YOANO 10 - Disambi Dipyadipya

¹ SOSOLWO, sôsôlwo, nwatôyela ene, You utasobwela mu lumbu lwa mikwakwa ku mbelo, kate abanda kunga, kayou ndo mwefi yi musancañani.

² Kaninga you abwela munda ku mbelo udi kalama ka mikwakwa.

³ Munami a mbelo umwadipudila ; yi mikwakwa yombombwa diyi dienci ; yei abikila lolo mikwakwa yenci ku dina ku dina yi uyaxiyaxiya kunci.

⁴ Panakala amabatusa bungi bwa mikwakwa yenci, uyeya ku buxi bwayo, yi mikwakwa yimwalanda, bwalo bwalubukwayo diyi dienci.

⁵ Kaninga kayinalanda muntu abene, kate yinamucina bwalo butasolubukwayo diyi dia bantu babene.

⁶ Mwele ou ndo ăkabambila Yisu, kaninga bobo bakadi kabasolubukwa bwalo bwakabambilayi.

⁷ Ndo biakabambila Yisu kabidi ene, Sôsôlwo, sôsôlwo, nwatôyela ene, Meme ndi mbelo a mikwakwa.

⁸ Bantu boso bakalwa buxi bwamene badi befi yi basancafiani, kate mikwakwa yakadi kayisobombwa.

⁹ Meme ndi mbelo ; aka muntu mwosô abwela kundi, unapandixibwa, unabwela munda, unabatuka kunci, yi unasafiana maxindi.

¹⁰ Mwefi kasoiwa kutena ulolwa yi kweba yi kwonda yi kuxipa ; meme namalwa bixeakalabo yi môyo yi bixeakalabo yinau bungi bungi.

¹¹ Meme ndi kalama kanengela. Kalama kanengela ndo kamaladikila mikwakwa môyo ănci ;

¹² kaninga you asala ku bwalo bwa difuto utena kalama, utena fumu a mikwakwa, amamona ngasama ulu kulwa, amaxiya mikwakwa, yi amacina ; ngasama lolo amayikwata, amacakanisa mikwakwa.

¹³ You noku asala bwalo bwa difuto amacina bwalo bwasadilayi difuto, yi kasodinyingisa bwalo bwa mikwakwa.

¹⁴ Meme ndi kalama kanengela ; ngwalubukwa mikwakwa yamene, yi mikwakwa yamene yingwalubukwa,

¹⁵ bea biamangulubukwa Tete, yi bea binamalubukwa Tete ; yi ngwaladikila mikwakwa môyo ămene.

¹⁶ Ndi lolo yi minga mikwakwa yitena ya lumbu lolo ; nakucwala yei noku kabidi, yinakwombwa diyi diamene ; yi yinakala kibumbu kimokimwe yi kalama kamokamwe.

¹⁷ Ku bwalo bobu kwamangunanga Tete, bwalo bungwaladika môyo ămene, ndo kuwangata kabidi.

¹⁸ Kakuna muntu umoumwe ungwanculau, kate ndialadikilau biamene. Ndi yi bumanya bwa kuladika, ndi lolo yi bumanya bwa kuwangata kabidi. Nakangata mulangu ou kudi Tetemi.

¹⁹ Bakanamukanana bonamu kabidi kudi bena Yuda bwalo bwa meyi aa.

²⁰ Mo bangi babo bakatôya ene, Udi yi kidimu kibi, amapasuka ; kukai numwombombwa ?

²¹ Bamo ene, Mambi aa noku kayena a muntu amakwacibwa kudi kidimu kibi. Kidimu kibi kiamalubukwa kudipula meso a bafofo ?

²² Kitula lolo kia kubalolebwa kwa tempelo kiakadiko, ku Yelusaleme ; kwakadi ngondo ya maxika.

²³ Yi Yisu akakwendakana ku tempelo ku mbalanda a Solomono.

²⁴ Mbwôso bena Yuda bakamudinga, yi bakamwambila ene, Pôi kikondo kai panakwelexesa Owe micima yecu mbata ? Ndo Owe udi Kalistu, ututôyeli sôsôlwo.

²⁵ Yisu akabambila ene, Nakanwambila, yi kanusokwetabusa. Makisa angwencenca ku dina dia Tetemi, ka aa angwatôbôlela ntôbô ;

²⁶ kate nonu kanusokwetabusa bwalo bunutena mikwakwa yamene.

²⁷ Mikwakwa yamene ndo yombombwa diyi diamene, yi meme nyalubukwa, yingwalandudila ;

²⁸ meme lolo nyapapa môyo ă kô kô ; yi kayinancimina nyô, yi muntu kienako unayipapula mu kianca kiamene.

²⁹ Tetemi akangupayo amadika bantu boso bunene, yi kakuna muntu ubili kuyipapula mu kianca kia Tetemi.

³⁰ Meme yi Tete badi umoumwe.

³¹ Mbwôso bena Yuda bakakwongula mabwe kabidi bixemuxipabo mabwe.

³² Yisu akabapingasa ene, Namanwebesa makisa mangi anengela kudi Tetemi ; ku bwalo bwa dikisa kai diao ndo kunungwelela mabwe ?

³³ Bena Yuda bakamwambila ene, Katusokwela mabwe ku bwalo bwa dikisa dinengela, kate ku bwalo bwa kutangola Ncembi mwotangu ; yi bwalo budiateka Owe mikyebe Ncembi, udi muntu.

³⁴ Yisu akabapingasa ene, Ku bwadi bwenu kakwafundibwa ene, Meme nakatôya ene, Nudi bancembi ?

³⁵ Ndo amababikila bancembi, bakaiwa diyi dia Ncembi kudibo, (yi mukanda ă Ncembi kaubiyi kuxipibwa)

³⁶ nonu nwatôya ku bwalo bwand bwa you amabalola Tete, amatumayi ku loboko, ene, Owe watangola, bwalo bunaputôya ene, Ndi Mwana a Ncembi ?

³⁷ Aka kisokwenca makisa a Tetemi, kanungwetabuxi ;

³⁸ kaninga ndo ngwencenca, isanga kanusongwetabusa meme, nwetabusi makisa ; binuxelubukwa yi binuxelembetela ene, Tete udi munda mwamene yi meme ndi munda mwa Tete.

³⁹ Biakapalalabo kabidi kumukwata ; yei lolo akapauka mu bianca biabo,

⁴⁰ yi akancuka kabidi ku dixia dia Yôdana ku kidi kiakanumeya Yoano ku bubangabanga ; yi akasala koku.

⁴¹ Yi bantu bangi bakalwa kudiyi, yi bakatôya ene, Yoano akadi kasokwenca kilayixilu pô ; kaninga bintu bioso biakatôya Yoano dia muntu you biakadi sôsôlwo.

⁴² Yi bangi bakamwetabuxila koku.