2 Timothy 1 - Mofa New Testament

¹ Paul, ndo sak Kristi Yèsu, ara man Zhiklè a woya'a, ara man a mpasla na ri nshèffè a hi te Yèsu Kristi,

² a sam Timothée, kra ga man i woya a ndav ga. Pombai, nsi ndo te va, gumai te Zhiklè, Bab nga, te Kristi Yèsu, Bi nga.

³ I shid gèƌ a Zhiklè, nenga'a man i jèjèrè'a a mèzhèɓ ndav mpana'a, ara man babababhi ga ta gau, a i tsi ri a géƌ ngaya pèc pècèk, a pats a vaƋ.

⁴ Mpataka ngaya a kedyè, man i hér kuƋ ngaya, i woy a i rka ka, a ndav ga a wuffè.

⁵ I hér ncè-a-ndav ngaya nzura'a, nenga'a lèmèlèmè ara man a zhè hala'a te ndav Lois, mamam ngaya ba, a Eunice mam ngaya, a i suna, a zhè te ndav ngaya ba.

⁶ A géƋ nenga'a i fa ka ma a gèƋ, àman ka piƋèkwuda pombi man Zhiklè a mva ka te ndav ngaya, te deɓa man i fa ka ri a gèƌ.

⁷ Zhiklè a mva nga Mèzhèɓ zlau ka ɓai, aman Mèzhèɓ wuƋai a mwoy-ndo, a nga gshè va nga.

⁸ Gar haha ka gu hori malwuƋi Bi m'mbel nga ɓai, ka gu hori ga, man i ndo dangai, ɓai, aman sau matakwan a géƌ ma mbela'a te wuƋi Zhiklè!

⁹ Zhiklè, nenga'a a m'mbel nga, a mbaba nga, a géƋ skwi man nga gu ka ɓai, aman a géƋ man a hur te ndav na, a géƋ pombi man a va nga te Yèsu Kristi, man herkeda n'nge di ɓai.

¹⁰ Antanta pombi haha n'ngreda auda, aman Yèsu Kristi, Bi m'mbel nga a ngudko va, nenga'a man a ngezlda wuƋi a ma te ri m'metsai, a ncko nshèffè a skwi man a huslè azɓai auda a sam nhél sam, te ma mbela'a.

¹¹ I ndo njè ma nenga'a, ndo sak, ndo njèngè ma ara man a gaƋayè.

¹² A géƋ nenga'a i si matakwan aranta. Aman i gi hori azɓai, te man i sun nenga'a man i co a ndav, a i sun a vava, nenga'a a slaha man a ɓerav skwi man a mvay a rai, ba pats ndikèma skwai.

¹³ Gso va a ma m'mbel ndo, man ka tsena a sam ga, a ka lèmdè va ngaya a vna, te ncè-a-ndav, te mwoy-ndo Yèsu Kristi.

¹⁴ Skwi man amba a vata, man ta va nga a rai, ɓüro mbelambela, te Mèzhèɓ nkezla'a, man a zhè te ndav nga.

¹⁵ Ka suna, ndohi kokwar Asie tèlèba ta jèkyè; te va tenga'a Phygèle a Hermogène.

¹⁶ Ndohi te gi Onésiphore da su Zhiklè te va; aman nenga'a a mpay a pa ndav pats ngiƋè pats ngiƋè, n'nga hori a géƋ man i ndo dangai ɓai.

¹⁷ N'ndikè na a kokwar Rome, a nhassyè, ba a ngatsyè.

¹⁸ Da su Zhiklè te va a pats kita! Ara man a ntakahayè te Ephèse kumba, ka ba ka suna.