngreda kinè azɓai, a wuƋi ngè man i gi skwi haha.