Jacques 1 - Mofa New Testament

¹ Iyè Jacques, ɓèl Zhiklè, ɓèl Bi Yèsu Kristi, a sam verzi ndohi Zhiklè 12, man ta ksar ta. I ga kinè mbalai!

² Dalahimam ga, aman skwi tsaƌ tsaƌ a pe kinè a wai, varka ara mwuffè genè!

³ Vasuna, ncè-a-ndav kinè, te deɓa'a man njkeda ma, a cko nzhèr skwia dai auda.

⁴ Nzhèr skwia dai a da ndivè mizlinè na, a kin ndikè a sam man kin ga'a a ndohi nshfa'a, ma az a géƌ kinè ɓai, a skwi man kin ngatsa ɓi ba, azɓai.

⁵ Aman maya ndo ngiƋè te ndev kinè a hcè, da tsu ri a Zhiklè, nenga'a man a woya a va na ko wawa, a ndav amba, a jèkaha azɓai.

⁶ Da tsu rai, da co a ndav, da pu gèƋ cèw ɓai; aman ndo man a pi gèƋ cèw, nenga'a lèmèlèmè ara ngid va iyam, man kozlar a gidè'a.

⁷ Ndo arsa da huro, i da ngècè skwi te ri Bi Zhiklè ɓai.

⁸ Ndo mpi gèƋ cèw a bizhè zlawa a civèƋ nenga'a pèc pècèk.

⁹ Kramam nkèshèa, mohova ndo, da dzugor va a géƋ man Bi Zhiklè a slambaƋda na gèƋ.

¹⁰ Ndo mèshèlè da dzugor va, a géƋ man Bi Zhiklè a manda na gèƋ a hai. Aman ndo mèshèlè a di a ndev na ara nwurzhè skwai.

¹¹ Pats a shkè auda, a tia'a, kuza a ɓüt na, nwurzhè a wush na, a skwi nenga'a man ambaba nga a dai, a géƌèsh na. Lèmèlèmè ndo mèshèlè a da géƌèsh na a civèä na.

¹² Mwuffè a sam ndo man a nza tara'a man ta pi a wai. Aman ndo man a tsoko gèƌ na auda a sam skwi mpeda a wi ma, a da ngècè skwi mpèƌè gèƌ nshèffè, man Zhiklè a pasla ta ri a ndohi man ta woya'a a ndav ta.

¹³ Ndo man skwi ngiƋè a pi a wai, da goƋ Zhiklè a mpiyè a wi ɓai. Aman skwi ambaɓia'a a slaha a mpi Zhiklè a wi azɓai; Zhiklè ba a pi ndo a wi azɓai.

¹⁴ Aman ndo staƋ staƋ, man skwi ngiƋè a pi a wai, ntétékè nenga'a a mpeda a wai, ntétékè a nda'a.

¹⁵ Te deɓa'a, aman ntétékè a n'nga na, ntétékè a yi malai. Te deɓa'a, man malai n'nga'a ma, a dè ma a m'metsai.

¹⁶ Dalahimam ga, kin zlak kinè ɓai!

¹⁷ Skwi man amba tèlèba, skwi mbelambela man nga ngotso, a shkè te géƋè'a, te ri Bab nhél sam, te nenga'a nhél sam a ruva ta ngwèdè va azɓai.

¹⁸ Ara ndav nenga'a man a woya'a, a nge nga a ndohi nzura'a, te ma nzura'a; a nga ga a tsuvomhia'a te skwi man a gau.

¹⁹ Dalahimam ga, vasuna, ndo staƋ staƋ tèlèba da wosla va a ncinè ma, da goƋ ngèƋè tsam tsam ɓai, da gu ndav tsam tsam ɓai.

²⁰ Aman ndo man a gi ndav, a gi skwi nzura'a a sam Bi Zhiklè azɓai.

²¹ Gar haha, vasuƋa skwi nlizhèa, a maya ambaɓia'a tèlèba auda a va. Voco ma mbela'a man ta zlekeda a ndav kinè, a ndav nlüɓekwa'a. Aman nenga'a a slaha a mbela nshèffè kinè.

²² Vagu ara man ma Zhiklè a gaƋa kinè; kin tsena a zlembaƋ genè ka ɓai, man ɓai kin zlakeda va kinè a ri kinè.

²³ Aman ndo man a tsena ma Zhiklè a zlembaƌ genè, a gia te deɓa'a azɓai, nenga'a lèmèlèmè ara ndo man a rka di nenga'a te koturmai.

²⁴ Te deɓa'a, man a mpeda di a pa ma, a dè na, a nasa nasa di nenga'a a mpca na a gèƋ.

²⁵ Aman ndo man a pi di a verzi ma kita njèlelè'a, man a mpra nga waƋa'a, a nzi te pa dai, a cinè a zlembaƋ genè ka ɓai, te deɓa'a a pca na a gèƋ azɓai, aman a gia'a, ndo haha a wuffè a géƌ skwi man a gia'a.

²⁶ Ndo man a huro a jejèr Bi Zhiklè, aman a jèwe nè'èn nenga'a azɓai, a pi ndav na a wi a ri na; njejèr Zhiklè nenga'a, skwa ambalai.

²⁷ Njèjèr Zhiklè zura'a, lizhèɓia'a, a sam di Zhiklè, Bab nga, aranta: Nwèr di mbelawhai, a ngwozi mazihi te nlèyè tenga'a; mɓir va aman skwi herkeda a lizhè'a azɓai.