Actes 21 - Mofa New Testament

¹ Aman nga jèke ta ma, ngo do a wurom, a nga shkè a civèƋ ndul ndul a ma Cos; te mangoslèma'a Rhode; te pa a Patara.

² Aman nga ngots wurom, man a Ƌè a kokwar Phénicie, ngo do a pa, a ngo do a géƌ iyam.

³ Aman nga rka Chypre dra, nga jèkeda a civèƌ ri gula, a ngo do a wurom man a Ƌè a Syrie, a nga ndika a kokwar Tyre, aman te pa wurom a woya a mpeda kolongwi a hai.

⁴ Aman nga ngots ndohi Yèsu, nga nza a pa m'mèn tsarad. Ta gaƋa na Paul te Mèzhèɓ Zhiklè, aman a Ƌè a kokwar Jérusalem azɓai.

⁵ Aman nga ndeva m'mèn te pa, ngo do a ma. A ta fèda nga a ma kokwar, tèlèba a ngurhi a ngwozi a wudahi ba. A nga gurɓahai a dzah woyam, a nga tsu rai.

⁶ Aman ngiƋè a n'nga na mbalai a ngiƋè, ngiƋè a ngiƋè, a ngo do a wurom, a tenga'a ta men ta a deɓa a sam ndohi ta.

⁷ A ngo do a ma a wurom te kokwar Tyre, a nga shkè a kokwar Ptolemis, a nga ga ta mbalai a kramamhi nga, a nga nza a pa m'mèn staƋ.

⁸ Te mangoslèma'a ngo do, a nga shkè a kokwar Césarée, a ngo do a gi Philippe, ndo mizlinè Zhiklè staƋ te va tsaraƋ, a nga nza a sam na.

⁹ Dalahi nenga'a faƋ, bidalihai, a ta hodko ma.

¹⁰ Aman nga nza a pa m'mèn kumba, ndo nhadka ma ngiƋè a mshkè te kokwar Judée, nzlembaƋ na Agabus, a mshkè a sam nga.

¹¹ A nco hutèƋ Paul, a ndzawa ri nenga'a a sak nenga'a, a ngaƋa: Mèzhèɓ Zhiklè nkezla'a a goƋ ar haha: Ndo man hutèƋ a nenga'a, ndohi Juif ta da dzawa'a te kokwar Jérusalem, a ta feda a ri ndohi nte deɓa.

¹² Aman nga tsena ma haha, nga a ndohi a sama'a, nga tsa na rai a Paul, aman a Ƌè a kokwar Jérusalem azɓai.

¹³ A Paul a m'mbeƋa ta a ma: Kin kuƋai, a kin mbeƋamay nƋav èhèmè? Te ndav ga amba genè, ko ta dzawyè, ko i metsi ga te kokwar Jérusalem, a géƋ nzlembaƋ Bai Yèsu.

¹⁴ Aman ta slaha ta biƋè a hi ɓai, ta nza tètè, a ta gaƋa: Sèi ara man Bi Zhiklè a woya'a.

¹⁵ Te deɓ pats nasa nga hul kolongwi nga, a ngo do a kokwar Jérusalem.

¹⁶ Ndohi Yèsu te kokwar Césarée ngiƋè kètè ta shkè a nda nga, a ta de nga a sam ndo ngiƋè te kokwar Chypre, nzlembaƋ na Mnason, man a nco Yèsu a ndav hala'a, a nga nza a mbrok a sam na.

¹⁷ Aman nga ndika a kokwar Jérusaiem, kramamhi nga ta ce nga a mwuffè.

¹⁸ Te mangoslèma'a, Paul a mdo a nda nga a sam Jacques, a ndohi nhala'a tèlèba ta shkè a pa.

¹⁹ Aman a n'nga ta mbalai, a n'ngreda ta skwi staƋ staƋ tèlèba, man Zhiklè a gau te mizlinè nenga'a te ndev ndohi nte deɓa.

²⁰ Aman ta tsena'a, ta slubordo Zhikle, a ta gaƋa na: Kramam nga, ka rka ndohi Juif man ta gi gozhèm gozhèm, a haha, man ta co Yèsu a ndav, a ta gi srak a ma kita Zhiklè tèlèba.

²¹ Ndohi ngiƋè ta gaƋa ta te deɓ ngaya, ara man ka nje ta ma a ndohi Juif tèlèba, man ta zhè a sam ndohi nte deɓa, aman ta jèjèr ma Moise azɓai, a ka gaƋa, aman ta ngél ngwon wudahi tenga'a azɓai, a ta jejèr tsuf ta asaɓai.

²² Ani kè? Ta da tsena a vava, ka shkè.

²³ Sèi ka gi ara man nga ngra ka: nga ngots ndohi faƋ, ta gso va a ma man ta gaƋda hai.

²⁴ Sèi ka cè tenga'a a sam ngaya, a ka til ndav ngaya, ara man ndohi Juif ta gia'a, a nda tenga'a, a ka va ta sulai, aman ta shi gèƌ ta. A ndohi tèlèba ta da suna, ta tsakal ma, ka ba ka jèjèr ma kita Zhiklè.

²⁵ Aman a sam ndohi te ndev ndohi nte deɓa, man ta co Yèsu a ndav, nga basla gèƋ nga, a nga zlündo Ƌèlèwèr a sam ta, aman ta gia arsa azɓai, sèi aman ta ɓir va ta te ri vrai, te ri pombaz, te ri skwi m'mets m'metsai, te ri mphömè.

²⁶ A Paul a nhul ngurhi a sam na, a ntila ndav na, a nda tenga'a; te mangoslèma'a, a mdo agi Zhiklè a sam di ndo, a ngra ta ara man a zhèr pats man ta tila zura ma, ha ta vi skwi a Zhiklè agéƋ staƋ staƋ tèlèba te va tenga'a.

²⁷ Aman m'mèn tsaraƋ haha ndul ndul klèng ma, ndohi Juif te kokwar Asie ta rka Paul te gi Zhiklè, a ta poko ta gèƋ auda a ndohi nhaya'a tèlèba, aman ta gshè'a, a ta boho a wuƋai:

²⁸ Kinè ndohi lsrael, vatakaha nga! Nenga'a ndo man a njè ta ndohi tèlèba, a poko ta gèƋ auda a ndohi nga, aman ta gi skwi ngiƋè, man ambaba ma kita Zhiklè haha ɓai; te deɓa'a a nde ta ndohi Grec ba a gi Zhiklè, a lizhè sam haha, man Zhiklè a kezla'a.

²⁹ Aman ta rka Trophime, ndo Ephèse, te kokwar a nda nenga'a. A ta huro, Paul a nda'a a gi Zhiklè.

³⁰ Te kokwar tèlèba ta hakaƌai, a ta hèzlèwè. A ta gso Paul, a ta ngazldauda te gi Zhiklè, a ta pizla ntamagi tsam tsam.

³¹ Aman ta woy a ta keƋa'a, bi sojè a ntsena nhèzlèwè, ara man ndohi kokwar Jérusalem tèlèba ta rubai.

³² A nasa nasa a nhul sojèhai, a bi sojè a nhu a ndev ta. Aman ta rka bi sojè a sojèhai, ta jèkeda ntsi Paul.

³³ Aman bi sojè a herda na va, a nco a sam na, a ngaƋa aman ta dzawa'a a celèlèu cèw, a ndzhoƋo: Nenga'a wa, a ge mè?

³⁴ A ngiƌè a gèƌè ngiƌe, a ngiƌè a gèƌè ngiƌè te ndev ndohai, a slaha a ntsena skwi nzura ɓai a géƋ nrubai, a ngaƋa aman ta da'a a gi bai.

³⁵ Aman a mshkè a sam skwi ntiv ntivè, sojè sèi ta zuɓda auda te va ndohai man ta ga na wuƋai.

³⁶ Aman ndohi tèlèba ta dzodzora, a ta goƋ a wuƋai: Sèi kin keƋa'a!

³⁷ Aman ta da Paul a gi bai, a ngaƋa na bi sojè: I slaha a i gaƋa ka ma ga Ƌè? A nenga'a a ngaƋa: Ka sun ma Grec Ƌè?

³⁸ Ka ndo Egypte ka ɓi Ƌè, man m'mèn a zhè kètè, a rubai, a nde ta ndohi nkeƋ ndo gozhèm faƋ auda a hèshèkèƋ?

³⁹ A Paul a ngaƋa: I ndo Juif te kokwar Tarse, ndo Cilicie, kokwar mbia'a. I tsi ri a ka, ka vay civèƋ, aman i gèƋ ma a sam ndohai.

⁴⁰ Aman a mva na civèƋ, Paul a nzlatsa a sam skwi ntiv ntivè, a ngeda ta ri a ndohai. Aman ta nza tètè, a ngaƋa ta a ma aramée: