Colossiens 1 - Mofa New Testament

¹ Paul, ndo sak Kristi Yèsu, ara Zhiklè man a woya'a, a Timothée, kramam nga,

² a sam ndohi Zhiklè nkezla'a te Colosses, a sam kramamhi nga nlèɓèslè'a te Kristi: Pombai a gumai a nda kinè, te Zhiklè, Bab nga!

³ Nga shid gèƋ a Zhiklè, Bab Bi nga Yèsu Kristi, pèc pècèk, aman nga tsi ri a géƋ kinè,

⁴ te man nga tsena'a, ara man kin co Yèsu Kristi a ndav, ara man kin woy ta ndohi Zhiklè tèlèba,

⁵ a géƋ skwi man kin zhèrè te ndav, man ntila t'hai te zhiklè te géƋè'a, man kin tsena nshèlèkura'a te ma nzura'a, ma mbela'a.

⁶ Na zhè a sam kinè, na zhè t'herkeda tèlèba, a yi wuda ngutsuɓa'a, a grè a ma ma lèmèlèmè ara man a sam kinè, a hüno a pats man kin tsena nshèlèkura'a, akin sun pombi Zhiklè te ma nzura ma.

⁷ Kin sundo arsa a sam Epaphras, man nga woya a ndav nga, man nga mbi a mizlinè a vna. Nenga'a ndo mizlinè Kristi nlèɓèslè'a a sam nga,

⁸ man a ngra nga mwoy-ndo a ndav kinè te Mèzhèɓ Zhiklè.

⁹ Gar haha nga ba, a pats man nga tsena'a, nga jèka ɓai, aman nga tsi ri a Zhiklè pèc pècèk a géƋ kinè: ndav kinè da ndha te nshin skwi man Zhiklè a woya'a, a maya, a nshin skwi te Mèzhèɓ Zhiklè tsaƋ tsaƋ,

¹⁰ a kin nzi ara man Bai Yèsu a woya'a, ara man ambaba, pèc pècèk, a skwi man amba staƋ staƋ tèlèba, a shkè auda te mizlinè kine, a kin grè a ma ma te nshin Zhiklè;

¹¹ kin nzala, a wuƌai, ara wuƋi n'njèl nenga'a tèlèba, aman kin dè a ma ma te nzhèr skwi a dai, a mwuffè.

¹² Gar haha va shüd gèƌ a Bab nga, man a til kinè, aman kin slaha a kin ngècè skwi Zhiklè a nda ndohi Zhiklè a sam nhela'a.

¹³ A mpreka nga auda te ri wuƌi ruva, a mpe nga a kokwar-Bi kra nenga'a, man a woya a ndav na,

¹⁴ te nenga'a gèƋ nga mpela, mali nga mpra'a.

¹⁵ Nenga'a lèmèlèmè ara Zhiklè man ndo a nrka a di ɓai, tsuvom skwi tèlèba man Zhiklè a gau.

¹⁶ Aman skwi tèlèba n'nga a nenga'a, skwi te giƌfèk, skwi a géƋ herkeda, skwi man di ndo a rka'a, skwi man ndo a nrka di ɓai, sam n'nzi bihai, bihai, kokwar-Bihai, a wuƋihai. Skwi tèlèba n'nga te nenga'a, a gèƌ nenga'a.

¹⁷ Nenga'a a zhè nshèlèkura'a, a gshè skwi tèlèba, aman a nzi dai.

¹⁸ Nenga'a gèƋ va, gèƋ mpi ndohi Zhiklè; nenga'a nhinkaƌ skwi tèlèba, nshèlèkura'a man a slambaƌkaƌauda te ndev ndohi m'metsa'a. Te skwi tèlèba tsuvoma'a.

¹⁹ Ambaba Zhiklè, aman skwi na tèlèba a zhè te nenga'a.

²⁰ Te nenga'a Zhiklè a m'menda gumai a hai a gèƌ skwi tèlèba, ko a gèƌ herkeda, ko te zhiklè te géƌé'a, te man a tsu gumi a pombaz nenga'a a deɓ wof ngézlèl na.

²¹ Kinè ba, man kin hala'a dra a sam na, mayamhi na te skwi man kin hérè'a, a kin gia'a man ambaɓai,

²² Zhiklè a m'menda gumi a hai a nda kinè te kra nenga'a man a vau va nenga'a a m'metsai. A nda zlatsede kinè ndohi nkezla'a, mali az a sam kinè ɓai, ma az a gèƌ kinè ɓai a sam di na.

²³ Aman sèi kin nzi tara'a te ncè-a-ndav, a kin dè a ma ma, a kin gidè va azɓai, a kin jèkeda nzhèr ma mbela'a te ndav azɓai, man kin tsena'a, a ta njè'a a gèƌ herkeda tèlèba. Iyè Paul, i ga'a a ndo mizlinè nenga'a.

²⁴ Anai i wuffè te matakwan man i si a géƋ kinè. A matakwan Kristi, man az telè di ɓai, i rufa te va ga, a géƋ mpi ndohi Zhiklè, va nenga'a.

²⁵ I ga'a a ndo mizlinè tenga'a, ara Zhiklè man a huro, a mvay a rai, a géƋ kinè, aman i ngreda ma Zhiklè tèlèba.

²⁶ Nasa man n'ngheda daga hala'a a sam gerzi ndohi tèlèba, aman antanta n'ngreda auda asam ndohi nenga'a;

²⁷ tenga'a man Zhiklè a woya a ngreda ta skwi mèshèlè a n'njèlè te skwi man n'ngheda a sam ndohi nte deɓa: nasa Kristi te kinè, n'njèlè man nga zhèrè te ndav.

²⁸ Nga njè nenga'a, a nga bid ta ndohi telèba, a nga senda ta ndohi tèîèba, a maya tèlèba, aman nga slaha nga zlatseda ndo staƋ staƋ jèlèlè'a te Kristi.

²⁹ A i gi mizlinè a géƌè'a, a i gi mizlinè sa a vazaza a va, a wuƌi Kristi man a zhè te ndav ga.