Apocalypse 10 - Mofa New Testament

¹ A i rka gol Zhiklè ngiƋè, man wuƋi na zhè, man a shkèhai te zhiklè, a vani a va, a kwarai a gèƌ, a medi na ara pats, a sak na ara nè'èn vogwa,

² ƌèlèwèr nkèshèa ngiƌè te ri na, mwinè'a. A mfeda sak ri mandi nenga'a a géƌ iyam mbia'a, a sak ri gula a géƌ herkeda,

³ a mboho a wuƌai, ara marzihèlè man a kuƌai. A deɓ mbèhè nenga'a, ntsi iyam tsaraƌ ta mbeƋka na ma a deɓa.

⁴ Aman ntsi iyam ta mbeƋka na ma a deɓa klèng ma, i woy a i windè ma'a. A i tsena ngèƋè te zhiklè, man a gaƋayè: Ma man ntsi iyam tsaraƋ ta mbeƋkaƋ a deɓa, ɓür te ndav ngaya, ngheda dai, ka windo ɓai!

⁵ A gol Zhiklè man i rka nzlatsa a géƌ iyam mbia'a, a géƋ herkeda ba, a nzlatsede ri mandi nenga'a,

⁶ a m'mbaƋa a nzlembaƋ nenga'a man a nzi a nshèffè te nhinkaƋ na a mèdèp, man a gau giƌfèk a skwi tèlè te pa, a herkeda a skwi tèlè te pa, a iyam mbia'a a skwi tèlè te pa: Anai patshi ngiƋè asaɓai;

⁷ aman ta da cinè'a man gol Zhiklè matsaraƋa'a a da tsi tolom, skwi man Zhiklè a ngheda, a ndikeda, ara man a njè ta ɓèlèlihi nenga'a a ndohi nhadka ma nenga'a.

⁸ A ngèƋè man i tsena te zhiklè, a ngaƌayè za'a: Do, co ƌèlèwèr nkèshè`a mwinè'a te ri gol Zhiklè man a zlatsa a géƌ iyam mbia'a, a géƋ herkeda ba.

⁹ A i do a sam gol Zhiklè, a i gaƋa na: Vay Ƌèlèwèr nkèshè'a! A nenga'a a ngaƌayè: Co, ndau! A da dza ka t'hwaƋ rutsutsa'a, aman te ma ajèn ara vongwom.

¹⁰ A i co Ƌèlèwèr nkèshè'a te ri gol Zhiklè, a i ndau, a jèn te ma ara vongwom, te deɓa'a man i ndau, a ndzay t'hwaƋ rutsutsa'a.

¹¹ Ta gaƋayè: Sèi ka haƋa ta ma za'a a ndohi kokwar a ndohi herkeda a ndohi a da'ai ta tsaƋ tsaƋ kumɓa, a bihi kumba.