YAKOBO 3 - Disambi Dipyadipya

¹ KANWAKADI beyexi bangi, bakunyi bamene, bwalo bunwalubukwa ene, nako tunabelebwa lopelo lwamadika kukola.

² Bwalo butwaponapona mapona mangi, bungi bwecu. Ndo muntu kasopona ku diyi, you udi muntu amakuka, ubili kuximba mumbidi muncimancima kabidi.

³ Mona, twamateka biximbilu ku misuku ya tubala bixetwedeyelatu, yi twamakulumuna mimbidi yabo mincimancima.

⁴ Mona kabidi bibusu bia mbuxa, bidi bunene bungi noku ; yi biamapumbuxibwa ku mpepele ya ngulu, kaninga biamakobebwa yi kikobelu kibende nci, kwoso kwananga mucima ă mukobi.

⁵ Nako ludimi kabidi ludi kicini kibende, yi Iwañana mianu ya bubi. Mona, kai ditu dinene diamakwoxebwa mudilu kudi kakungwa kabende nci.

⁶ Yi ludimi ludi mudilu, ludi bea loboko luncima lwa kwona ; ludimi lwamatekyebwa pakacikaci pa bicini biecu ludi mupindisañani a mumbidi muncimancima, lwamabaka mudilu ku kipangu kincimancima kia paxi, yi lwamabakibwa mudilu ku dilungu dia mudilu.

⁷ Butonga bwoso bwa banyama yi banyonyi, bwa babintu biamalambalala paxi, yi banyama ba mai manene, bunancincidixibwa yi bwamancincidixibwa kudi bantu ;

⁸ mo ludimi, muna paxi kienako ubili kuluncincidisa ; ludi bubi butasobakama, lwamakwolubila yi mulanga ă lufu.

⁹ Kudilu ndo kutwamatumbisa Fumu yi Tete, yi kudilu kabidi ndo kutwamafinga bantu bamapangibwa yi bufwani bwa Ncembi.

¹⁰ Mu musuku umoumwe mulolwa yi kutumbisa yi kufinga. Bakunyi bamene, bintu bebi kabixeakala noku.

¹¹ Ku mpokolo, ku kibatukilu kimokimwe, kwamatuma mai a maxika yi mai a bululu ?

¹² Kikuyi kia maxika kiamalubukwa kukama mamoma a olife, bakunyi bamene ? Ndo muci ă finyo kukama mamoma a kikuyi ? Yi mai a kipapa kabiyi kufikisa mai a maxika.

¹³ Ñani udi yi bwinu yi mayala yinenu ? A-ebesi makisa anci mu mwosambu unengela yi diedya dia bwinu.

¹⁴ Mo ndo nwakala yi mwokunyo ă bululu yi kitumba, kanwani mwanu, kanudimbi ku mpala a sôsôlwo.

¹⁵ Bwinu bwa noku kabuna bobu bulolwa kulu ; kate bwa loboko, bwa môyo ă paxi, bwa diabolo.

¹⁶ Bwalo kwoso kudi mwokunyo yi kitumba, koku kudi lwobuncu yi dikisa dioso dia nyete.

¹⁷ Mo bwinu bulolwa kulu budi ku buxi babala, kunyuma bwa pclo, bulebela, bwa diedya, bwamakwo lubila yi bonkangi yi mamoma anengela ; butasoxiyananisa bantu, butena yi mancanga.

¹⁸ Muxekye lolo ă nkwami ndo ămakunibwa mu polo, ku bwalo bwa bantu bateka bantu polo.