MATEYO 7 - Disambi Dipyadipya

¹ KANUBEDI binutaxebelebwa ;

² bwalo lopelo lwoso lunwabela yinalu, nunabelebwa yinalu ; yi lwedi lwoso lunwelekyesa yinalu lunanwelekyexebwa.

³ Mo kukai owe watebela kangungu katani mu diso dia muna kwebe, kaninga kusoxingulula kibambu kitani ku diso diebe ?

⁴ Owe unatôyela muna kwebe beci ene, Mbenculapo kangungu mu diso diebe ; yi mona, kibambu kidi mu diso diebe ?

⁵ Muna mancanga, ncula kibambu buxi mu diso diebe, kunyuma lolo unamona bimpe mwa kuncula kangungu mu diso dia muna kwebe.

⁶ Kanupi yimbwa kintu kidi babala, kanwedi lolo mpalata yenu ku mpala ya ngulubi ya mbuxi, ximbi yixeyinyata muxi mwa makasa abo, yixekulumuka lolo kulwa nupancola.

⁷ Nulombi ; kunanupebwa. Nupalali yi nunasokolola. Nukwakwali yi kunanudipudibwa.

⁸ Muntu mwoso alomba, kangata ; you apalala, kasokolola ; you akwakwala, kamudipudibwa.

⁹ Muntu kai udi yinenu, aka mwananci umwalomba dimpa, unamupa dibwe ?

¹⁰ ndo alomba yixi unamupa nyoka ?

¹¹ Mbwôso nonu, badi bena bubi, ndo nubili kulonga bana benu malongi anengela, ki Tetenu lolo utani mu diulu unadika kubalonga malongi anengela bamwalomba ?

¹² Mbwôso bintu bioso binwakyeba bantu banukixili, nubakixili nako kabidi ; bwalo bwapwakala bwadi nako yi badimuxi.

¹³ Nubweli mu mbelo mubende, bwalo budi mbelo munene, yi ncila udi a lumbu a kuya ku lufu, yi bantu badi bangi babwela momu.

¹⁴ Bwalo budi mbelo mubende yi ncila udi nci a kuya ku môyo, yi bantu badibabende bamwasañana.

¹⁵ Nudimuki bwalo bwa badimuxi ba mancanga balolwa kunudi mu bixeba bia mikwakwa, kaninga badi ngasama ya makitu munda.

¹⁶ Nunabalembetela ku mamoma abo. Bantu pako bakula mamoma a finyo ku mieba ? ndo mamoma a kikuyi kia maxika ku makai ?

¹⁷ Mo nako muci mwoso unengela ămakamañana mamoma anengela, mo muci utena kunengela amakamañana bimoma bibi.

¹⁸ Muci unengela kaubiyi kukama bimoma bibi, yi muci utena kunengela kaubiyi kukama mamoma anengela.

¹⁹ Muci mwoso utasokama mamoma anengeia, ka ăxindibwa, ka elebwa mu mudilu.

²⁰ Mbwôso nunabalembetela ku mamoma abo.

²¹ Kumoni muntu mwoso ungwatôyela ene, Fumu, Fumu, unabwela mu bufumu bwa diulu : kate you encenca nyinga ya Tetemi udi mu diuiu.

²² Bantu bangi banangwambiia ku dituku dedi ene, Fumu, Fumu, coco katwambila ambila ku dina diebe ? ku dina diebe katwatenyeka tenyeka bidimu bibi ? ku dina diebe katwakisa kisa makisa a ngulu mangi ?

²³ Meme lolo nakubasakoiela ene, Kianulubukwa pô. Nuncuki kundi, bakisanani ba bubi.

²⁴ Mbwôso muntu mwoso ombombwa meyi amene aa, yi encenca lolo, unakwelekyexebwa bea luna muna lukanyi akakwabaka ncibo anci kulu kwa mbeki,

²⁵ mbula lolo akaloka, yi ncedi akatuma, yi mpepele yakapupuya, yakakuma ncibo you ; mo kaponene, bwalo bwakakwabakibwayi kulu kwa mbeki.

²⁶ Yi muntu mwoso ombombwa meyi amene aa, utasoakisa, unakwelekyexebwa bea luna muna bwilwa akakwabaka ncibo anci ku disanga ;

²⁷ yi mbula akaloka, yi ncedi akatuma, yi mpepele yakapupuya, yakakuma ncibo you, akapona, yi kupona kwanci kwakadi kwa bubi.

²⁸ Pakadi Yisu amamana meyi aa, bimbukuma biakakamina kweyesa kwanci,

²⁹ bwalo bwakabeyesayi bea muntu yi bumanya, kumoni bea bafundi babo ba mikanda.