MATEYO 6 - Disambi Dipyadipya

¹ NUTEBELI ; kanukixi nkwami yenu ku mpala ya bantu ndo kumonebwa kudibo ; ximbi nuxeakala kutena sayi kudi Tetenu udi mu diulu.

² Mbwôso panakisa makisa a mwengo, kukumi mpungi ku buxi bwebe, bea biencenca bena mancanga mu bixingidilu, yi ku ncila, bixetumbixibwabo kudi bantu. Nwatôyela sôsôlwo ene, bapwangata sayi yabo.

³ Kaninga panakwenca owe makisa a mwengo, kulubukixi kianca kiebe kia kimoso biencenca kianca kiebe kia kidyo ;

⁴ bixeakala makisa ebe a mwengo ku busoko ; yi Tetebe amona ku busoko unakusayila.

⁵ Oka lolo nwalomba, kanwakadi bea bena mancanga ; bwalo bwanangabo kulombela bemanini mu bixingidilu yi ku matakanu a ncila ndo kumoneka kudi bantu. Nwatôyela sôsôlwo ene, Bapwangata sayi yabo.

⁶ Kaninga panalomba owe, bwela mu ngumbu ebe ; panakaia wapuncibika mbelo ebe, lomba kudi Tetebe udi ku busoko ; yi Tetebe amona ku busoko unakusayila.

⁷ Oka lolo nwalomba, kanwetodi mieto kanana bea bena mabila, bwalo bwakisabo ene, banakwombwebwa ku kutôya kwabo kungi.

⁸ Mbwôso nonu kanufwañanani yinabo, bwalo bwamalubukwa Tetenu bintu binwakyeba buxi bunukidi kanumulombeli.

⁹ Mbwôso nulombi nako ene, Tetecu utani mu diulu, dina diebe diakali kincila ;

¹⁰ bufumu bwebe bulwi ; nyinga yebe yencebwi pa loboko byekyene bea mu diulu

¹¹ utupi lelo bidya bia lelo ;

¹² utu lekyeli lolo mbata yecu byekyem bitwamalekyela coco kabidi bobo badi yinecu mbata ;

¹³ kutucwad ku kwelekyexebwa, kate utupaul kudi you a bubi.

¹⁴ Bwalo nonu ndo nwalekyela bantu mona abo Tetenu a mu diulu unanulekyela kabidi ;

¹⁵ kaninga nonu ndo kanusolekyela bantu mona abo, Tetenu kabidi kananulekyela mona enu.

¹⁶ Oka nwamancila bidya, kanwakadi bea luna bena mancanga, yi mpala ya buxitu ; bwalo bwononabo mpala yabo bixemonekabo yi luncilu kudi bantu ; nwatôyela sôsolwo ene, Bapwangata sayi yabo.

¹⁷ Kaninga panancila owe bidya, xinga mucwe ebe, yi kusula mpala ebe,

¹⁸ bitaxemoneka yi luncilu kudi bantu, kate kudi Tetebe utani ku busoko ; yi Tetebe amona ku busoko unakusayila.

¹⁹ Kanudibumbidi bima ku loboko kwononona lubaibai yi bodingo bintu, kwatubula tubula kabidi befi yi kweba ;

²⁰ kaninga nudibumbili bima mu diulu mutasokwona bintu ndo lubaibai ndo bodingo ; mutasotubula befi yi kweba ;

²¹ ku kidi kitani ngombo yebe, koku kabidi kunakala mucima ebe.

²² Mwinda ă mumbidi udi diso ; mbwôso ndo diso diebe diapwakala loko, mumbidi ěbe muncimancima unakala obo ;

²³ mo ndo diso diebe didi bubi, mumbidi ěbe muncimancima unakala mwedima. Mbwôso ndo obo udi munda mwebe udi mwedima, mwedima udi bungi bea kai ?

²⁴ Kakuna muntu ubili kusadila bafumu babidi ; ndo unanyañana umoumwe unananga munga, ndo unanamata kudi umoumwe unatamuna munga. Kanubiyi kusadila yi Ncembi yi bima.

²⁵ Mbwôso nwatôyela ene, kanucini bwalo bwa môyo ěnu, binuxedya yi binuxenwa ; ndo bwalo bwa mumbidi enu binuxelata. Môyo ka ămadika bidya ? Mumbidi ka ămadika bilamba ?

²⁶ Numoni nyonyi ya kulu bitasokunayi, bitasobukayi, bitasobumbayi mu bibumbilu, mo Tetenu a mu diulu amayibungula. Nonu kanusoyidika ?

²⁷ Nani udi yinenu, ndo apwakala yi mutete, unalubukwa kudilundisa kubiti umoumwe ku bule bwanci ?

²⁸ Kukai lolo nudi yi mutete bwalo bwa bilamba ? Nuxiximi masusu a mbata, mwalundao ; kasokamba, kasokuma nkumena ;

²⁹ kaninga nwatôyela ene, Solomono isanga yi dikai dienci dioso kalacibwa bea luna dimodimwe dedio.

³⁰ Mbwôso Ncembi ndo alatisa bilo bia mbata nako bidi paxi lelo, kaninga mankyelo binakwelebwa ku dilungu, ki unadika kunulatisa, bena kwetabusa kubende ?

³¹ Mbwôso kanwakadi yi mutete ene, Tunadya kai ? ndo ene, Tunanwa kai ? ndo ene, Tunalacibwa yi kai ?

³² Bwalo bwapalala palala mabila bintu bebi noku bioso ; Tetenu pako aiubukwa ene, nwamakwabila bintu bebi bioso.

³³ Nupalali lolo bufumu bwa Ncembi buxi, yi nkwami yenci ; yi bintu bioso bebi noku binanubodeyebwa.

³⁴ Mbwôso kanwakadi yi mutete bwalo bwa mankyelo ; mankyelo anakala yi ănci mutete mikyenci. Bubi bwa dituku dimodimwe bwamakuka dituku dedi.