Hébreux 9 - Mofa New Testament

¹ A vava nderzlèma nshèlèkura'a a ntül ma mizlinè Zhiklè, a gi nkezla'a, t'herkeda.

² Aman a pa, ta gu gi maslaka, te civèƋ dzeɓa man a ma, a sam man skwi nfi vogwa a table movar nkezla'a a pa, a ta baba na sam nkezla'a.

³ Te civèƋ ndzeɓa ngiƋè, te deɓ maslaka ntamagai, sam a zhè man ta baba na sam nkezli nkezla'a.

⁴ Te pa sam n'ndèr burdi man ta gu a guro, a koti nderzlèma mbè'a a guro, a shiƌèf guro man manna te pa, a gaƋa Aaron man a tsu vah, a kwa nkelwoƌa'a a nderzlèma a pa.

⁵ A géƌè'a, chérubimhai n'njèl Zhiklè, man ta pizleda sam mpil gèƌ a pa. A géƌ tenga'a nga gèƌè ma ngiƌè a va'a azɓai antanta.

⁶ Skwi tèlèba ntila aranta, a ndohi mvi skwi a Zhiklè to do a gi pèc pècèk, te civèƋ ndzeɓa nshèlèkura'a, a ta gu mizline Zhikle a pa.

⁷ Aman a gi te civèƋ ndzeɓa ngiƋè, sèi bi ndohi mvi skwi a Zhiklè a mdo a pa, a mvi a mvai sak staƋgenè. A dè azɓai, man pombaz a te ri na ɓai, pombaz skwi man a zlau a géƋ va nenga'a, a géƋ ndohi ba, a géƋ mali man ta senaha ɓai.

⁸ Mèzhèɓ Zhiklè nkezla'a a ngreda civèƋ aranta a sam nkezli nkezla'a, a gedka va auda a di di ɓai, te man gi te civèƋ dzeɓa nshèlèkura'a a zhè dai.

⁹ Nenga'a tèlèba skwi nlèmdè a patshi haha genè. Skwi man a via'a, a skwi man a zlia aranta, a slaha a ntil mèzhèɓ ndav ndo man a gi mizlinè Zhiklè, jèlèlè ɓai.

¹⁰ Nenga'a ma nkwèr a géƋ va ndo genè, a géƋ skwi n'ndai, iyam nsai, mpèn va man ndohi ta gia'a, ba pats man skwi ntila zura ma.

¹¹ Aman antanta Kristi a nshkè, bi ndohi mvi skwi a Zhiklè a géƋ skwihi mbela'a man ta zhè ma. A mbeza a ndav gi mbia'a mbela'a holhola'a, man ri ndo a ngu ka ɓai, nte va skwi n'nga'a a géƋ herkeda haha ka ɓai.

¹² A mbeza apaa sam nkezla'a sak staƋ, te deɓa'a klèng; a pombaz ɓok a wud zlè ka ɓai, aman a pombaz va nenga'a, a n'ngatsa nga skwi m'mbel nga a mèdèp.

¹³ Aman pombaz ɓok a marihai a mèrwèc zlè, man ta geda a va ndohi nlizhèa, a mpan ta te skwi man a lizh ta,

¹⁴ holhola'a pombaz Kristi, man a vau nshèffè a ri na a skwi nzli a Zhiklè, man mali a te pa ɓai, te Mèzhèɓ Zhiklè man a zhè a mèdèp, a pènè mèzhèɓ ndav nga te mizlinè m'metsa'a, man kala a deɓa ma, a nga gi mizlinè Zhiklè man a zhè a nshèffè.

¹⁵ Ar haha nenga'a ndo mbezda nga nderzlèma mɓua'a; aman a géƋ m'metsi nenga'a, skwi mbel ndo te malai a sam nderzlèma m'mova'a a zhè, a ndohi man Bi Zhiklè a baba ta, ta ngècè mpèsl rai a n'ndi skwi gi a mèdèp.

¹⁶ Ara a sam ndo man a njè ma auda, ga a metsi na. Njèma nenga'a a ngècè wuƋi sèi man m'mets na.

¹⁷ Aman njèma man ndo a m'mets di ɓai, ara ma ambalai, a ngècè wuƋi te m'metsi genè.

¹⁸ Gar haha ba nderzlèma nshèlekura'a ta gu sèi a pombaz.

¹⁹ Aman Moise a ngra ta ndohi ma nkwèr tèlèba, man ma kita Zhiklè a jhèƋè'a, a nco pombaz wud zlèhai, a ɓokwai, a iyam, a gogumi nduzoa, a gaƋa hysope,

²⁰ a nguceda a Ƌèlèwèr, te deɓa'a a gèƋ ndohi tèlèba, a ngaƋa: Na haha pombaz nderzlèma man Zhiklè a mvau a géƋ kinè.

²¹ A nguceda pombaz lèmèlème a géƋ kolongwi mizlinè Zhiklè, a géƋ gi maslaka.

²² Aman te ma kita, njèkè kèshkata a ngi skwi tèlèba, pombaz a pènè'a. Aman pombaz mbaƋahi ɓai, mprè mali azɓai.

²³ Aman ta pana skwi nlèmdè a skwi te zhiklè te géƋè'a aranta, skwi zhiklè te géƋè'a gèƋagèƋ, sèi a ngècè skwi man ta zli a Zhiklè amba hoîhola'a.

²⁴ Aman Kristi a mdo a sam nkezla'a bai, man ri ndo a ngau, man a ngreda sam nkezla'a nzura'a genè. Aman a mdo a zhiklè tèp, aman anai a zlècè a sam di Zhiklè te di man a nga.

²⁵ A minè gèƋ a mvi va na a va'a asaɓai, ara bi ndohi mvi skwi a Zhiklè, manadèasam nkezla'a a mvi amvai a pombaz skwi ngiƋè.

²⁶ Man ar haha, ar a nsu matakwan te nhinkaƋ herkeda pats ngiƋè pats ngiƋè kumba. Aman antanta, man patshi herkeda ta woy a ta ndiv ta, a ngudko va a di sak staƋ, a mvau nshèffè a ri na a skwi mpil gèƋ mali nga.

²⁷ Ara man ndohi sèi ta bèzl ta pats ngiƋè staƋ ndèzl, te deɓ m'metsi ta, kita a zhè,

²⁸ ara man Kristi a mvau nshèffè na sak staƋ, te deɓa'a klèng, aman a ncè malihi ndohai kumba. Macecèwa'a a di a gudko va a di a géƋ mali ka ɓai, aman a géƋ man a da hel ta ndohi man ta zhèrè'a.