2 Corinthians 3 - Mofa New Testament

¹ Ara man nga hinè a nga fi va dè? Sèi nga windè âèlèwèr aman kin sen nga a vna dè? Man ɓai, sèi nga ngècè âèlèwèr te ri kinè aman ta sen nga a vna dè?

² Kinè âèlèwèr nga, mwindèa te ndav nga, a ndohi tèlèba ta suna, a ta jèngè'a.

³ Kinè, kin âèlèwèr Kristi, a nga ngreda auda a mizlinè nga. Ɗèlèwèr ta windo a skwi mwindè skwi ka ɓai, a deɓ kwa ka ɓai, aman ta windeda a ndav a Mèzhèɓ Zhiklè a nshèffè.

⁴ Nga fi gèƋ a Zhiklè ar haha te Yèsu Kristi.

⁵ Ara man nga slaha skwi a ri nga ka ɓai, a nga hérè a maya nga ka ɓai. Skwi man nga slaha, nga ngots a sam Bi Zhiklè,

⁶ man a va nga maya, a nga gi mizlinè nderzlèma mɓua'a, a lamba âèlèwèr ka ɓai, aman a Mèzhèɓ. Lamba ma kita a zhidè ndo; aman Mèzhèɓ a vi nshèffè.

⁷ Ma kita Zhiklè mwindèa a deɓ kwa, a da na ma a m'metsai, ko a matsa a n'ngots n'njèl Zhiklè. A ndohi Israel ta slaha a ta pi di a medi Moise ɓai, a géƌ n'njèlè man a zhè a medi na, n'njèlè man a di a ndev na genè.

⁸ N'njèlè mizlinè Mèzhèɓ Zhiklè a fena holhola'a ka ɓi ƌè?

⁹ Aman n'njèl mizlinè njè ma kita, man a Ƌè ma a m'metsai, a zhè, n'njèl mizlinè njè ma nzura'a a zhè holhola'a.

¹⁰ Aman nga lèmdè n'njèl cèw haha, n'njèl nshèlèkura'a nara n'njèl ka ɓai.

¹¹ Aman n'njèl skwi man kala a deɓa a zhè, n'njèl skwi man a nzi a mèdèp a fena mbelambela.

¹² Aman nga zhèr skwi te ndav aranta, nga fi gèƋ a vna

¹³ a nga gi ara Moise ka ɓai: nenga'a a n'ngheda medi na a maslaka, aman ndohi Israel ta rka n'njèlè man a di a ndev na azɓai, ha a n'ndev na ma.

¹⁴ Aman ta sassaya ndav ta. Ha patsna, maslaka man a ngheda di ndohi Israel a zhe a gèƋ nderzlèma m'mova'a man ta jèngè`a Aman sèi Kristi a ncè maslaka auda

¹⁵ Ha patsna aman ta jèngè ma Moise, ndav tenga'a mpizlèa.

¹⁶ Aman Israel a da ngwoda ndav na a sam Bi Zhiklè, di tenga'a a da win na.

¹⁷ Bi Zhiklè, Mezhèɓ; a sam man Mèzhèɓ Bi Zhiklè a zhè, vara mpra'a.

¹⁸ Anai skwa az a di nga ɓai, a n'njèl Bi Zhiklè a rkè, a ngwode nga ara mèzhèɓ va nenga'a, a n'njèl nga a Ƌè a ma ma a sam nenga'a te Bi Zhiklè, nenga'a Mèzhèɓ.